Chapter 1:The Last mis
San 2098.
Earth ki sabse advanced space agency ne pehli baar ek mysterious black hole ke paas research mission bheja tha. Is mission ka naam tha Project Horizon.
Crew me 6 astronauts the, aur unme se ek thi Roon, sirf 21 saal ki, lekin apni intelligence aur bravery ki wajah se mission ka important hissa.
Mission ka objective simple tha—black hole ke bahar se data collect karna aur Earth par wapas lana.
Sab kuch plan ke mutabik chal raha tha...
Lekin achanak spaceship ke AI ne emergency warning di.
"WARNING... Unknown Gravitational Disturbance Detected."
Pehle sabko laga ye normal turbulence hai.
Phir spaceship ke saare systems ek-ek karke band hone lage.
Navigation... Engine... Communication...
Sab fail.
Captain emergency order deta hai:
"Sab log Escape Pods me jao!"
Sirf 5 emergency pods bache hote hain.
Crew ke 5 members bach sakte hain...
Lekin Roon samajh jati hai ki agar woh bhi pod le legi, to ek aur astronaut mar jayega.
Woh apna pod ek injured teammate ko de deti hai.
Sab mana karte hain.
Roon sirf muskura kar kehti hai—
"Kisi na kisi ko sacrifice dena hi padega... aur shayad ye meri destiny hai."
Ek-ek karke sab escape pods launch ho jate hain.
Spaceship me sirf Roon reh jati hai.
Communication tootne se pehle uski best friend radio par chillati hai—
"ROON!! PLEASE... TU BHI AAJA!!"
Roon aankhon me aansu lekar reply karti hai—
"Earth ka khayal rakhna... aur Mom ko kehna... maine apna promise nibhaya."
Signal cut.
Complete silence.
Bas spaceship ke alarms aur bahar ka endless space.
Roon cockpit me akeli baithi hoti hai.
Uski aankhon ke saamne bachpan ki yaadein chalne lagti hain...
Papa ka haath pakadkar school jana.
Maa ke saath birthday celebrate karna.
Friends ke saath hasi-mazaak.
Uski aankhon se aansu behne lagte hain.
Tabhi spaceship ka control completely fail ho jata hai.
Window ke bahar...
Ek enormous black hole.
Uska event horizon dheere-dheere spaceship ko apni taraf kheench raha hota hai.
Roon dar ke maare control stick pakad leti hai.
"Nahi... Please... Please ruk ja..."
Engine response:
"...ERROR..."
Spacecraft aur tez black hole ki taraf badhne lagta hai.
Roon zor-zor se roti hai.
"Main... abhi marna nahi chahti..."
Black hole bilkul saamne aa jata hai.
Ek bright white flash...
Sab kuch andhera.
...
To Be Continued...
