Chapter 2 The Promise Beyond Death
"The Forgotten Picnic"
[Company Annual Picnic – Hill Station | Morning – 9:00 AM]
" 5 buses company ke gate se nikalti hain.
Employees gaane ga rahe hain.
Koi selfie le raha hai.
Koi antakshari khel raha hai.
Sharma mic pakad leta hai."
Sharma : "Announcement!"
"Jo bhi employee sir ko antakshari me hara dega...
Usko Monday ki meeting se chhutti!
(Sab zor zor se hans padte hain.
Ram bhi muskura deta hai.)
"Shree window seat par baithi hoti hai.
Ram uske paas baithne jaata hai.
Lekin Sharma pehle hi baith jaata hai.
Sharma : Sorry sir... Employee rights.
(Sab hans padte hain.)
"Ram usko uthakar doosri seat par bitha deta hai."
Ram : Ye meri reserved seat hai.
Sharma : Wah sir...
Company bhi aapki...
Seat bhi aapki...
Bhabhi bhi aapki...
Meri toh sirf salary hi meri hai.
(Poore bus me zor zor se hans ne
Lagte hai. )
"Safar ke dauran Shree ka sir dheere dheere Ram ke kandhe par aa jaata hai.
Ram usse uthata nahi.
Bas smile karta hai.
Sharma photo kheench lagta hai.
Sharma : Sir blush kar rahe hain.
Sab Ram ko chhedne lagte hain.
[Picnic Spot]
"Bus rukti hai.
Ram neeche utarte hi chup ho jaata hai.
Ye wahi jagah hoti hai...
Jahan kabhi woh Sara ke saath aaya tha.
Flashback...
Sara hansi.
White roses.
Lake.
Wooden bridge.
Sab yaad aane lagta hai."
"Sab log games khelne lagte hain.
Lekin...
Shree bina kisi ke bataye seedha jungle ke ek chhote se raaste ki taraf chal padti hai.
Ram hairan se."
Ram : Shree...
Tumhe kaise pata udhar raasta hai?
"Shree ruk jaati hai.
Mudkar dekhti hai."
Shree : Pata nahi...
Lekin lag raha hai...
Jaise main pehle bhi yahan aayi hoon.
(Ram ka dil zor se dhadakta hai.)
"Raasta khatam hota hai.
Saamne ek chhoti si lake.
Halka sa waterfall.
Thandi hawa.
Shree muskura kar bolti hai...
Shree: Kitni sundar jagah hai...
"Ram dheere se bolta hai..."
Ram : Haan... Bahut yaadein judi hain is jagah se.
(Shree uska haath pakad leti hai.)
Shree : Ab is jagah se hamari bhi yaadein jud jayengi.
"Ram halka sa smile karta hai."
[Sara First Switch]
"Hawa achanak tez chalti hai.
Shree ka chehra badalne lagta hai.
Wo lake ki taraf dekhkar dheere se bolti hai..."
Shree : (Sara ke lehje me) Tumne kaha tha...
Agli baar hum yahan shaadi ke baad aayenge.
" Ram ka face ka rang ud jaata hai.
Ye baat...
Sirf Sara aur Ram ke beech hui thi."
Ram : Shree... Tum...?
"Shree uski taraf dekhti hai.
Bilkul Sara wali muskaan.
Shree : aapna Promise tod diya na...Ram
"Ram ka haath kaampne lagta hai."
"Tabhi peeche se Sharma ki awaaz.
Sharma : Sir!
Aap dono yahan honeymoon mana rahe ho kya?"
[Switch toot jaata hai.]
(Shree blink karti hai.)
(Phir normal.)
Shree : Arre Sharma ji!
Aap kab aaye?
"Sab employees ek game khelte hain."
Game : Couple Quiz.
Host poochta hai...
Host : Sir ka favourite flower?
"Ram sochne lagta hai.
Shree bina soche bol deti hai...
"White Rose."
"Sab taali bajate hain.
(Ram hairan.)
Usne kabhi nahi bataya tha.
"Dusra sawaal.
Host : Sir ko gussa aaye toh kya karte hain?
Shree : Pehle chup ho jaate hain...
Phir baarish me akele chalne nikal jaate hain.
(Ram freeze.)
Ram : ( maan hi maan )Ye aadat...
Sirf Sara jaanti thi.
Employees ek dusre ko dekhne lagte hain.
Sharma : Sir ne Bhabhi ko sab kuch bata rakha hai.
"Ram dheere se sir hila deta hai..."
"Nahi...ye nahi ho sakta"
"Shaam hone lagti hai.
Sab group photo ke liye line me khade hote hain."
Photographer bolta hai...
"Smile."
Flash.
Photo click.
Sab photo dekhte hain.
Ek employee achanak bolta hai...
"Sir..."
"Ye aapke peeche kaun khada hai?
Sab screen ki taraf dekhte hain.
Ek pal ke liye...
Ram ke peeche...
Yellow saree me ek ladki muskura rahi hoti hai.
Ram aur Sharma dono shock.
Agle hi second...
Photo normal.
Sirf employees.
Employee: Arre... Abhi toh koi tha...
Dusra employee bhi bolta hai...
"Maine bhi dekha."
"Ab sirf Ram aur Sharma hi nahi...
Poora office 2 second ke liye confuse ho jaata hai."
"Ram tent me jata hai us waqt...
Shree shree so rahi hota hai.
Ram uske baal hataata hai.
Dheere se bolta hai..."
Ram : Chahe tum Shree ho...
Ya meri yaadon ki parchhai...
Main tumhe dard nahi dunga.
Neend me hi Shree halki si muskurati hai...
Shree sote hua bahut dheere se bolti hai...
Shree : Mujhe pata hai... sakha...
"Ram ki aankhon me aansu aa jaate hain.
Wo samajh nahi paata...
Ye awaaz Shree ki thi...?
Ya Sara ki..?
[ Hill Station | Picnic Spot | Shaam – 4:30 PM]
"Suraj dheere dheere dhal raha hota hai.
Thandi hawa chal rahi hoti hai.
Office ke sab employees barbecue aur games me busy hote hain.
Sharma sabko chai baant raha hota hai.
Sharma : (zor se)
Attention everyone!
Aaj ka last game!
Jo sir ko hasayega usko Monday ki meeting cancel!
(Sab employees Ram ke paas aa jaate hain.
Ek employee joke sunata hai.
Ram sirf halka sa smile karta hai.
Dusra mimicry karta hai.
Ram phir bhi serious.
Tabhi...
Shree Ram ke kaan ke paas dheere se bolti hai...
Shree : Businessman ji...
Aaj bhi file lekar sone wale ho kya?
(Ram zor se hans padta hai.)
Sab employees chillate hain...
"Winner mil gaya!"
Sharma : Dekha...
Sir ka password sirf Bhabhi ji ke paas hai.
(Sab zor zor se hans padte hain.)
[ Romantic Walk]
"Games ke baad...
Ram aur Shree akele chalne lagte hain.
Pedon ke beech ek purana raasta.
Hawa me thandi khushboo.
Shree patton ko haath se chhooti hui chal rahi hoti hai.
Shree : Yahan kitni shaanti hai...
(Ram dheere se smile karta hai.)
Ram : Haan...
"Achanak...
Shree ruk jaati hai.
Door ek purana bargad ka ped dikhta hai.
Wo bina kuch soche uski taraf chal padti hai."
(Ram hairan.)
Ram : Shree...
Udhar kyun ja rahi ho?
Shree bina peeche dekhe bolti hai...
Pata nahi...
Lekin lag raha hai...
Koi bula raha hai.
(Ram ka dil zor se dhadakta hai.)
[Personality Switch]
"Shree ped ke paas jaakar rukti hai.
Dheere se apna haath bark par rakhti hai.
Uski aankhen band ho jaati hain.
Hawa achanak tez chalne lagti hai.
Ped ke patte zor zor se hilne lagte hain.
Ram dheere dheere uske paas jaata hai.
Shree ungli se bark par haath ferte hue bahut dheere bolti hai..."
Shree : (Sara ke lehje me)
Tumne kitna kharab heart banaya tha...
( Ram ka saans ruk jaata hai.)
Shree muskura deti hai...
Bilkul Sara ki tarah.
Shree : Maine hi toh kaha tha...
Seedha nahi bana sakte kya?
"Ram ka chehra safed pad jaata hai.
Ye baat...
Sirf...
Sara ko pata thi."
[Biggest Shock]
"Shree bark ko halka sa saaf karti hai.
Aur wahan dikhai deta hai...
R + S
Purana nishaan.
Abhi bhi wahi.
Ram ki aankhon me aansu aa jaate hain.
Wo dheere se bolta hai..."
Ram : Ye...
Tumhe...
Kaise pata?
[Sara's Voice]
Shree dheere se mudti hai.
Uski aankhon me aansu hote hain.
Lekin awaaz...
Sara ki hoti hai.
Shree / Sara :
Tumne kaha tha...
Chahe baarish aaye...
Chahe waqt badal jaaye...
Ye nishaan kabhi nahi mitega...
"Ram ki saanse tez ho jaati hain."
"Tabhi peeche se Sharma bhaagte hue aata hai."
Sharma : Sir! Sir!
Aap dono yahan ho?
"Ram turant peeche mudta hai.
Dobara Shree ki taraf dekhta hai.
Ab...
[Shree bilkul normal]
Shree : (hairan)
Kya hua?
Aap ro kyun rahe ho?
(Ram chup)
"Sharma ped ko dekh leta hai."
Sharma : Arre wah!
Kisne school time me homework ki jagah ped pe drawing banayi thi?
"Ram aankhen band kar leta hai.
Sharma aur paas jaakar padhta hai..."
Sharma : R+S
(Sharma hans padta hai.)
Sharma : Sir...
Ye R matlab Ram...
Par S matlab?
(Ram chup)
Sharma : (mazaak me)
"Sharma?"
(Poora group hans padta hai.)
Employee : Sir aur Sharma?
(Sab zor se hansne lagte hain.)
"Ram bhi majboori me muskura deta hai."
"Sab log wapas bus ki taraf chal dete hain.
Shree bhi unke saath chalne lagti hai.
Ram ek baar mudkar ped ki taraf dekhta hai.
Ped ke neeche...
Ek ladki...
White dress me khadi muskura rahi hoti hai.
Wo dheere se haath hilaati hai.
Ram aankhen jhapakta hai.
Dobara dekhta hai...
Wahan koi nahi.
Shree : Kya hua sakha?
"Ram uski taraf dekhta hai."
Ram : Ek baat puchun?
Shree : Haan.
Ram : Tum mujhe...
Sakha kyun bulati ho?
"Shree hairan hokar hans deti hai.
Shree : Main?
Maine kab bulaya?
"Ram chup ho jaata hai...
Kyunki usne abhi-abhi apne kaanon se suna tha.
[Picnic Camp | Raat 10:00 PM]
"Sab employees campfire ke aas-paas baithe hote hain.
Koi guitar baja raha hai.
Koi marshmallow sek raha hai.
Ram aur Shree ek dusre ke paas baithe hote hain.
Employee : Ab Sharma sir koi joke sunaiye!
"Sharma turant khada ho jaata hai."
Sharma : Sir ke office me do hi log dangerous hain.
"Sab poochte hain..."
Kaun?
Sharma : Ek Income Tax...
Doosri Bhabhi ji.
"Sab zor se hans padte hain.
Shree bhi hans deti hai.
Ram sir pakad leta hai."
Shree : Accha Sharma ji...
Ghar jaake batati hoon aapke sir ko.
Sharma : Bhabhi ji please...
Meri salary already kam hai.
"Sab fir se hans padte hain."
"Campfire dheere dheere shaant ho jaata hai.
Sab log gaana gaane lagte hain.
Ram dheere se Shree ke kandhe par shawl rakh deta hai."
Ram : Thand lag jayegi.
"Shree muskura deti hai."
Shree : Thank you... Best Friend.
"Ram smile karta hai."
(Sharma Ki Bhookh)
"Sharma chips lekar akele baitha hota hai."
Sharma : Sab couples romance kar rahe hain...
Aur main...
Chips ke saath relationship me hoon.
"Sab Employees Sharma ki baat pe hans padte hain."
"Sharma washroom dhoondte dhoondte thoda jungle ki taraf chala jaata hai.
Phone ki torch jal rahi hoti hai.
Sharma : Ye washroom kisne Everest pe banaya hai?
"Achanak...
Hawa chalti hai.
Torch blink karti hai."
Sharma : (khud ko sambhalte hue)
Nahi Sharma...nahi
Tu engineer ka beta hai...
Bhoot-vhoot kuch nahi hota.
"Achanak ek ullu bolta hai.
"Hoooo..."
Sharma uchhal padta hai.
Sharma : "Arre mummy!"
"Phir dekhta hai...
Sirf ullu.
Sharma : "Sorry bhai...
Tu apna kaam kar."
"Jaise hi Sharma mudta hai...
Usse ek ladki safed kapdon me ped ke paas khadi dikhai deti hai.
Baal hawa me ud rahe hote hain."
Sharma : (hansne ki acting)
Nice try employees...
Mujhe daraoge?
"Wo paas jaata hai.
Ladki dheere se muskuraati hai.
Ladki : Sharma ji...
"Sharma ruk jaata hai.
Sharma : "Ji?"
Ladki : Ram ka dhyan rakhna.
(Sharma hairan.)
Sharma : Aap... Kaun?
"Ladki dheere se muskuraati hai.
Ladki : mujhe nahi jaante...
Lekin Ram jaanta hai.
"Sharma sochta hai ki shayad koi guest hoga.
Wo hasta hua bolta hai..."
Sharma: Accha... Sir ki koi purani client?
"Ladki dheere se sir hila deti hai.
Ladki : Nahi...Purani yaad.
" Atmosphere Changes
Hawa bahut tez chalne lagti hai.
Campfire ki roshni door se dikh rahi hoti hai.
Sharma ke phone ki torch band ho jaati hai."
Sharma : (ghabra kar)
Madam...
Aap staff me se ho kya?
"Ladki dheere se bolti hai..."
Ladki : Nahi... Main.....Sara.
"Sharma ka chehra safed pad jaata hai."
"Sharma darr ke maare aankhen band kar leta hai.
Hanuman Chalisa yaad karne ki koshish karta hai...
Sharma : Jai Hanuman gyaan gun...Sagar...
...Arre aage kya tha?
"Jab wo dhree se aakhe kholta hai...
Wahan koi nahi hota.
Sirf hawa chal rahi hoti hai.
Wo bhaagta hua camp me aata hai.
Saans phooli hui."
Ram : Sharma! Kya hua?
"Sharma paani peeta hai.
Phir dheere se Ram ke kaan me bolta hai...
Sharma : (kaampte hue) Sir... Kal tak mujhe lagta tha...
Aap overthinking kar rahe ho...Aaj...
Maine bhi usse dekha.
"Ram ka chehra ekdum serious ho jaata hai."
"Tabhi...
Peeche se Shree chai lekar aati hai.
Bilkul normal smile ke saath.
Shree : Kya hua Sharma ji?
Itna dare hue kyun lag rahe ho?
"Sharma uski taraf dekhta hai...
Phir Ram ki taraf...
Aur dheere se bolta hai..."
Sharma : Sir... agar maine jise dekha... woh Sara thi... toh phir iss waqt aapke paas kaun khada hai?
"Ram dheere se Shree ki taraf dekhta hai...
Shree pyaar se uska haath pakad leti hai...
Lekin ek pal ke liye...
Uski muskaan bilkul Sara jaisi lagti hai...
Aur agle hi pal...
Sab phir normal.
[ Hill Station Camp | Time – Raat 11:45 PM]
"Thandi hawa chal rahi hoti hai.
Beech me bonfire jal raha hota hai.
Sab employees gol baithkar guitar aur gaane enjoy kar rahe hote hain."
Sharma : (mic pakadkar)
Announcement!
Aaj couples game hoga.
Jo couple jeetega...
Usko free ice cream.
Ek employee bolta hai...
Employee : Sir aur Bhabhi toh pakka jeetenge.
(Sharma hanskar.)
Sharma : Nahi...
Sir romantic kam...
Excel sheet zyada dekhte hain.
"Sab zor se hans padte hain."
(Ram sir pakad leta hai.)
[Couple Game]
"Host bolta hai...
Game bahut simple hai.
Pati ko aankhon par patti bandhi jayegi.
Sirf wife ki awaaz sunkar unhe dhoondhna hai.
Sab clap karte hain.
Ram ki aankhon par patti baandh di jaati hai.
Sab ladies ek saath bolti hain...
"Ram ji..."
"Sir..."
"Idhar..."
"Sab confuse karne lagti hain.
Ram dheere dheere chal raha hota hai.
Achanak...
Ek bahut pyari awaaz aati hai.
"Best Friend... sakha..."
"Ram bina soche seedha us awaaz ki taraf chal padta hai.
Sab dekhte reh jaate hain.
Ram jaakar seedha Shree ka haath pakad leta hai.
Sab zor se taali bajate hain.
Sharma : Sir ko GPS ki zarurat nahi...
Sirf Bhabhi ji ki.
(Sab phir se zor zor hans padte hai.)
Host kehta hai...
"Ab winner couple dance karega."
"Slow music shuru hota hai.
Ram dheere se Shree ka haath pakadta hai.
Dono bonfire ke paas dance karte hain.
Hawa me Shree ke baal udte hain.
Ram dheere se uske kaan ke paas bolta hai..."
Ram : Pata hai... Mujhe lag raha hai...
Ab dheere dheere tum meri aadat ban rahi ho.
(Shree sharma kar smile karti hai.)
Shree : Aadat?
Ya Best Friend?
(Ram hans deta hai.)
Ram : Dono.
Tabhi Sharma zor se chillata hai...
Sharma : Sir!
Thoda distance.
Office policy.
(Sab employees zor se hans padte hain.)
Ram Sharma ko dekhkar bolta hai...
Ram : Kal se tera overtime start...
(Sharma turant chup.)
"Bonfire dheere dheere kam hone lagta hai.
Hawa tez chalti hai.
Aag ki lau hilne lagti hai.
Host bolta hai...
"Chalo..."
"Ab ghost story."
"Sab employees gol baith jaate hain.
Lights band kar di jaati hain.
Sirf bonfire ki roshni.
Ek employee daraavni kahani suna raha hota hai.
Tabhi...
(Shree dheere se bol padti hai.)
Shree : (bahut dheere)
Ye kahani galat hai...
Sab uski taraf dekhte hain.
Employee : Kyun?
"Shree bina palak jhapkaye aag ko dekh rahi hoti hai."
Shree : (Sara ke lehje me) Kyunki...
Is jungle me...
Ek ladki sach me apna promise nibha rahi hai.
"Ram ka chehra badal jaata hai.
Sab Confused"
Ek employee hasta hai.
employee : Wow Bhabhi ji...
Aap toh acting bhi achhi karti hain.
"Sab halki si hansi dete hain.
Lekin Ram nahi."
"Usse awaaz pehchaan me aa jaati hai."
[Switch]
"Shree dheere se Ram ki taraf mudti hai.
Uski aankhon me aansu."
Shree / Sara : Ram...
Tumne bhi toh promise kiya tha...
Yaad hai?
(Ram chup.)
"Uska gala sukh jaata hai."
"Atmosphere bahut heavy ho jaata hai.
Sharma achanak uthkar bolta hai..."
Sharma : Bas!
Main horror movie dekhne nahi aaya.
"Wo jaldi se guitar utha leta hai.
Aur zor se gaana gaane lagta hai.
"Lakdi ki kaathi..."
"Sab employees hansne lagte hain.
Atmosphere halka ho jaata hai."
"Shree achanak normal ho jaati hai.
Wo Ram ko dekhkar hans deti hai."
Shree : Aap itne serious kyun ho?
"Ram bas use dekhta rehta hai."
"Sab log marshmallow kha rahe hote hain.
Sharma selfie lene ke liye mobile uthata hai."
Sharma : "Everyone say Cheese!"
""Flash""
"Photo click."
"Sab photo dekhte hain.
Photo me...
Sab log smile kar rahe hote hain.
Lekin...
Bonfire ke doosri taraf...
Ek white dress wali ladki baithi hoti hai.
Chehre par halki si muskaan.
Haath aag ki taraf badhaye hue."
Employee : Ye... ye kaun hai?
"Sab ek saath photo dekhte hain.
Ram aur Sharma ek dusre ki taraf dekhte hain.
Turant bonfire ki taraf mudte hain...
Wahan...
Koi nahi hota.
Sirf jalti hui lakdiyaan...
Aur hawa me uddti hui raakh...
Shree dheere se Ram ka haath pakad leti hai."
Shree : (bilkul normal)
Chalein Best Friend?
"Ram uski taraf dekhta hai...
Uski aankhon me wahi masoomiyat hoti hai.
Lekin...
Bonfire ki aag me...
Ek pal ke liye...
Ram ko Sara ki muskurati hui parchhai dikh jaati hai...
Aur phir...
Sab kuch normal."
[ Bonfire Camp Time: Raat 12:30 PM ]
"Bonfire ab dheere dheere bujh raha hota hai.
Adhikansh employees apne tents me ja chuke hote hain.
Sirf...
Ram, Shree ,Sharma aur kuch 4–5 employees baithe hote hain.
Thandi hawa...
Upar chamakte hue taare...
Door jungle se jhinguron ki awaaz...
Atmosphere bahut shaant hota hai.
Sharma coffee peete hue..."
Sharma : Sir... Mujhe ek baat samajh nahi aati.
Ram : Kya?
Sharma : Aap dono ki shaadi ko ek saal ho gaya...
Lekin aaj bhi 'Best Friend' hi bolte ho.?
"Employees hansne lagte hain."
(Ek employee bolta hai.)
Employee : Bhabhi ji...
Aap kab 'I Love You' bulwaogi Sir se?"
"Sab...
"Oooooooo..."
"Ram sharma jaata hai.
Shree bhi muskura deti hai.
Employees mazaak me bolte hain...
"Sir..."
Aaj stars ke neeche propose karke dikhaiye."
"Ram pehle mana karta hai.
Lekin sab zor dene lagte hain.
Sharma ghutno ke bal baithkar acting karta hai."
Sharma : Dekho sir...
Aise bolte hain...
(Sab zor se hans padte hain.)
"Ram dheere se Shree ke saamne ghutno par baith jaata hai.
Sab shaant.
Sirf hawa ki awaaz.
Ram pocket se...
Ek white rose nikalta hai.
Shree ki aankhon me halki si nami aa jaati hai."
Ram : (softly)
Pata nahi...
Life ne hume kis tarah milaya...
Lekin...
Aaj ek saal baad...
Main apni Best Friend se...
Dil se ek baat kehna chahta hoon.
Shree chupchaap uski aankhon me dekhti rehti hai.
Ram : Shree...Shayad...
Main dheere dheere...Tumse pyaar karne laga hoon.
"Poora camp ekdum silent.
Shree ki aankhon me aansu.
Wo dheere se haath badhati hai.
White rose lene hi wali hoti hai...
Suddenly...
Bonfire ki aag achanak zor se bhadak uthti hai.
Hawa bahut tez chalne lagti hai.
Sab log ghabra jaate hain.
White rose hawa me udd jaata hai.
Shree ka chehra badalne lagta hai.
Uski smile dheere dheere gayab ho jaati hai."
[Sara Takes Over]
"Shree ki awaaz badal jaati hai.
Bahut shaant...
Bahut dard bhari."
Shree / Sara : Bas...?
Itni jaldi...?
(Ram ka chehra safed.)
Sara :White Rose...Yaad hai?
Tumne pehli baar mujhe bhi isi tarah diya tha...
"Ram ke haath kaampne lagte hain.
Employees sochte hain...
Ye acting chal rahi hai.
Sirf Sharma samajh jaata hai.
Ye acting nahi hai.
[ Sara's Pain]
Sara : Tumne kaha tha...
Ye phool sirf mera hai. Aaj...Kisi aur ko?
"Ram ki aankhon me aansu.
Ram : Sara...
"Sab employees shock.
Employee: "Sara kaun?"
"Achanak...
Bonfire ki saari flames...
Ek second ke liye...
Ek ladki ka shape bana deti hain.
Sab log dekhte hi reh jaate hain.
Agla hi pal...
Sab normal "
"Sharma darr ke maare bolta hai..."
Sharma : sir...
Mujhe toh HR department hi theek lagta tha...
Yeh Paranormal Department kab khul gaya?
"Ek do employees hans padte hain...
Phir dobara serious.
[ Shree Returns]
"Achanak...
Shree behosh hokar Ram ki baahon me gir jaati hai.
Ram turant use pakad leta hai.
Kuch second baad...
Wo aankhen kholti hai.
Bilkul normal.
Shree : Ram... Sab mujhe aise kyun dekh rahe hain?
"Ram uske baal hataata hai.
Muskurane ki koshish karta hai."
Ram : Kuch nahi... Tum thak gayi thi.
"Sab tents ki taraf chale jaate hain.
Ram akela bujhte hue bonfire ke paas khada hota hai.
Tabhi...
Uske peeche se ek awaaz aati hai.
Bahut dheere...
Bahut pyaar se...
"Sakha..."
Wo turant mudta hai.
Door...
Ped ke neeche...
Sara safed kapdon me khadi hoti hai.
Wo muskurati hai.
Na gussa.
Na aansu.
Bas...
Ek dard bhari muskaan.
Sara dheere se bolti hai..."
Sara : Main tumse naraz nahi hoon...
Bas...
Mujhe bhool mat jaana...
"Ram ek kadam uski taraf badhata hai.
Tabhi hawa chalti hai...
Aur Sara dheere dheere dhundh me gayab ho jaati hai.
Ram bas khada reh jaata hai.
Uske haath me...
Wahi white rose hota hai...
Jo kuch der pehle hawa me udd gaya tha.
Ram dheere se us phool ko dekhta hai...
Aur uski aankhon se ek aansu tapak padta hai.
[ Next day ghar - time 7:15 AM ]
"Subha subha Shree dressing table ke saamne baal bana rahi hoti hai."
"Mirror me...
Uske peeche...
Red saree pehni ek aur ladki khadi hoti hai.
Bilkul Shree jaisi.
Same face.
Same smile.
Lekin... Left aankh ke neeche chhota til.
Uski aankhen poori kaali.
Shree ko kuch dikhai nahi deta.
Aur woh dheere se muskurakar kehti hai...
Par shree ye sab nahi dekh pati hai.
(Sara dheere se haste hua)
"Abhi toh sirf shuruaat hui hai..."
"Abhi toh bas sirf... shuruaat hui hai.
aage aage dekho hoti hai kya...?"
[Ghar ki chhat]
" Ghar ki chhat. Shaam ka waqt. Halki hawa chal rahi hai.
Shree kapde utaar kar fold kar rahi hoti hai.
Neeche aangan me...
Ram, Ram ki Maa, aur Chhota Bhai chai peete hue baatein kar rahe hote hain.
Achaanak...
Shree ka pair chhat ke kinare par fisal jata hai.
Shree: "Aaaah...!!"
Uska aadha sharir bahar ki taraf jhuk jata hai.
Neeche se...
Ram : "SHREEEEEE...!!!"
Ram Ki Maa : "Hai Bhagwan...!!"
Balram : "Bhabhi...!!"
"Sab daud padte hain.
Lekin...
Shree girti hi nahi.
Aisa lagta hai jaise kisi ne peeche se uski kalai aur kandhe ko pakad kar rok liya ho.
Ek pal ke liye uske baal hawa me lehraate hain...
Aur woh dheere se wapas seedhi khadi ho jaati hai.
Neeche khade teeno log ekdum sann reh jaate hain.
Kuch der baad...
Sab chhat par pahunchte hain.
Ram ki Maa : (gale lagate hue) "Beta... tu theek hai na?"
Shree : (thodi uljhan me) Haan Maa... pata nahi kaise bach gayi.
Balram : Lag raha tha ab to pakka...
Woh baat poori hi nahi kar pata.
Tabhi...
Ram chupchaap Shree ki taraf dekhta hai.
Shree dheere se Ram ki taraf mudti hai...
Uski aankhon me ek alag si shanti hoti hai.
Aur bahut halki si muskaan...
Bilkul waise...
Jaise Sara muskurati thi.
Shree : (bahut dheemi awaaz me)
Main hoon na...
Ram ki saansein ek pal ke liye ruk jaati hain.
Ye wahi lafz the...
Ram : (dheere se)"...Sara...?"
"Shree bas halki si muskurati hai.
Phir agle hi pal...
Shree : "Bestie... sab mujhe aise kyu dekh rahe hain?
Sab normal ho jaata hai.
Ram Ki Maa : (hanskar)
Are Ram, itna tension mat liya kar. Bach gayi na.
Balram : Haan bhaiya, Bhabhi to strong hain.
" Dono ko kuch bhi ajeeb nahi lagta.
Unke liye sab normal hai.
Lekin Ram...
Ab bhi Shree ke chehre ko dekh raha hota hai.
Ek second ke liye...
Uski left aankh ke neeche chhota sa til ubhar aata hai.
Ram aankhen jhapakta hai...
Til gayab.
Raat...
Ram akela balcony me khada hota hai.
Uske mann me bas ek hi sawaal ghoom raha hota hai.
Ram : (mann me)
"Us din office me bhi wahi muskaan..."
"Aaj bhi wahi awaaz...
"Aur jab bhi Shree musibat me hoti hai...
aisa kyu lagta hai jaise koi uski hifazat kar raha ho?
Halki hawa chalti hai.
Door se ek bahut hi dheemi si awaaz aati hai...
Sara (sirf Ram ko mehsoos hoti hai):
"Main use kabhi girne nahi dungi..."
Ram palat kar dekhta hai...
Lekin wahan koi nahi hota.
[ Ghar ka drawing room. Time 8:00 AM ]
"Shree subha kitchen me sab ke liye chai bana rahi hoti hai.
Ram chupchaap dining table par baitha hota hai.
Uske dimaag me abhi bhi chhat wali ghatna chal rahi hoti hai."
Ram ki Maa : Ram beta, itna chup kyu hai?
Ram : Kuch nahi Maa... bas thoda tired hoon.
"Tabhi...
Shree chai lekar aati hai.
Aaj uski chalne ki style thodi alag hoti hai.
Ram dhyan se dekhta rehta hai.
Chai ka Cup
Shree Ram ke saamne cup rakhti hai.
Lekin is baar...
Cup bilkul waise hi rakhti hai...
Jaise Sara rakha karti thi— Cup ka handle hamesha Ram ki taraf ghumakar.
Ye ek chhoti si aadat thi...
Jise duniya me sirf Sara jaanti thi.
Ram ki aankhen thodi badi ho jaati hain.
Ram : (mann me) Ye... bilkul waise hi...
Shree : (muskurakar)
Chai thandi ho jayegi...
"Ram dheere se uski taraf dekhta hai.
Ek pal ke liye... Ram ko shree ki
Left aankh ke neeche chhota til dekhta hai.
Uski muskaan bilkul Sara jaisi lagti hai."
(Tabhi Ram ka Chhota Bhai aa jata hai.)
Balram : "Waah Bhabhi! Aaj to Bhaiya ko VIP service mil rahi hai."
Shree: "Arre bas chai hi to di hai.
Ram ki Maa : Lagta hai aaj hamare Ram ka lucky day hai.
(Sab ek dusre ko dekh ke hansne lagte hain.)
(Sirf Ram chup rehta hai.)
"Sab apni baaton me busy ho jaate hain.
Ram dheere se bolta hai..."
Ram : ...Thank you.
"Shree ek pal ke liye uski aankhon me dekhti hai.
Bahut dheemi awaaz me kehti hai...
Shree / Sara - voice : Tum aaj bhi waise hi chai peete ho...
"Ram ka cup haath se lagbhag chhoot jata hai.
Ye baat...
Sirf Sara jaanti thi.
Kyuki...
Wahi uski chai banaya karti thi.
Ek second baad...
Shree palak jhapkati hai.
Ram shree ki chehera ko thoda dhyan se dekh ne lagta hai. Bo uski left aakho ke inche ek til notice karta hai. Jo sirf Sara ki aakho ke niche hoti hai na ki shree ki..."
Shree : Bestie...? Aap mujhe aise kyu dekh rahe ho?
Ram : (halki muskaan ke saath) Kuch nahi...
[Us raat... 9:00 PM]
"Ram apne kamre me ek diary nikalta hai.
Usme likhta hai—
Clue No. 1 – Left aankh ke neeche chhota til.
Clue No. 2 – Chhat se girte waqt kisi ne bachaya.
Clue No. 3 – Chai ka cup bilkul Sara ki tarah rakhna.
Clue No. 4 – "Tum aaj bhi waise hi chai peete ho."
Ram diary band karta hai aur dheere se kehta hai..."
Ram : Sara... agar tum sach me mere aas-paas ho... to ek din main tumhe zaroor pehchaan lunga.
"Kamre ki khidki se halki hawa aati hai.
Parda dheere se hilta hai.
Aur bahut halki si ek awaaz sunai deti hai...
Sara ki voice : (muskurate hue)
Main us din ka intezaar karungi...sakha...
(Ram thode Time ke liye freeze ho gata hai.)
[Next day office ]
" Office Security Room.
Kai dino se security guard ek ajeeb baat notice kar raha hota hai.
Jab bhi Shree office me enter karti hai, CCTV me kuch na kuch unusual dikh jata hai.
Kabhi uske peeche ek dhundhli si ladki chalti dikhti hai.
Kabhi lift ka darwaza khud khul jata hai.
Kabhi camera 3–4 second ke liye static ho jata hai.
Aur har baar... left eye ke neeche ek chhota sa til.
Guard pehle ise apna vaham samajhta hai.
Agle Din
Guard himmat karke Ram aur Sharma ke paas jata hai.
Guard : Sir... ek baat bolun? Aap log hasiyega mat.
Ram : Bolo... kya baat hai.?
Guard : Jab bhi Shree madam office aati hain... CCTV me unke saath ek aur ladki dikhti hai.
Sharma : Raat ki horror movie kam dekha karo.
Guard : Nahi sir... recording me bhi hai.
Ram aur Sharma ek dusre ko dekhte hain.
[Security Room]
"Teeno milkar recording dekhte hain.
Video normal chalti hai...
Shree gate se andar aati hai.
Ek second baad...
Uske peeche ek halki si safed parchhai chalti nazar aati hai.
Aur zoom karne par...
Left eye ke neeche chhota sa til.
Room me ekdum sannata.
Sharma : ...Ye... editing to nahi?
Guard: "Sir, ye har din hota hai."
Ram: (chup)
"Tabhi...
Reception se call aata hai.
"Sir, Shree madam aa gayi."
Teeno turant security room se bahar nikalte hain.
Shree corridor me chal rahi hoti hai.
Sab kuch bilkul normal.
Dobara CCTV dekhte hain...
Is baar koi parchhai hi nahi.
Sharma : Abhi to thi...na?
"Shaam...
Office me sirf Guard bacha hota hai.
Lights aadhi band.
Monitor ki halki roshni.
Achanak ek monitor apne aap on ho jata hai.
Usme wahi ladki dikhai deti hai.
Guard dheere se mudta hai...
Aur pehli baar...
Sara ki soul uske saamne khadi hoti hai.
Na darawni.
Na gusse me.
Bas halki si muskaan."
Sara : Darna mat.
(Guard ka gala sookh jata hai.)
Guard : A... aap kaun hain?"
Sara : Mera naam Sara hai."
(Room me bilkul shanti.)
Sara : Main kisi ko nuksan pahunchane nahi aayi.
Sara : Main sirf Ram aur Shree ke paas rehna chahti hoon.
Sara : Unki khushi hi meri khushi hai."
Guard dheere-dheere normal hone lagta hai.
Guard : To... CCTV me sirf main hi aapko kyun dekh pata hoon?
(Sara halki si muskura deti hai.)
Sara : Har insaan har sach dekh nahi sakta.
Sara : Jin par main bharosa karti hoon... wahi mujhe dekh pate hain.
(Guard ki aankhon me dar ki jagah ab sammaan aa jata hai.)
Guard : Main kisi ko bina soche-samjhe kuch nahi bataunga.
(Sara halka sa sir jhukati hai.)
Sara : Bas itna dhyan rakhna... agar kabhi Ram ya Shree kisi badi musibat me hon... to unhe akela mat chhodna.
"Itna kehkar Sara dheere-dheere roshni me ghul jaati hai.
Monitor phir normal ho jata hai.
Guard chupchaap monitor ki taraf dekhta rehta hai aur dheere se kehta hai..."
Guard : Shayad...bhoot nahi... kisi ki adhuri kahani lagti hain.
[Ram ka Office Time Lunch Break]
(Lunch bell bajti hai. Sharma pehle se hi table par chaar plates laga kar baitha hota hai.)
Sharma (khush hokar) : sir... Aaj to paneer ki khushboo aa rahi hai.
Aaj bhi bhabhi ji aa rahi hain na?
(Ram files band karta hai.)
Ram (muskurate hue): Nahi Sharma...
Aaj se Shree office khana lekar nahi aayegi.
Main hi ghar jaakar lunch karunga.
(Sharma ka chehra utar jaata hai.)
Sharma : Kyaaa??
Matlab... Mera free ka paneer khatam?
Yeh to atyachaar hai Ram sir...
Main HR me complaint karunga.
"Employee Emotional Damage."
(Poora office hans padta hai.)
Ram (hans kar) : Drama band kar...
Shaam ko ghar aa jana.
[Ram ka ghar]
(Door khulta hai.)
" ghar ka door kbulta hua Ram andar aata hai.
Dining table par garam-garam khana laga hua hai.
Sab kuch uski favourite dishes.
Shree ek red color saree pehene hue kitchen me khana bana rahi hoti hai.
Kitchen se Shre ki awaaz aati hai.
Shree : Aa gaye?
Bas do minute...
Roti abhi garam bana rahi hoon.
(Ram muskurata hai.)
Dining Table
Dono ek dusre ke saamne baithkar khana kha rahe hain.
Ram : Sach kahun?
Office ki canteen se lakh guna achha hai.
Shree (muskurate hue): To phir roz ghar aa jana.
Main roz banaungi.
Ram : Roz itni mehnat mat kiya karo.
Shree : Tumhare liye khana banana mehnat nahi...
Meri khushi hai.
(Ram uski taraf pyaar se dekhta rehta hai.)
Suddenly...
Phone Ring.
Display:
"Sharma Calling..."
"Ram phone uthata hai.
Sharma : Ram sir...
Emergency hai.
sab conference room me hai. Aap bhi thoda Jaldi aao.
Ram : Theek hai.
Main abhi nikalta hoon.
"Ram uthkar jaldi-jaldi ready hone lagta hai.
Phone dekhta hai.
Battery – 18%
Ram : Shree...
Mera charger kahan hai?
Shree (Kitchen se): Bedroom me dressing table ke paas rakha hai.
Le lo.
"Bedroom
(Ram room ka darwaza kholta hai.)
Aur...
Uske kadam wahi ruk jaate hain.
Bed par...
Sky blue saree pehne hue Shree gehri neend me so rahi hoti hai.
Khidki se aati hawa uske baalon ko hila rahi hoti hai.
Room me ajeeb si khamoshi.
Ram ka chehra safed pad jaata hai.
Ram (dheere se): Shree...?
Tum...
Yahan?
(Bed wali Shree dheere se aankhen kholti hai.)
Bedroom wali Shree (kamzor awaaz me): Ram...
Meri tabiyat subah se theek nahi hai.
Thoda bukhar sa lag raha tha...
Isliye so gayi thi.
(Ram ka gala sookh jaata hai.)
Uske dimaag me sirf ek baat chal rahi hoti hai—
"Agar yeh yahan hai..."
"...to kitchen me kaun hai?"
"Tabhi...
Kitchen se awaaz aati hai.
[Kitchen]
Kitchen wali Shree : Ram... Jaldi aao.
Main tumhari plate laga rahi hoon.
Roti thandi ho jayegi.
(Ram ki aankhen darr se badi ho jaati hain.)
Woh dheere-dheere bedroom wali Shree ki taraf dekhta hai...
Phir kitchen ki taraf...
Phir dobara bed ki taraf.
Uske haath se charger zameen par gir jaata hai.
" THAK! "
"Bedroom wali Shree hairan hokar poochti hai—
Bedroom Shree : Kya hua Ram?
Tum itne ghabraye hue kyun lag rahe ho?
"Ram dheere-dheere bedroom se bahar nikalta hai.
Kitchen me pahunchta hai...
Wahan...
Shree muskurate hue uski favourite daal uski plate me daal rahi hoti hai.
Kitchen Shree (muskurakar): Kya hua?
Aise kyun dekh rahe ho?
Baitho...
Khana thanda ho jayega.
Ram ki saansen tez ho jaati hain.
Uski nazar kitchen wali Shree se hat hi nahi rahi.
Uske kaan me bedroom wali Shree ki awaaz goonj rahi hoti hai...
"Ram... meri tabiyat theek nahi hai..."
"Aur saamne...
Kitchen wali Shree pyaar se kehti hai—
"Ek aur roti doon?"
Ram (andar hi andar): "Yeh... ho kya raha hai?"
Ram bapas bedroom jane lagta hai. Tabhi dekh ta hai ki samane se shree aa rehi hota hai.
Shree Ram ko dekhte hua dhree muskura ke
Shree : chalo me aapke liye khana laga deti hun.
Ram jab shree ke sath kitchen ki dinner table pe pahacha ta hai tho bo kitchen ko heran hoke dekhta hai. Kyu ki na hai baha red color saree shree nahi hoti hai.
Ram ye sab dekh ke shocked ho gata hai kuch time ke liye.
Phir bo shree ki taraf dekhte hua dhree se smile karta hai.
Ram : tum sach me so rehi thi..?
(Shree apni sar hilate hua)
Shree : haan... bo subah jab khana bana rahi thi tab se mujhe thoda ajeeb laga. sath me bukhar jaisa bhi laga tho socha ki thodi derr ke liye rest kar lu.
[Shaam 5 : pm]
"Veg Biryani"
[ Kitchen | Evening]
"Kitchen me Shree pyaar se sabzi kaat rahi hoti hai.
Ram stove ke saamne khana bana raha hota hai.
Shree dheere se uske kandhe par sir rakh deti hai.
Shree (muskurakar): Aaj na... kuch special khane ka mann kar raha hai.
Ram (halki smile): Achha? Batao madam ji... kya banaye?
Shree : Jo tumhara dil kare.
Bas... tumhare haath ka ho.
(Ram ek pal ke liye uski aankhon me dekhta hai.)
"Uske kaano me achanak ek purani awaaz gunjti hai...
Sara (Echo Voice) : Ram... aaj na mere liye Veg Biryani banana...
"Ram bina soche Veg Biryani banana shuru kar deta hai.
45 Minutes Later...
Ram tray lekar aata hai."
Ram : Madam ji... Aapki favourite Veg Biryani.
(Shree hairaan hokar plate dekhti hai.)
Shree : Veg Biryani?
Ram : Haan...
Abhi to tumne hi bola tha.
Shree (confused): Maine?
Kab?
Main to sirf bola tha ki jo tumhara mann kare bana lena.
Aur waise bhi...
Mujhe Veg Biryani itni pasand hi nahi.
"Room me achanak khamoshi chha jaati hai.
Ram dheere-dheere Shree ki taraf dekhta hai...
Uske haath halki si kaampne lagte hain.
[Night – Bedroom]
Bijli chali jaati hai.
Halka sa chand ka ujala room me aa raha hai.
Shree neend na aane ki wajah se Ram ke kandhe par sar rakh deti hai.
Shree : Ek kahani sunao na...?
Ram : thik hai madam ji...
"Ram bina soche wahi kahani sunana shuru karta hai...
Jo kabhi Sara ne use sunayi thi.
Ek Rajkumari...
Ek Mandir...
Aur ek adhura vaada...
Kahani khatam hote hi...
Shree dheere se uthkar baith jaati hai.
Uska chehra badal jaata hai.
Aankhen ajeeb si ho jaati hain.
Shree (bahut dheemi awaaz me): Ram...
Yeh kahani...
Tumhe kisne sunayi?
Ram : Bas... Ek dost ne...
Shree (seedha uski aankhon me dekhte hue): Jhooth... Yeh meri kahani hai...
Yeh maine hi tumhe sunayi thi...
"Room ka pankha achanak ruk jaata hai.
Khidki apne aap khul jaati hai.
Ek thandi hawa chalti hai.
Ram ki saanse tez ho jaati hain.
Ram (fusfusate hue): Shree...
Tum...
Yeh sab kaise jaanti ho?
"Achanak...
Shree normal ho jaati hai.
Shree (hairan) : Kya hua?
Tum mujhe aise kyun dekh rahe ho?
(Ram bilkul chup.)
Ram : Kuch nahi... ab so jao. Good night.
Shree : "Good night"
[Next Morning 7:30 AM]
"Dono milkar breakfast bana rahe hote hain.
Shree sabzi kaat rahi hoti hai.
Achanak...
"Ahhh..."
"Uski ungli kat jaati hai.
Ram turant uska haath pakad leta hai.
Bandage lagane lagta hai.
Us pal...
Ram ko flashback dikhta hai.
College canteen...
Sara ki ungli bhi isi tarah kati thi.
Aur usne bhi yahi kaha tha...
[Past]
(Sara : "Doctor sahab... Bandage ulta laga diya.")
[Present...]
Bandage lagte hi...
Shree hans padti hai.
Shree : Doctor sahab...
Bandage ulta laga diya.
Ram ka chehra safed pad jaata hai.
Bilkul wahi dialogue...
Wahi smile...
Wahi andaaz...
Jaise us din sara ne Ram se bolithi...
[ "College Reunion" ]
Ram ka college ka reunion Hota hai. Ram aur shree dono sath me college jate hai.
"College Gate."
Purana campus.
Ram aur Sharma andar jaate hain.
Raj : Ram bhai...
Bas ek request.
Is baar canteen ka samosa khila dena.
Pichhli baar tumhari love story sunte-sunte bhookha reh gaya tha.
(Ram halka sa muskura deta hai.)
Tabhi...
"Shree campus ke andar kadam rakhti hai.
Uska chehra dheere-dheere serious hone lagta hai.
Woh seedha Physics Department ki taraf chal padti hai.
Ek teacher saamne aati hain.
Physics Ma'am : Beta...
Tum kaun ho?
"Shree bina soche unke pair chhoo leti hai.
Shree (aankhon me aansu): Ma'am...
Aaj bhi aap wahi jasmine perfume lagati hain...
Na?
(Teacher ekdum shock.)
Physics Ma'am : Par...
Yeh baat...
Sirf ek ladki notice karti thi...
Sara...
"Ram ka dil zor se dhadakne lagta hai.
Thodi der baad...
Purane classmates milte hain.
Shree ek-ek karke sabke naam batane lagti hai.
Shree : Raj...
Tum exam me hamesha last bench pe sote the.
Neha...
Tum maths se darti thi.
Amar...
Tumhara nickname "kumfu Panda" tha.
"Sab log ek doosre ki taraf dekhne lagte hain."
Classmate : Par...
Yeh sab...
Isse kaise pata?
Tabhi...
Shree ki awaaz badal jaati hai.
Shree (bahut dheere) : Itne saal baad...
Sab waise hi ho...
Sirf...
Main badal gayi...
Achanak uski aankhen band ho jaati hain.
Woh girne lagti hai.
Ram usko pakad leta hai.
Raj ghabra jaata hai, lekin tension me bhi bol deta hai—
Raj : Ram bhai... Agar reunion me bhoot bhi alumni nikla na... Main aaj hi transfer le lunga!
Ek pal ke liye sab hans dete hain...
Lekin Ram ki nazar sirf Shree par hoti hai.
Uske dimaag me ek hi sawaal goonj raha hota hai—
"Kya Shree sach me Sara se judi hui hai... ya koi aur raaz chhupa hai?"
[ Engineering College – Reunion Hall]
"Shree behosh hone ke baad dheere-dheere hosh me aati hai. Ram uska haath pakadkar uske paas baitha hota hai.
Ram (ghabra kar): Shree... tum theek ho na?
Shree (hairani se): Haan... kya hua?
Sab mujhe aise kyun dekh rahe hain?
(Poora hall bilkul khamosh hai.)
"Physics Ma'am, Principal aur purane classmates dheere-dheere Ram ke paas aate hain.
Physics Ma'am
Physics Ma'am (hairan hokar): Ram...
Ek baat sach-sach batao.
Kya tumne...
Sara ke baare me sab kuch Shree ko bataya hai?
Ram chup rehta hai.
Sab uske jawab ka intezaar karte hain.
Ram (dheere se): Nahi Ma'am...
Kabhi nahi.
Maine Sara ka naam tak Shree ko nahi bataya.
(Sab ek doosre ki taraf dekhte hain.)
Ek Purana Friend
Neha : Impossible...
Agar tumne nahi bataya...
Toh Shree ko Amar ka nickname kaise pata?
Usse canteen ki har table kaise yaad hai?
Physics lab ki woh purani baat kaise pata hai?
Ram
Ram : Mujhe khud samajh nahi aa raha...
Main khud darr gaya hoon.
Physics Ma'am
Physics Ma'am : Aur ek baat...
Shree ko yeh bhi nahi pata...
Ki tum kabhi is Engineering College ke student the.
Hai na?
Ram (haan me sir hilata hai) : Ji Ma'am.
Usse yeh bhi nahi pata...
Ki maine engineering complete nahi ki.
Maine usse kabhi nahi bataya...
Ki ghar ki financial problems ki wajah se mujhe padhai chhodni padi thi.
Woh sirf itna jaanti hai...
Ki main ab ek office me kaam karta hoon. Ek businessman hun
Bas.
"Hall me phir se khamoshi chha jaati hai.
Sabke chehre par sirf hairani hoti hai.
"Tabhi...
Shree dheere-dheere uthti hai.
Uski aankhen classroom ki taraf tik jaati hain.
Jaise koi usse bula raha ho.
Bina kuch kahe...
Woh chalna shuru kar deti hai.
Ram uske peeche bhaagta hai.
Old Classroom
Shree darwaza kholti hai.
Purani benches...
Blackboard...
Teacher ki table...
Sab kuch dekhkar uski aankhon me ajeeb si chamak aa jaati hai.
Woh seedha...
Third row ki second bench ke paas jaakar rukti hai.
Apne haath se us bench ko chhooti hai."
Shree (muskurate hue): Yahan...
Yahin baithte the na tum...
Window ke paas.
Aur lecture se zyada bahar dekhte rehte the.
(Ram ka chehra ekdum safed pad jaata hai.)
"Ye baat sirf Sara jaanti thi.
Phir...
Shree classroom ke kone ki taraf dekhkar hans deti hai.
Shree : Aur Raj...
Tum roz attendance ke baad yahin chupkar samosa khate the.
Raj (uchhal kar): Arre Maa!
Ye baat to maine aaj tak gharwalon ko bhi nahi batayi!
Bhabhi ji...
Aap CID me thi kya?
"Hall me halka sa hansi ka mahaul banta hai...
Lekin Ram bilkul nahi hasta.
[College Canteen]
"Shree bina kisi se pooche seedha canteen pahunch jaati hai.
Woh ek purani table ke saamne rukti hai.
Us table par ungli pherti hai...
Jaise kisi purani yaad ko mehsoos kar rahi ho.
Uski aankhon me aansu aa jaate hain."
Shree (bahut dheemi awaaz me): Ram...
Tum hamesha isi corner wali seat par baithte the.
Aur jab paise kam hote the...
Toh ek plate chowmein hum dono milkar khate the...
Aur tum hamesha kehte the...
"Ek din na... main tumhe bina price dekhe menu order karwaunga."
Baad me tumhe Physics Ma'am ne help kia tha na.?
"Ram ki aankhon se aansu nikal padte hain.
Usne...
Ye baat...
Kabhi kisi ko nahi batayi thi.
Na ghar walon ko...
Na Shree ko...
Sirf... ye baat Physics Ma'am ko aur
Sara ko pata tha.
"Poora canteen bilkul khamosh.
Physics Ma'am ke haath se chai ka cup dheere se neeche gir jaata hai.
"Chhanak..."
"Sabki nazrein sirf Shree par tik jaati hain.
Shree khud hairan hokar sabko dekhti hai."
Shree (ghabra kar): Main...
Maine aisa kya bol diya?
Sab mujhe aise kyun dekh rahe hain?
Mujhe...kuch samajh nahi aa raha...
"Ram dheere se uska haath pakad leta hai.
Lekin is baar...
Uski aankhon me pyaar ke saath-saath...
Ek gehra darr bhi hota hai."
Ram (andar hi andar): "Shree... tum ho kaun?"
"Tabhi...
Purani classroom ki khidki apne aap "Dhadd..." se band ho jaati hai.
Sab ek saath us awaaz ki taraf mudkar dekhte hai."
[College Reunion Hall]
"Sab log abhi bhi Shree ki baaton se hairaan hote hain.
Tabhi chief guest...
Dr. Arvind Mehra (Cardiac Surgeon) door se Shree ko dekhte hi ruk jaate hain.
Unke chehre par ajeeb si bechaini aa jaati hai.
Ram unke paas jaata hai.
Ram : Sir...
Sab theek hai?
Aap Shree ko itni der se kyun dekh rahe hain?
Doctor (dhyan se) : Pata nahi...
Lekin mujhe lag raha hai...
Maine is ladki ko pehle bhi kahin dekha hai.
Bahut saal pehle...
Lekin yaad nahi aa raha...
"Doctor baar-baar Shree ki taraf dekhte rehte hain.
Achanak...
Unki aankhen badi ho jaati hain."
Doctor (hairani se) : Oh My God...
Mujhe yaad aa gaya...
Sab log doctor ki taraf dekhte hain.
Doctor: Kya...
Iska naam...
Shree hai?
Ram : Ji sir...
(Doctor gehri saans lete hain.)
Doctor : Kai saal pehle...
Ek bahut bada road accident hua tha.
Usi din do patients hamare hospital aaye the.
Ek ladki...
Jise bachaya nahi ja saka...
Aur doosri...
Jo zindagi aur maut ke beech lad rahi thi.
Us doosri ladki ka naam...
Shree tha.
(Hall me sannata chha jaata hai.)
Doctor (dheere se): Main us operation team ka hissa tha.
Uska heart transplant hua tha...
Aur uski dono damaged corneas bhi transplant ki gayi thi.
Ram ka dil zor se dhadakne lagta hai.
Ram (kaampte hue): Sir...
Donor...
Kaun thi?
(Doctor kuch pal chup rehte hain.)
Doctor : Patient confidentiality ki wajah se...
Main bina family ki permission ke naam nahi bata sakta.
[Same Night 9:30PM]
"Ram ghar jaakar bahut pareshan hota hai.
Woh Shree ke Papa ko call karta hai.
Phone uthta hai.
Shree ke Papa : Haan beta...
Sab theek hai?
Ram (kaampte hue): Papa...
Mujhe sach jaana hai.
Shree ka accident...
Aur uske transplant ke baare me.
(Phone ke doosri taraf lambi khamoshi.
Phir...Ek bhaari awaaz.)
Papa : Lagta hai...
Ab sach chhupane ka koi matlab nahi.
[Flashback]
Barish wali raat.
Jab shree ka accident hue thi tab uski condition bahat serious thi.
Ek operation theatre ka red light jalta hai.
Doctor bhaagte hue.
Monitor ki awaaz.
"We are losing her..."
Dusre OT me.
"Prepare for transplant..."
Background me sirf machine ki awaazein.
[Present]
Papa (rote hue): Doctors ne kaha tha...
Aap ki ladki nahi bach payegi...
Usko bachane ke liye jaldi se ek heart donor ki zarurat hai.
Humne kabhi donor ka naam nahi poocha.
Bas...
Bhagwan ka shukriya kiya...
Ki hamari beti bach gayi.
Ram chup ho jaata hai.
Kuch Din Baad
[ Office ]
"Ram apni table par baitha hota hai.
Sharma bhaagte hue aata hai.
Sharma: sir...
Jo hospital records mangwaye the...
Mil gaye.
"Ram file kholta hai.
Uske haath kaamp rahe hote hain.
Page dheere-dheere palatta hai.
Uski nazar ek line par ruk jaati hai.
DONOR RECORD
Donor Name: Sara...
Heart donated for: Shree
Cornea donated for: Shree
Ram ki aankhon se aansu girne lagte hain.
Uske haath se file neeche gir jaati hai.
Sharma (ghabra kar): sir... Kya hua?
"Ram dheere se file Sharma ki taraf badha deta hai.
Sharma padhte hi bilkul chup ho jaata hai.
Room me sirf AC ki awaaz sunai de rahi hoti hai.
Ram dheere se khidki ke bahar dekhte hue fusfusata hai—
Ram : "Sara... kya tum aaj bhi... Shree ke dil ki dhadkanon me kahin zinda ho?"
[ Raat – 12:15 AM]
(Bahar halki barish ho rahi hai. Khidki ke bahar bijli chamak rahi hai. Kamre me sirf bedside lamp ki halki roshni jal rahi hai.)
"Shree gehri neend me so rahi hoti hai.
Ram bed ke paas baitha hua uska chehra dekh raha hota hai.
Uski aankhon me aansu hote hain.
Woh dheere se Shree ke baalon ko hataata hai.
Uske seene par haath rakhta hai...
Aur us dhadkan ko mehsoos karta hai."
Ram (muskurate hue, aankhon me aansu) : Yeh wahi dhadkan hai..."
"Sara..."
"Main tumhe kho baitha tha..."
"Lekin shayad Bhagwan ne kisi na kisi roop me tumhe mere paas wapas bhej diya..."
(Ram dheere se Shree ke maathay ko choom leta hai.)
"Tabhi...
"Huuuu..."
Halki si rone ki awaaz sunai deti hai.
Ram ekdum ruk jaata hai.
Phir dobara...
Kisi ladki ke rone ki awaaz...
Jaise chhat se aa rahi ho.
Ram dheere-dheere seedhiyon ki taraf badhta hai.
Terrace
Barish ki halki boondein gir rahi hoti hain.
Chand badalon ke peeche chhupa hua hai.
Chhat ke ek kone me...
Safed salwar pehne ek ladki khadi hoti hai.
Uske baal hawa me ud rahe hote hain.
Ram dheere se bolta hai—
Ram (kaampte hue): ...Sara?
Ladki dheere se palat ti hai.
Uske chehre par wahi muskaan...
Jo Ram kabhi bhool nahi paaya.
Sara (muskurate hue): Itne saalon baad bhi...
Pehchaan liya?
"Ram ki aankhon se aansu behne lagte hain."
Ram: Tum... Sach me ho?
"Sara halka sa muskurati hai."
Sara : Nahi Ram... Main sirf ek adhoori yaad hoon... Ek adhoori dua...
Yaad hai...
Tumhara birthday aane wala tha?
Main subah-subah tumhare liye gift lene nikli thi.
Tum hamesha kehte the...
"Mujhe surprise pasand hai."
Main online order confirm karke college aa rahi thi...
Soch rahi thi...
Aaj tumhari kitni khinchai karungi...
Aur phir...
Sab kuch ek pal me badal gaya.
[ Sara ka Flashback ]
"Road...
Tez barish...
Ek truck...
Brakes ki tez awaaz...
Logon ki bheed...
Toota hua phone...
Gift ka packet sadak par gira hua...
Ambulance ka siren...
Present"
Sara ki aankhon me aansu aa jaate hain.
Sara : Hospital me...
Mujhe samajh aa gaya tha...
Mere paas waqt bahut kam hai.
Doctor ki awaazein dhundhli pad rahi thi.
Main bas...
Aakhri baar tumhara naam le rahi thi.
Maine Bhagwan se sirf ek baat maangi...
"Chahe main na rahun..."
"Lekin Ram kabhi akela na rahe..."
"Agar mumkin ho..."
"Toh mujhe uske paas hi rehne dena..."
Hawa achanak tez chalne lagti hai.
Sara muskurati hai.
Sara: Shayad...
Bhagwan ne meri baat apne tareeke se sun li.
Mera dil...
Shree ko mil gaya.
Lekin...
Meri mohabbat...
Kabhi kisi operation ka hissa nahi thi.
Woh sirf...
Ek dua thi.
Aur duaon ka hisaab...
Insaan nahi samajh sakta.
Ram rote hue Sara ki taraf badhta hai.
Ram : Mat jao... Is baar mat jao...
(Sara halka sa sir hilaati hai.)
Sara : Ab meri jagah... Shree ke paas hai.
Usse kabhi ehsaas mat hone dena...
Ki woh kisi aur ki parchhai hai.
Usse sirf...
Apni patni ki tarah pyaar karna.
Wahi meri sabse badi khushi hogi.
(Ram chup-chaap aansuon ke saath sir hila deta ha)i.
"Sara dheere se muskurati hai.
Peechhe mandir ki ghanti ki awaaz gunjti hai.
Halki si roshni uske aas-paas phailne lagti hai.
Jaane se pehle woh dheere se kehti hai—
Sara : "Happy Birthday...sakha."
Wahi shabd...
Jo woh us din kehna chahti thi.
Sara dheere-dheere roshni me vilin ho jaati hai.
Ram akela chhat par khada reh jaata hai.
Uske haath me achanak ek chhota sa gift box nazar aata hai...
Bilkul waisa hi...
Jaisa Sara uske liye kharidne nikli thi.
Aur tabhi peche se ek aawaza aati hai.
"Happy Birthday..."
"Kya Sara ki kahani sach me khatam ho gayi thi... ya ye sirf ek naye raaz ki shuruaat thi?"
