Episode 1: Pehli Mulakaat
Siliguri ke ek chhote se college me nayi-nayi aayi thi Anaya. Mausam halka sa rainy tha, hawa me mitti ki fresh khushboo thi. Anaya ne apna pink dupatta sambhalte hue college gate ke andar entry li.
Thodi nervous thi… naya sheher, naye log.
Tabhi saamne se ek ladka tez bhaagte hue aaya aur dhadamm!… dono takra gaye.
“Sorry! Sorry! main dekh nahi paaya…” ladka jaldi-jaldi bolne laga.
Anaya thodi irritate ho kar boli,
“Thoda dekh ke nahi chal sakte?”
Ladka halka sa smile karte hue bola,
“Agar dekh ke chalta… toh shayad aapse mil hi nahi pata.”
Anaya ek second ke liye ruk gayi… phir bina kuch bole aage badh gayi.
Lekin jaate-jaate usne ek baar peeche mud kar dekha…
Woh ladka ab bhi use dekh raha tha… ek halki si smile ke saath.
Uska naam tha — Aarav
