Chapter 1:Umeed
Shaam dheere dheere andheray mein badal rahi thi.
Ghar ki deewarein bhi jaise us lamhe ki sakhti mehsoos kar rahi thi.
Roohaniya apne baap ke saamne khadi thi.
Uska chehra thaka hua tha… aur aankhon mein woh dard jo lafzon se bayan nahi hota.
Uski aankhein halki brown thi, jin ke neeche aansuon aur neend ki kami se halke se kaale halke pad chuke thay.
Uske baal bhi halkay brown thay, jo uske kandhon se thoda neeche, kamar ke aas paas tak girte thay.
Uska poora chehra masoomiyat aur thakan ka mix lag raha tha—jaise woh apni umar se zyada kuch jhel chuki ho.
Baap ki awaaz sakht thi:Uska jumla poora nahi hua tha ke baap ka ghussa aur barh gaya.
Uski awaaz itni tez hui ke kamra goonj utha, aur Roohaniya khamosh ho gayi.
Us waqt ghar ke andar koi beech mein nahi aaya.
Sab log door kharay thay.
Kisi ki aankhon mein us ke liye narmi nahi thi
Kuch log chup chaap dekh rahe thay, jaise unhein farq hi na ho
Aur kuch log bas nazrein chura rahe thay
Roohaniya ne sab ko dekha…
aur usay samajh aa gaya ke yahan koi uska saath nahi de raha.
Yeh ghar, jo kabhi uska apna tha… ab usay apna maan hi nahi raha tha.
Baap ne aakhir mein sirf itna kaha:
“Kal subah tayar rehna.”
Aur woh palat kar chala gaya.
Roohaniya wahi khadi reh gayi.
Uske dil mein ajeeb sa khali pan tha—na poori tarah rona, na poori tarah samajh.
Bas ek ehsaas… ke uski jagah ab yahan nahi rahi.
Aur usay pehli dafa sach samajh aaya
na poora dard, na poori umeed… sirf ek khaali pan.
Jaise ab uski zindagi ka agla safar uski marzi se nahi, kisi aur ke faislay se chalne wala
