Chapter 1
بارت 1: الشرارة الأولى
إيبوكي بوسات كانت عايشة حياتها بكل هدوء على منصة تابي ، الشغل ماشي معها، التصوير تمام، والناس بتحب حضورها قدّام الكاميرا وخلفها. الأمور في الكواليس كانت ماشية زي العسل، ولا حدّ كان متوقع إنه الأمور تتقلب فجأة.
بيوم من الأيام، وهي قاعدة مع طاقم العمل، صارت القصة اللي قلبت حياتها. واحدة من الموظفات شافت رسالة على تلفون إيبوكي بالغلط، وبدل ما تعمل حالها مش شايفة، بلشت تفسّر الرسالة بطريقتها وتنشر إشاعة إنه في مشاكل بينها وبين المخرج، وإنه المخرج أصلاً مش طايق تعاملها. ومن هون بلشت مواقع التواصل الاجتماعي تشتغل…
و النظرات تغيّرت، والأسئلة زادت، وكل واحد صار يحكي قصة أكبر من حجمها.
إيبوكي حسّت إنه الجو مش طبيعي، الناس صارت تحكي معها ببرود، كأنه بيعملوا اللي عليهم وبس.
بس لسا ما كانت فاهمة إنه هاي مجرد البداية، وإنه العاصفة الحقيقية ما كانتش حتى بلّشت.
المشكلة الكبيرة طلعت لما نشرت منشور على إنستجرام تدعم فيه حملة مقاطعة اقتصادية، يعني دخلت بالموقف السياسي علنياً.
المنشور صار حديث الناس، بعضهم ايدها، وبعضهم هاجمها بقوة. وهي وسط كل هالضغط، اضطرت تحذفه… بس الهجوم ما وقف. بالعكس، الموجة صارت أكبر، وصارت تحت ضغط من جهات كتيرة.
وهون، دخل مسلسل Teşkilat على الخط. بعد كل هالضجة، صار الكلام رسمي: إيبوكي “استُبعدت” من المسلسل اللي يُعرض على قناة TRT. القرار نزل عليها زي الماء الباردة ، خصوصاً إنه كانت واحدة من وجوه العمل الأساسية.
وقتها، المنتج تيمور سافجي طلع وحكى تصريح غريب شوي قال:
“عرضنا عليها خيارات من TRT، بس هي ما قبلت.”
يعني القصة ما كانت بس طرد… كانت مجموعة مشاكل مركّبة، من الإشاعات، للموقف السياسي، مش قصة خيارات ما عجبتها.
وهون كانت الشرارة الأولى… يعني بداية المشكلة اللي ما حدا كان متوقعها.
