Chapter 1. 6:05 - chhat or intzar
Chai thandi ho chuki thi.
Par main abhi bhi chhat ke usi kone me baithi thi.
Jahan se uski gali saaf dikhti hai.
5:58 ho rahe the.
Dil ne ghadi se 2 minute pehle hi daudna shuru kar diya tha.
Maa ne 3 baar awaaz di - "neeche aa ja".
Maine keh diya "bas 5 minute".
Jhooth tha.
Roz ka jhooth.
6:03.
Kuch nahi.
6:04.
Sirf kutte ke bhokne ki awaaz.
Aur phir...
6:05.
Bike ki awaaz.
Wahi.
Dil ek saath tez aur dheere ho gaya.
Main neeche jhuki. Parda thoda sa hataya.
Wo tha.
Helmet me. Phone kaan pe laga kar has raha tha.
"Kya kar rahi hai?"
"Haan haan aa raha hun na... bas 2 minute"
Koi aur tha uske saath baat karne wala.
Wo ruka nahi.
Mere ghar ke bahar se guzar gaya.
Jaise main hun hi nahi.
Bike ki awaaz door hoti gayi.
Aur main... wahi baithi rahi.
Thandi chai aur garam aankho
Ek aawaz aati h "bhool ja".
Par kaise bhoolun?
Jisne har shaam chhat par aakar baithna sikha diya ho.
Aaj phir wo kabhi-kabhi wala din tha.
Aur main... roz wali ladki.
Chhat ki deewaren phir se gawah ban gayi.
Ek aur shaam. Ek aur intezaar.
Ek aur raaz... jo sirf main jaanti hun.
---
