لا يستحق
هو يمكن فكره انك شجاع ممكن تكون مضره ليك أو تكون سبب في حاجه انت مكنتش تتمناها بسبب دخولك لحدود مكانش ينفع تقرب منها
المهم انا اسمي احمد من مصر و عندي 16 سنه
انا كنت بحب حاجات ما وراء الطبيعه و الجن و كنت عارف معظم الكتب و الفصول و كنت بحب اسمع قصص رعب و اعرف اماكن حصل فيها حاجات ليها علاقه بالجن و حصل فيها فعلا مواقف و خاصه ان ابويا كان بيحكيلي أن حصله مواقف هو شخصياً
فأنا الصراحه مكنتش اخاف بس مكنتش بعمل حاجه عشان محدش يقولي حاجه
و كان في ارض زراعيه كان تعتبر طريق مختصر للبيت كنت كان ابويا و معظم الناس اللى اعرفهم بيحكولي قصص رعب عن المكان ده و أنه مسكون من الجن و مش اي جن دول ملوكهم انا مكنتش بستجرأ ابصله لا بليل و بالنهار رغم اني المرات القليله اللي كنت ببص فيها عليه بالنهار كنت بحسه هادي و مريح للأعصاب
في واحد من اخر ايام الفصل الدراسي التاني في تانيه ثانوي كنت راجع انا و صحابي من درس متأخر بعد ما اتمشينا شويه و الدرس اصلاً كان متأخر المهم كنت قاعد بحكلهم عن الجن و موضوع الأرض اللى بيتحكى عنها حكايات و هما مكانوش مصدقين و أصروا أننا ندخل منها عشان يثبتولى أن كلامي غلط و انا كنت عارف اللى هيحصل بس خلاص حاولت اخترع اي حجه عشان اقنع نفسي أن مش هيحصل حاجه فالمهم الباب بتاعها كان خشب بس هو اصلا مكسور يعنى تقريباً مفيش باب كنا وقتها 3 من اول لحظه لمست فيها رجلي الأرض الطينيه المتحجره شعرت أنَ قلبي عمل اكتر عدد من النبضات في ثانيه واحده
و لما دخل اصحابي شعروا بنفس شعوري ولكن حاولنا التكلم لكي لا تكون اسوأ تجاربنا و رغم الكلام كنت أشعر أن لا يوجد اي صوت بل اسمع صوت حركات عظامي و نبضات قلبي كانت أوضح و حاولت عدم النظر إلى أي شىء ولكن لم اتمكن و نظرت إلى الشجر رأيت اغرب ما ممكن تشوفه راجل رأسه مقطوعه و قاعد بينزف بدل الدم سائل اسود لزج وقتها اخيراً صرخت و شاورت على الشجر كلهم بصوا و شافوه و مره واحده لقيته بيجري بين الأشجار و حسيت أن في حاجات كتيره حواليا و انفاس و اصوات كتيره انا مش فاهمها و احنا كلنا تقريباً بدينا نهرول بس و احنا بنهرول لقينا قدامنا راجل شكله طيب وقفنا و قلنا في ايه اهدوا متخافوش ايه اللى حصل و دخلنا لبيت كان على جمب و كان بتاعه و حكينا له اللى حصل كله قلنا ايوه دا مرّة و ده واحد من أكبر ملكين جن هنا و التاني اسمه زوبعه و اهدوا كده بس بعد كده خلوا بالكم و أوعوا تعدوا فرحنا جداً بيه و قلنا له اسمك ايه مره واحده ملامح وشه اتغيرت و طول فجأه و قلنا بصوت خشن جداً انا عمك زوبعه وقتها كلنا اغمى علينا و لما صحيت لقيت نفسي على سريري فأتمنيت أن ده يكون حلم لكن لما سألت امي قالت انت اللى كان راميك على الشجر في الأرض الزراعية و اكتشفت أن انا وكل اصحابي كنا مرميين على الشجر وللأسف مطلعش حلم و لما روحت اول درس من بعد ما صحيت و بصيت لأصحابي كلنا بصينا لبعض برعب و اتكلمنا و قتها عن اللى حصل و اتفقنا أننا منفتحش الموضوع تاني.
