ELEMENTARA

Elementara ki subah aaj alag thi. Pura aasman ek ajeeb si chamak se bhara tha, jaise suraj ne apne rangon ko molten metal ke saath mila diya ho. Metal Continent ke dil me, Aurum Palace ki deewarein soone ki tarah chamak rahi thi – ek palace jo sirf ek makaan nahi, balki ek statement tha:

“Yeh duniya humare bina nahi chal sakti.”

Aaj yahan Grand Summit of the Three Continents hone wali thi. Ironia ke laal lohe ke banners, Non-Metal ke rang-birange aur zehreela sa ganda rang milate flags, aur Metalloids ke minimalist lekin chalaki se bhare symbols ek saath hawa me lehra rahe the.

Rulers’Arrival

Sabse pehle aaya King Ferron of Ironia – ek aadmi jiska har kadam zameen me goonjta tha. Uske armour ka har piece asli forged Iron ka bana tha, jise wo apne shatru ke khoon se polish karta tha. Uske peeche chal rahe the uske Iron Legion ke generals – bade bade moochon wale, dhatu ke mask pehne hue, jo unki aankhon ka gussa chhupa nahi paa rahe the.

Non-Metal Continent se Queen Oxira of Oxynia aayi – ek patli, hawaa si tez aur aankhon me barf ki tarah thandi chaal chalne wali raani. Uske saath thi Mistress Chlorara, Halogara ki poison queen, jo hamesha apni ungliyon me zehreela leep lagati thi, taaki jiski skin touch kare, uska end turant ho jaye.

Metalloid Continent se aaye  Lord Silicos of Siliconia – ek sochne wale, haath me hamesha ek parchment aur quill, lekin aankhon me wo chhupaa hua saap jo har waqt naya chaal soch raha ho.

Aur sabke beech, apne golden throne pe baithne ke liye tayyar ho rahe the King Aurum – Metal Continent ka Golden Emperor. Uska armour solid gold ka tha – jo kisi bhi battlefield me practically bekaar hota, lekin uska maksad sirf ek tha: dikhawa. Uske chehre pe ek smug smile thi, jaise duniya ka sabse bada deal sign karne ja raha ho.

Summit Begins

Aurum Palace ke Hall of Chains me sab rulers baithe the. Bade bade tables, unke beech me molten metal ka ek fountain, aur upar se chhote chhote zeher ke smoke trails jo Non-Metal delegation ke paas se aa rahe the. Sab samajh rahe the – yeh meeting shaanti ke liye nahi, shakti ke liye hai.

King Aurum ne apni awaaz uthayi:

“Elementara ke teen continents – hum yahan aaye hain ek naye samvidhaan par baat karne. Lekin yaad raho, leadership Metal Continent ke paas hi hogi, kyunki humare bina tum sirf… khokhle ho.”

Ironia ke Ferron ne table pe apni talwar patki:

“Aurum, tera soona sirf chamakta hai, chalata nahi. Jab se tumhara gold khan ka nikalna kam hua, tumhare soldiers apne armour bech rahe hain. Tum leader banoge? Over my dead body.”Oxira ne halki si muskaan di:

“Over your dead body? Ferron, tum toh khud ek chalte phirte scrap yard ho.Sab hanse – lekin wo hasi me zeher tha.

The Assassination

Jaise hi baatein garam hui, ek servant – ek chhota sa page boy – molten fountain ke paas se guzra, haath me ek gold-plated wine jug lete hue. King Aurum ne goblet aage badhaya. Servant ne wine dali… lekin jaise hi Aurum ne ek sip liya, uska gala sukh gaya.

Ek second ke liye laga wo bas khans raha hai. Phir uske hont pe ek kala padra phail gaya. Uski aankhon se khoon ke aansu tapakne lage. Aur ek ghoont me hi King Aurum ne apni kursi pakad ke zameen pe girte hue apni gardan tod li.

Hall me silence chhaya… sirf molten fountain ka bulbulaana sunai de raha tha.

Ferron ne talwar nikaal li:

"Kisne kiya yeh?!"

Mistress Chlorara ne apni ungliya spread ki:

"Yeh toh tumhare servant ka kaam lagta hai… ya phir koi tumhare andar se bech raha hai tumhe."

Lord Silicos ki aankhon me ek ajeeb sa sparkle aaya – jaise usne yeh move pehle se plan ki ho.

Aurum ka dead body molten fountain ke paas rakha gaya. Gold armour par jalte hue metal ke chhitte lag gaye. Ferron ne wahin kasam khai ki Iron Legion ab poori Non-Metal Continent ko mita degi.

Lekin Oxira ne ek baat boli jo sabko hila gayi:

“Yeh poison… Halogara ka nahi. Yeh ek aisa compound hai jo sirf ek jagah milta hai… Fourth Continent. “Sab ke dil ek pal ke liye ruk gaye. Fourth Continent – wo jagah jahan se kabhi koi wapas nahi aata.