Love Guru GZ

Love Guru GZ

India, Delhi — 5:00 PM

“Maya, Maya kahan ho? Coaching ke liye late ho raha hai, babu.”

Preeti ne jaise hi Maya ka kandha chhua, Maya ke be-jaan jism mein halki si harkat hui.

Mobile uske haathon se gira, aur uski ankhon sy ansoo.

This isn’t real… this isn’t real…

This is not me… this is not me…

Wo gumnami mein hawas-bakhta aik lafz dohrane lagi.

“Yeh main nahi hoon… yeh main nahi hoon…”

Preeti ne Maya ko uljhi hui nazron se dekha.

Wo kya bol rahi thi, Preeti ko kuch samajh nahi aa raha tha —

aur dekhte hi dekhte Maya ko blackout ho gaya.

Wo Preeti ke haathon mein rait ki tarah phisalti chali gayi.

“Maya! Maya!”

Preeti use zor se hila kar awaazain deti rahi, taqreeban cheekh rahi thi.

......

Preeti kaafi dair se screen ki taraf dekh rahi thi,

magar yeh decide nahi kar paa rahi thi ke use yeh karna chahiye ya nahi.

Phir aakhirkar, kuch soch kar,

usne us app par click kiya

aur Maya ki information enter karne lagi.

.....

Pakistan, Lahore — 9:00 AM

Zeehan ki car university gate ke samne aa kar ruki.

Usne security guard ki taraf dekh kar muskurate hue haath hilaya

aur campus ke andar enter ho gaya.

Zeehan car se nikla

black jeans, sweatshirt aur coat pehne.

Wo hamesha ki tarah blaa ka haseen lag raha tha.

Muskurata hua university building ki taraf ja raha tha,

aur har student uski smile ko chori chori dekh kar

dil hi dil mein ash ash kar raha tha.

.....

Class ka time on tha,

aur Zeehan aaj bhi 10 minute late tha.

Wo hamesha se aisa hi tha

apni class ke pehle 10 minute zaya kar deta tha.

Achanak class hall ka darwaza khula.

Zeehan muskurata hua andar aaya.

Wohi muskurahat ,

jo dushman ko bhi zer kar sakti thi.

Aur class ke sab log

usi muskurahat ke zer-e-asar aa chuke thay.

Usne class ko greet kiya

aur tez qadam chalta hua stage ki taraf aa gaya.

“Let’s start your class with your handsome teacher.”

Bas aik jumla ,

aur poori class professor Zeehan ke is jumlay par khilkhila uthi thi.

.....

Zeehan ne apni second class bhi 10 minute pehle khatam kar di thi.

Uske students, uski genius teaching style se zyada,

uski smile ke zer-e-asar rehte thay.

Class khatam kar ke

wo professor common room ki taraf ja raha tha,

Rasty main uski nazar Prof. Rose par prhi jo apni class wind up kar rahi thi.

Zeehan ne unhein dekha,

toh uski smile mazeed dilkash ho gayi.

Jeans, sweatshirt, long coat, baalon ki long ponytail —

Rose perfect smile aur confident aura ke sath

kisi bhi tarah Zeehan se kam nahi lag rahi thi.

Zeehan ki smile barqrar thi.

Usne sir jhatka

aur common office ki taraf barh gaya.

Uska khana already tayyar tha.

Wo hamesha apni do classes ke baad

office mein hi khata tha.

Khana khate khate usne mobile nikal kar check kiya.

Wo kisi baat par muskuraya

30 minute baad uski class shuru hone wali thi.

Wo aram se apna khana enjoy kar raha tha.

.....

“Professor Jacob is coming… he is coming!”

Anaya ne apne desk mate ko jaldi se seedha karte hue

class ko agah kiya.

Poori class

Professor Jacob ke samne teer si seedhi hoti thi jesy kisi ny inpar koi mantar phoonka ho.

Professor Jacob, Zeehan se bilkul ulat thay.

Unhein kisi ne kabhi khilkhila kar haste nahi dekha tha.

Wo bohot narm aur sanjeeda thay —

bara sa chashma, gehri aankhen,

jaise duniya bhar ki zahanat

un aankhon mein simat gayi ho.

Unki personality ka rob hi aisa tha

ke is single professor se

aged professors bhi bohot soch samajh kar baat karte thay.

Formal pants aur long coat pehne,

wo bilkul on time class mein enter hue.

Yeh kad-kath aur zaheen aankhen —

yehi kaafi thi kisi ko bhi sanjeeda karne ke liye.

Class ke aakhir mein Jacob ne Anaya ko concept explain krny ko kaha taky kisi ko koi doubt ho tou wo clear ho jaye.

Professor Jacob ki nazrein kitab par theen.

magar “Anaya explain” sun kar

Anaya ko laga jaise duniya hi hil gayi ho.

Jaise-taise

usne apne halaq se halki si awaaz nikali

aur concept explain karna shuru kiya.

Ahmar ko laga

agar Jacob ki jagah Zeehan hota,

toh yaqeenan ab tak uski hasi chhoot chuki hoti.

Kyunkay yeh halat sirf

Jacob ke samne Anaya ki hoti thi ,

warna wo hamesha professors ke samne bohot confident rehti thi.

Jacob ke samne

sabhi students thore reserve ho jate thay.

Ahmar bas zer-e-lab muskura kar reh gaya.

......

Zeehan ne apni chaaron classes complete kar li theen.

Wo front desk par gaya,

digital presence record ki

aur register par exit entry karne laga.

Wo classes ke baad

seedha ghar ke liye nikal jata tha.

.....

Eshan jaldi-jaldi apna bag sambhal raha tha.

Aakhri class thi,

aur use ghar jaane ki jaldi thi.

Uske dost moj-masti mein thay,

jab ke Eshan gumsum sa tha.

.....

Anaya sochon mein gum ja rahi thi

ke achanak Ahmar ne car ka horn diya.

“Anaya, come in.

Main tumhein drop kar doon ga.”

Anaya ne gandi si shakal bana kar dekha.

“No, thankx. You’re gross.”

Ahmar zor zor se horn bajane laga.

“Anayaaa…”

Anaya ne kaanon par haath rakh liye.

“You’re gross!”

kehty huye us nay darwaza khola

aur car mein baith gayi.

“Tumhein aaj class mein bohot hasi aa rahi thi,”

seat belt lagate hue

Anaya ne khoonkhar nazron se Ahmar ko dekha.

“Okkyyy… soryyy,”

Ahmar ne jaan kar hasty huye mafi nama zahir kiya or Car start ki.

.....

“Mama, I’m hungry,”

Tania ne apni maa ke galay mein bahein daalte hue kaha.

“Mama is hungry too.

Go make noodles,aj noodles party ho jaye”

maa ne hasty huye kaha.

“Okayyy,”

Tania ne chutki bajai.

Wo kitchen mein pani ubalne rakh rahi thi

ke tabhi Ahmar ghar wapas aa gaya.

“My dear little girlie, please serve me too,”

Ahmar ne maa ke sath baithte hue kaha.

Tania muskurai.

“Yeh hotel nahi hai, nahi mile ga.”

Ahmar maa ke sath laad jatane laga.

“Jao beta, pehle fresh ho lo,”

maa ne pyar se

apne betay ke baalon ko ungliyon se sanwara.

“Ahhh mom, it’s too cold!”

“Main kahin nahi jaa raha,”

aur wo wahin lyt gaya.

Tania muskura rahi thi.

Noodles bana kar teeno ke liye nikal ke layi.

“Bilkul bhi ache nahi bane,”

Ahmar ne khate hue chidhaya.

Tania ne aankhen ghooma di.

.....

Tania ke mobile ka volume band tha.

Wo screen par kuch dekh rahi thi.

Uski saansein dheemi aur gehri hoti ja rahi theen.

Achanak darwaze par knock hui.

Hadh badhahat mein phone haath se chhootty bacha.

“Yes mama, come in.”

Tania ne screen app clear ki

aur apni maa ko jawab diya.

“Tania, main apky uncle ke ghar ja rahi hoon.

Ahmar ghar par nahi hai,

toh door proper lock kar lena beta.”

Tania ne haami bhari

aur uth kar hall mein door lock karne ah gayi.

Ab Ghar khali tha.

Wo dobara bistar par aa gayi.

Uski screen par

phir wahi video play ho rahi thi.

.....

Maida uniform mein apni snaps bana rahi thi —

ek, do, teen…

Phir ek aik kar ke 15–20 snaps le li.

Send ka button click karte hi

sharm se usne apna chehra phone se chhupa liya.

Jaldi se sar jhatak kar

phone band kiya

aur school ke liye nikal gayi.

Tania aur Maida dono class mein baithi baatein kar rahi theen.

Tania, Maida ke kaan mein kuch kehti,

aur dono kabhi sharmati, kabhi muskurati theen.

Unhein lagta tha

ke wo best friends hain ,

ek dusre se kuch bhi nahi chhupati theen.

.....

Eshan ka class mein bilkul dil nahi lag raha tha.

Last bench par baitha

apna phone scroll kar raha tha.

Teacher ki baaton se zyada

notifications mein busy tha.

Phone dekh kar wo halki si muskurahat ke sath reh gaya.

.....

Wo office mein baitha bore ho raha tha

ke uski screen par aik sawal ubhra:

“Mujhe apne husband ki shirt pasand nahi hai,

Love Guru, main kya karun?”

Wo muskuraya aur type kiya:

“Apne husband ko apni pasand ki shirt gift kar do

aur pyar se bolo:

‘Yeh pehn lo, main tumhare liye special lai hoon.’

Agar phir bhi na pehne,

toh uski baqi shirts dhona band kar do ,

sirf wahi dhoya karo jo tumhein pasand hain.”

Kisi ne sawal kiya:

“Love Guru, are you single?”

Wo phir muskuraya ... who knows?

Teesra sawal:

“Love Guru, aap girl ho ya boy?”

“Main insaan hoon.”

Muskurate hue usne jawab type kiya.

"Love Guru GZ"

Gen Z mein ahista ahista yeh forum famous ho raha tha.

Teens aur youngsters wahan love tips ke liye aate thay.

Yahan log hamesha hasi mazaak karte thay,

aur kabhi kabhar married log bhi

apne dukh share kar ke dil halka karty.

“Love Guru, tum apna aap kab reveal karo ge?”

Wo muskura raha tha.

Forum par kai sawalat thay

jo wo farigh waqt mein kabhi kabhi parhta tha.

.....

Jacob ki class khatam hui.

Wo apna saman le kar

digital presence ke liye front desk ki taraf ja raha tha.

Miss Jiya wahan pehle se baithi thi

aur Zeehan ko register de rahi thi.

Zeehan attendance mention kar raha tha

aur Miss Jiya usey ghor se dekh rahi thi.

Ghungryaly baal, bara sa chashma, chhota qad

Zeehan ke samne

wo apni umar se bhi chhoti lag rahi thi.

Zeehan ne register par entry karte hi

Miss Jiya ko apne mehzooz andaaz mein

halki si muskurahat di.

Wo jany k liye murha

aur Jacob ko aata dekha.

Uski muskurahat gehri ho gayi

wahi muskurahat

jo dushman ko bhi zer kar sakti thi.

“Zahy naseeb, zahy naseeb,

Jacob sahab ka deedar naseeb hua,”

Zeehan ne chidhate hue kaha.

Jacob honton se zyada

aankhon se muskuraya.

“Bas karo yaar, kab sudhro ge tum?”

Dostana andaaz mein

Jacob ne halki si jhappi di.

In dono ke paas se guzarne wala

koi bhi shakhs

muskuraye bina nahi reh sakta tha.

Miss Jiya ki muskurahat mazeed gehri ho gayi.

Usne apna chashma theek kiya

aur Jacob se register wapas lene lagi.

.....

“Chalo, kahin sath chalte hain?”

Zeehan ne kaha.

“Nahi, mujhe zaroori kaam hai.

Phir kisi din chalenge,”

Jacob mana karta hua

apni bike ki taraf barh gaya.

Zeehan apni car mein baith gaya.

Dono ne ek dusre ko jaane ka ishara kiya

aur apne apne rasty nikal gaye.

QuiteFlame — Online

Wo apne office mein baitha

GZ ke case notifications check kar raha tha.

Usne personal notification open ki.

Maya — from India.

Usne click kiya.

Screen par sensored video chal rahi thi.

Uske chehre par sanjeedgi aa gayi.

Usne gehri saans li

aur button dabaya:

“Nothing was real…

but the damage was reality.”