Chapter 4
بارت 4: وقت الجدّ
بعد ما خلصت إيبوكي وإيلايدا كلامهم ، دخل على الخط شخصين بغيّروا شكل المرحلة الجديدة: تولغا و إرين.
تولغا كان الهادئ اللي قليل يحكي، بس لما يفتح تمه… الكل بيسمع. دخل عليهم وهو شايف التوتر اللي كانوا عايشينه.
تولغا: سمعت اللي صار… وسمعت أكتر من اللي لازم. بس بدي أحكيلكم شغلة: الإعلام بينفخ، والناس بتكبّر، بس الحق ما بضيع.
إيبوكي طلعت عليه بنظرة ممتنة، خصوصاً إنه حضوره لحاله بيعطي طاقة هدوء.
وورا تولغا بدقائق… دخل إرين. دايم هالشخص بيجي كأنه جاي من عطلة، رايق زيادة عن اللزوم.
إرين: يا جماعة، في حدا ببالو قهوة؟ لأني حاسس الجو محتاج كافيين مش دعم نفسي.
إيلايدا ضربته على إيده بخفّة.
إيلايدا: ترى البنت عم تمر بأزمة وانت جاي تمزح؟
إرين: مزحتي أحسن من الدراما اللي عايشين فيها. المهم… إيبوكي، إحنا معك. كلنا.
إيبوكي حسّت لأول مرة إنه عندها فريق حقيقي. مش بس ناس بيمثلوا معاها… ناس تعرف قيمتها صح.
إيبوكي: وجودكم معي… أحسن من ألف تصريح.
تولغا قعد قدامها مباشرة، نظرة جدّ بعيونه.
تولغا: من هسا وطالع… بدنا نشتغل بعقل. بدنا نعرف مين واقف ضدك، وكيف نرجّع صورتك زي ما كانت. إنتِ مش أول فنانة يتعرض إلها هيك… بس يمكن تكوني أول واحدة بتقوم أقوى.
إيلايدا هزّت راسها موافقة.
إيلايدا: ولازم تجهزي حالك، لأن اللي جاي مو سهل… بس مش مستحيل.
إيبوكي سحبت نفس طويل… وحسّت إنه لأول مرة من بداية المشكلة، عندها ظهر يحميها.
وهون تنتهي بداية فصل جديد… لأن اللي جاي رح يكشف حقائق أكبر من اللي توقعت
هون، عند هاللحظة اللي الكل فيها مجتمِع حولها، حسّت إيبوكي لأول مرة إنه الأزمة اللي قلبت حياتها، ما رح تكسرها… بالعكس، يمكن تكون بداية جديدة.
تولغا وقف وقال بصوت هادي بس حاسم:
خلص… من هسا منتحرك خطوة خطوة. وإنتِ مش لحالك.
إيلايدا قرّبت منها ومسكت إيدها:
بدنا نرجّع اللي راح… ونكشف اللي مخبّى.
وإرين، رغم رايقته، صارت ملامحه جدّية لأول مرة:
والله لو بدها تتقلب البلد… إحنا مش راح نتركك.
ابتسامة صغيرة طلعت من إيبوكي، ابتسامة فيها خوف… وفيها قوة جديدة.
كانت حاسة إنه هاللحظة تحديدًا هي الشرارة اللي رح تغيّر كل شي.
