Summary

INTZAAR "Kuch intezaar waqt badal dete hain, Aur kuch intezaar... zindagi." Yeh kahaani hai us ehsaas ki, jahan dil aage badhna toh chahta hai, par kadam wahin ruke rehte hain. Ek aisi umeed jo kabhi toot-ti nahi, aur ek aisa shaks... jo kabhi laut-ta nahi. Zindagi mein kuch log aise aate hain jo bina bataye hamari aadat ban jaate hain. Hum unke baare mein zyada kuch nahi jaante, phir bhi unka na hona dil ko ek ajeeb se akelepan se bhar deta hai. Phir din guzarte hain, mahine beet jaate hain, aur hum duniya ke samne aage badh jaate hain. Naye dost bante hain, nayi mehfilein sajti hain, par dil ke kisi kone mein ek sawaal hamesha zinda rehta hai—kya woh kabhi laut kar aayega? Yeh kahaani usi ek adhure khwaab aur kabhi na khatam hone wale Intezaar ki hai. "Kuch intezaar adhure hote hain... aur kuch intezaar zindagi poori kar dete hain." Kya hota hai jab aapka dil kisi aise mod par aakar ruk jaye, jahan se aage badhna namumkin ho aur peeche lautna ek dhokha? Kahaani hai ek aise hi Intzaar ki. Ek aisi umeed ki, jo har guzarte din ke saath kamzor hoti hai, par har aane wali raat ko aur gehri ho jaati hai. Yeh sirf do dilon ki nahi, balki us waqt ki dastaan hai jo do dilon ke beech deewar bankar khada hai. Kya yeh intezaar kabhi khatam hoga? Ya phir yeh intezaar hi ab is zindagi ka naya naam ban chuka hai? Agar aapne bhi kabhi kisi ka, kisi sach ka, ya apni khushi ka intezaar kiya hai... toh yeh kitaab seedhe aapke dil ko chhu legi. "Intezaar tab tak sabse bada dard hai, jab tak usmein umeed zinda hai. Par jis din umeed mar jaati hai, wahi intezaar zindagi ka sabse sukoon bhara hissa ban jata hai."

Genre: Drama

Author: thakurchandel

Status: 12d ago

Chapters: 9

Rating: n/a

Age Rating: 18+

PURANI YAADEN

Halki-halki baarisht ho rahi thi aur thandi, dheemi hawa chal rahi thi. Mausam mein ek ajeeb sa sukoon tha. Thik usi waqt, baarisht mein bhigti hui ek ladki daudti hui ghar ke darwaze par aakar ruki.

Uske khubsoorat ghungrale baal paani se halke-halke bhig chuke the, aur kuch latein uske saavle chehre par chipak si gayi thin. Usne apni hatheliyon se baalon ka paani jhatka aur ek gehri saans li. Is ladki ka naam Muskan tha.

Muskan ka nature behad sensitive tha. Woh choti-choti baaton ko dil se laga leti thi. Muskan ka breakup hue 1 saal ho chuka hai, per woh abhi bhi pareshan hai or kisi cheez per focus nahi ker paa rahi. Tabhi muskan kea papa usko btate ha hi ki “Police ki Bharti ka form nikla hai, tum bhar do.”

Muskan sochti hai ki zindagi mein kuch toh karna hi hai,toh form bhar hi lena chahiye. Papa btate hain ki unhone ek academy mein baat ker li hai . Kuch din baad papa muskan ko waha chhod aate ha.

“Zindagi ne ek baar phir se naya raah dikhayi hai,

Magar dil meia ab bhi wahi purani tanhai hai…

Kadam badh rahe hain ek naye safar ki taraf,

Par darr hai ki is mod per bhi kahin sirf ruswai hai.”