ISHQIYA

Vijaypur U.P. ka ek chhota sa gaon. Jahan keval shanti bani rehti thi. Na koi virodh, hinsa ya kisi bhi vyakti ka apman. Yeh gaon apne samay se thoda peeche tha par yahan ke log bahut acche the.

Uss gaon mein bahut kam log padhe likhe the. Unmein se ek tha sabka pyara aur thoda sa awaara humara Karthik. Kathik vijaypur gaon ke sabse ameer zamindar ka beta tha jo ki keval metric pass tha aur apne pita ki mrityu ke baad unki ek aalishan haveli ko sambhal raha tha. Wo gaon ka sabse padha likha vyakti tha. Wo dinbhar gaon ki ladkiyon ko taarta rehta tha.

Lekin sawaal Karthik nahi uski band padi haveli thi jo ki kaaphi samay se band padi thi. Karthik apne gaon ke chai wale kaka ke saath unke ghar mein kayi saalon se reh raha tha. Kehte hain wo haveli Shenshaah-e-Hindustan Akbar ke dwara banwai gayi thi. Wo haveli Karthik ke purvaj sambhalte hue aa rahe hain aur ab aakhir kar wo haveli Karthik ko mili. Par koi use khareedna nahi chahta hai aur na hi koi usmein rehna chahta hai.

Time:- 27 June 2026

Kanpur ki chanchal sadko par bina ruke chalti gaadiyan agar kabhi ruk jaaye to samajh lena aage kuch to bura hone wala hai.

(Ek Aadmi Dard Se Chillate hue, ek car uske saamne rukti hai)

Car Driver:- Kon ho tum? Aur tumhara ye haal kisne kiya?

Aadmi:- Main K..K..Kar...Thik... Hoon. Kal raat yahan ek ladki ka kidnap ho raha tha. Maine unhe rokna chaha to unhone mujhe bahut maara, jiske kaaran mujhe itna dard ho raha hai.

Car Driver:- Should I drop you to the hospital? Myself Saurabh Kumar, CEO of RAAKA industries.

Karthik:- Sir, mujhe hospital nahi jaana hai lekin agar koi rehni ki jagah mil jaati to accha hota. Mera iss seher mein koi nahi hai.

Saurabh:- Why not? But tum Kanpur mein kya kar rahe ho? For A Job Search?

Karthik:- Nahi sir main yaha apni behen ko gaon le jaane aaya hoon.

Saurabh:- Oh Nice. Theek hai phir jab tak tum theek nahi ho jaate tab tak tum mere saath mere ghar mein hi rehna.

( Saurabh Ka aalishan bangla Karthik saurabh ke bangle ko acchi tarah se dekhta hai tab)

Karthik(Khud se): Ye sab kitna mehenga hai. Lekin ye sundar bahut hai. Ab to yahaan se jaana hi nahi.

( Tab hi karthik ki nazar ek photo par padti hai )

Karthik:- (Murmuring) Ye..Ye.. (Karthik Behosh ho jaata hai)

Song Begins:- Ye Fitoor Mera Laaya Mujhko....Question:- Aisa kya tha uss photo mein jise dekh kar Karthik Behosh ho gaya? Kya Karthik sach mein apni behen ko le jaane aaya hai ya phir kuch aur? Uska maksad kya hai?