Hülya

Usne apne kamra ki khirki kholi to saamne khoobsurat manzar uska muntazir tha. Bahar ka mausam, har taraf haryali aur hawa mein ek alag kisam ki tazgi thi. Wo apna night suit pehne hue thi, baal jura ki soorat mein bandh rakhe the, aur do latain saamne safaid chehre par joolh rahi thin.

Bhoori aankhon ne bahar ka manzar dekha; sooraj ki kirnain aankhon par parne se aankhen sunheri lag rahi thin.

"GÜNAYDIN!!!!!!" (Good morning!) wo qadra khushi ke saath boli.

Uske kamra ke saath ek terrace tha jo isi building ka hissa tha. Yeh Istanbul ka ek posh ilaqa tha jahan flats sath sath hi the, aur yahan Turkey ki zyada tar elite class ka basara tha.

"Waisa, jab sooraj nikalta hai to aksar logon ko pata chal jata hai ke subah ho gayi hai.

"Us terrace se ek mardana aur khoobsurat aawaz sunayi di, aur phir wo saamne aaya. Haath mein coffee ka cup tha aur ainak laga rakhi thi, siyah baal bikhre hue the.

"Ooo wow!! Saim, mujhe nahi pata tha aisa bhi hota hai! Kaisa inkashaf kiya hai tumne," sara mood kharab kar diya.

"Waisa, tum itni subah subah kya kar rahe ho yahan? Asolan to tumhein is waqt hamare ghar nashta ki table par hona chahiye tha.

""Kuch nahi, bus ek book parh raha tha."Usne book ki taraf ishara kiya jo terrace mein maujood ek table par rakhi hui thi.

"Yaqeen nahi aata! Yeh main ne tumhein kal di thi aur itni zyada parh bhi li? KITABI KEERA! Hadd hoti hai Saim Rehman.

""Waisa, yeh kafi achi book hai. Tumhein kahan se mili?" Saim ne sawal kiya.

"Pata nahi, kal class mein ek professor ne di thi ke kafi achi book hai. Tumhein to pata hai yaar, nahi parhi jati itni moti books mujhse!

""Hn, wahi main kahoon, yeh book tumhari laye hui nahi lagti," Saim ne kaha.

"Acha ab bus bhi karo. Tum aisa karna, is mein jo bhi story thi wo mujhe bata dena. Bata do ge na?"

"Theek hai, lekin kya tum sunogi bhi?" Saim ne sawal poocha.

"Aaj tak tumhare ilawa main ne kisi ki suni hai baatein!" peecha se aawaz aayi—Romii "Allah khair! Ami bula rahi hain, main ja rahi hoon. Aur sharafat se nashta pe aa jao okayyy.""Hn tum jao, main aata hoon." Wo uski baat pe muskuraya aur andar kahin ghayab ho gaya.

Ami jaan, aapne bulaya?" Romi ne kitchen mein dakhil hote hue kaha.

"Haan beta, subah subah kisse baat kar rahi thin?"

"Koi nahi ami, Saim tha. Pata nahi kya kya bol raha tha."

"Acha, chalo, aa raha hai naashte par wo?"

"Haan ami, main ne kaha hai ke aa jao."

"Chalo sahi ho gaya, jao kapray waghera change kar lo, tumne university jana hai, late ho jao gi."

"Ji ami, jati hoon.

"Samne se Jahanzeb aaye aur Romi ko seenay se laga liya. "Kaisi hai meri pyari beti?"

"Ik dam bindass, baba!""

Yeh baat! Chalo jao, tayar ho joo."

Wo log naashte ki table par baithe the. Flat kaafi bara na tha, lekin chhota bhi nahi tha, aur Samreen (Romi ki ami) ne acha sa set kar rakha tha. Achanak se bell baji."

Jao Romi, Saim aaya hoga," Jahanzeb ne kaha.

"Ji abbu."

Aaj usne ik white skirt pehan rakha tha aur oopar butter yellow shirt. Galay mein ik scarf tha aur kandhon tak aatay baalon ko peechay ki taraf clips lagaye hue the. Usne darwaza khola; samne Saim tha.

"Hnji, chalain university ke liye?"

"Haan, bus baba se milo, phir nikalte hain."

Saim andar aaya, uncle aur aunty se mila, phir dono university ke liye nikle. Ab dono gaari mein baith chuke the.Saim gaari chalane mein masroof tha aur Romi gaari mein maujood uski cheezon ka jaiza le rahi thi jab Romi ne kaha

"Saim, main ne coffee peeni hai, pehle rasta se lete hue jayein."

"Tamam (okay).

"Ik coffee shop par Saim ruka aur apne aur apne liye coffee le kar aaya. Wapisi par uske hath mein do coffee ke cup aur do sunflowers bhi the."

"Arayy, yeh kis liye?"

"Wahan andar flower corner tha to main ne lai liya."

"Do kyun?" Romi ne coffee aur flowers pakarte hue kaha.

"Bus, aisa hi." Saim apna cup thaam kar driving seat par baith gaya.

"Apni coffee taste karwao." Usne Saim ka cup pakra aur ik sip liya, aur bohat mushkil se andar le kar gayi. Ye coffee thi ya zeher? Bura sa munh banatay hue usne kaha

"Yahi to peene ki cheez hai, tum piyo apni doodh wali meethi coffee."

" Main is mein hi khush hoon." Roma na kaha.

"Baatein karte hue Saim ne Romi ko uski uni chhora aur phir apni university ki taraf chal diya.