Chapter 1
KISHAN : Raju… oy Raju uth ja! Lecture khatam ho gaya, ghar bhi chalna hai. Der ho jaayegi, aur agar nahi utha to akela jungle se aana padega — yaad hai na kaun rehta hai wahan...
RAJU (aadhi neend me, aankhon se neend mitaate hue): Vo sab purani baatein hain, ab mujhe vishwas nahi hota.
KISHAN: Pehle apna chappal to pehen le, bhai.
Raat ke 9:47 baj rahe the. Andhera raasta, thandi hawa, aur do college students — Raju aur Kishan — apni bike se ghar laut rahe the
RAJU : sun.... tune vo shop dekhi Jo aj hi College ke pass khuli hai ? me aj vaha gya tha dekhne ...shop pe ek book thi vaha badi purani si thi lather ka cover tha or title kya tha pata hai. अंधेरी रात...! काला जल l ..... Thoda ajib title tha ! Cover pe lekhak ka name bhi bada ajib tha मिचेल दिबांग ....ye dibang kaisa surname hai... ayyeein ..! Par uska front bada acha tha.... Sayad bohot daravna..... jismein ek ghane jangle ke bich me talab tha talab ke pass me lal colour ke chote-chote fool the or ush talab me ek ladki naav pe kale colour ke kapde pahne apna haath jangle me ek disha ki taraf esara kar rahi thi jaha ek kala saya tha uska koi akar nhi tha bas saya tha kala jo pura ek side ko andhere se bharde uski ankhon se jaise khoon nikal raha ho.... ye jal van (jungle) jaisa lagta hai din me sunder or raat me khunkhar...
KISHAN: humm... Raju, darawni to lag rahi hai! Kitne ki bol raha tha..? Jake kal kharidte hai....
RAJU: 750 rupaye! Mere paas to samose ke paise bhi nahi the... puja se liye the.
KISHAN : Is se acha to mere se le jata paise... ab vo puja tera picha nhi chodegi... hahaha
RAJU : are lota dunga.... Me abhi nhi marunga vese bhi... Haha
Dono baate karte-karte Jal-van tak pahunch gaye.
Kishan ka dhyan nahi tha aur bike achanak band ho gayi.
Bike free karke thoda aage tak gayi... tabhi kisi cheez se takra gayi!
Dono ne turant jump mara aur gir gaye — Raju road ke neeche, Kishan upar.
Raju ko chot zyada nahi lagi, par Kishan ka pura badan chhil gaya tha.
Mobile ki light me uska khoon chamak raha tha.
Raju ne dekha — Kishan pura khoon se ranga hua!
Uska dil tez dhadakne laga, pasine chhoot gaye, aur vo vahi gir gaya.
Thodi der baad jab hosh aaya —
KISHAN: Raju, tu thik to hai na...?
RAJU: Meri chhod, tu apna dekh! Kitna khoon beh raha hai... chal hospital chalte hain!
KISHAN (haath se ishara karte hue): Vo dekh… mara hua hiran. Uska khoon hai, mera nahi.
RAJU: Kya? Tune hiran mar diya...?
KISHAN: Nahi re! Mujhe nahi lagta ye bike se mara hoga… vo dekh, uska pet — pura kata hua hai!
RAJU: Koi jangli janwar hoga… shayad sher?
KISHAN: Shayad… par mujhe nahi lagta sher hoga. Sher aise nahi karta...
Dono chup ho gaye.
Jungle bilkul khamosh tha… sirf hawa ki halki si aawaz.
Tabhi Raju ne dheere se kaha,
RAJU: Mujhe lagta hai… jungle me koi dekh raha hai hume.
KISHAN: Haan… mujhe bhi aisa hi lag raha hai…
(Thoda rukta hai, fir dar ke saath bolta hai)
KISHAN: Waha... vo dekha... kuch kaala saaya…
Raju ka dil kaap gaya.
RAJU: Kha… kaha pe...?
Kishan zor-zor se hasne lagta hai.KISHAN: Raju, majak kar raha tha! Tune vo book ke baare me bataya tha na… vo tere dimaag me ghus gayi hai!
Chal ab… ghar chalte hai.
