Chapter 5
بارت 5: الليلة اللي انكشف فيها السر
بعد ما خلص اجتماعهم، الكل راح على بيته، بس ولا واحد منهم نام.
إيبوكي كانت قاعدة بالفراش، فاتحة موبايلها، تقلب بين الرسائل والتعليقات… وكل شي أصلاً يوجع القلب.
وفجأة… وصلت رسالة غريبة من حساب مجهول:
إنتِ مفكرة القصة بس إشاعة؟ اسألي عن الموظفة اللي نشرت الكلام… اسألي مين وراها.
إيبوكي قعدت بسرعة، دقات قلبها صارت أسرع.
بعثت فورًا screenshot لإيلايدا.
إيلايدا ردّت بسرعة:
هاي الرسالة مش صدفة… بكرا الصبح منيجي لعندك ومنبلّش ندور.
وبعدها راسلت تولغا وإرين… والاثنين فهموا إنه الموضوع أكبر من مجرد إشاعة.
تولغا كتب:
إذا في حدا عم يشوّه صورتك متعمّد… لازم نعرف مين.
إرين ردّ:
وبعدين؟ بنكشفه. وبنقلب الطاولة فوق راسه.
إيبوكي سكّرت موبايلها… نظرت للسقف…
ولأول مرة من أيام طويلة، حسّت إنه الخوف اختفى شوي.
في شي كبير رح ينكشف.
والليلة هاي… كانت بداية الحرب الحقيقية.
إيبوكي بعد ما سكّرت موبايلها، ظلّت نايمة وعينيها مفتوحة، تفكر بالرسالة اللي كسرت كل شك… وخلّته يتحوّل لقناعة.
كان واضح إنه في حدا ورا القصة… حدا عم يشتغل بخبث.
وبين خوف وفضول، نامت نص نوم، وصحيت قبل المنبّه.
اليوم الجاي كان يوم كشف، مش يوم هروب
