Chapter 13
بارت13- التحقيق
المسؤول وقف قدّامهم، ماسك ورقة رسمية كأنها حكم بالإعدام، وعيونه تتنقل بين الوجوه الثلاثة.
إيبوكي وإيلايدا وقّفوا نفسهم… وتولغا شد فكّه كأنه داخل معركة.
وبنبرة باردة، أعلن الاسم:
إيبوكي بوسات.
إيبوكي حسّت الأرض تميد تحتها.
مش لأنه خوف… بل لأنه فهمت اللعبة صارت علنيّة.
إيلايدا مسكت إيدها بسرعة، والحرارة اللي فيها كانت الشي الوحيد اللي خلّاها تثبت.
إيلايدا:
إيبوكي… لازم تروحي. بس مش لحالك.
تولغا اتقدم خطوة:
أنا بجي معاها. وإذا في حدا بده يحكي، لازم يحكي قدامي.
المسؤول رفع حاجبه بنظرة فيها استعلاء مزعج:
القسم طلب إيبوكي فقط. التحقيق فردي.
تولغا رد عليه بصوت منخفض، أدقع من أي صريخ:
إذا بتفكروا تجرّوا فنانة على غرفة تحقيق لحالها، انتو مش فاهمين مين واقف وراها.
المسؤول بلع ريقه شوي. واضح إنه ما توقع جرأة من تولغا.
بعد لحظة تردد، حكى:
أوكي… شخص واحد مرافق. مش أكتر.
إيبوكي لحظتها طلعت لتولغا… وطلعت لإيلايدا…
وبعيونهما كانت نفس الجملة:
مع مين بتحبي تمشي؟
إيبوكي ابتلعت خوفها، وصوتها طلع ثابت:
إيبوكي:
إيلايدا بتيجي معي.
تولغا ما انزعج.
بالعكس… عمل حركة بسيطة براسه وكأنه عم يقول: ثلاثتنا واحد، و روحي مع اللي بيهديكي.
المسؤول أشر بإيده:
يلا نتحرك.
وهم ماشيين بالممر الطويل… كان الجو ثقيل.
خطوات الموظفين حوالينهم… الهمس…
نظرات الناس اللي تشوف إيبوكي كأنها محور قضية أمنية.
إيلايدا قرّبت منها وهم داخلين أقرب للغرفة:
إيلايدا:
إيبوكي… مهما يحكوا… ما تعطيهم نقطة ضعف. إحنا بنعرف الحقيقة، والباقي… غبرة.
وصلوا لباب غرفة التحقيق.
باب رمادي ثقيل… وكأنه باب عالم ثاني.
المسؤول فتحه…
ودخلوا.
في الداخل:
طاولة مستطيلة، معها ثلاثة أشخاص من الإدارة، وملف أصفر كبير مكتوب عليه اسم إيبوكي.
أحدهم حكى بنبرة رسمية:
إيبوكي بوسات… في أدلة لازم تردّي عليها.
إيبوكي رفعت راسها…
ومحبتش تلعب دور الضحية.
إيبوكي:
هاتوا الأدلة… وخلّونا نبلّش.
وبلحظة فتح الملف…
اتبدت أوراق وصور…
بس بينهم شي واحد شد نظر إيلايدا بسرعة.
ورقة…
مطبوع عليها رقم هاتف.
ورقم الهاتف…
كانت بتعرفه.
وهي لحالها همست بصوت ما سمعه غير إيبوكي:
هاد الرقم… مش غريب عليّ.
وقتها، كل شي صار أوضح… وخطر أكبر كان يلوح بالأفق
بعد دقيقة…
التفّت إيلايدا على تولغا، وقالت بصوت منخفض، مخلوط خوف مع غضب:
تولغا… في حدا جوة طاقم Tabii عم يلعب علينا. وإلا ما كانوا يختاروا إيبوكي أول وحدة.
تولغا رد وهو محدّق بالممر الفاضي:
رح أطلع مين هو. وبعدين… ما رح يضلّ إله محل خطوة وحدة بهالقناة.
إيلايدا شردت بعينها:
وإذا إيبوكي طلعت متهمة؟
تولغا لف راسه عليها ببطء، وصوته كان ثابت بطريقة مرعبة:
إيبوكي ما بتطلع متهمة.
ياللي لازم يحققوا معه… مش هي.”
وسكت.
بس السكون كان فيه شيء واضح:
تولغا عرف مين ممكن يكون وراء كل هالخراب.
بس لسا مش عم يحكي.
ومن داخل غرفة التحقيق…
طلع صوت خافت:
ابدئي من أول مشكلة صارت بالقناة.
وهيك بلش التحقيق…
