Chapter 1 Ek Aur Mod 🌙
7:11 PM.
Station par baithi thi, aur pata nahi kyun, dil mein ajeeb se sawaal chal rahe the.
Soch rahi thi—yeh safar hai, ya zindagi ka koi aisa raasta jo mujhe kal meri health ke baare mein koi jawab dega?
Dil ne chupke se ek dua ki—
“Bhagwan, bas sab achha kar dena.”
Phir achanak darr laga…
Kya meri dua sach mein un tak pahunchi hogi?
Kya unhone mujhe suna hoga?
Safar toh kar nahi saki.
Shayad woh sirf ek station nahi tha,
balki zindagi ka ek aur mod tha.
Kal agar hospital jaana pada,
toh main kya kahungi?
Jo pehle hua, woh bata dungi…
par jo andar chal raha hai,
uska kya?
Kabhi-kabhi bas isi baat par aankhon mein aansu aa jaate hain—
mujhse poochhne wala hai hi kaun
ki main sach mein kaisi hoon?
Phir ek aur sawaal dil mein aata hai—
“Kya main bhi zindagi mein kuch achha deserve karti hoon?”
Ajeeb baat hai…
itni saari soch aayi,
aankhon se kuch aansu bhi nikal gaye,
par station par train phir bhi nahi aayi.
Shayad kuch safar train se nahi,
khud ke andar se guzarna padta hai.
Kya hoga aage vo samay jane?
