Introduction
Shiv apne kamre ki khidki ke paas khada bahar andhere ko dekh raha tha. Uske kanon me Hema ki hansi aur Siddharth ki kahi baatein ek saath goonj rahi thin. Dil ki dhadkanein bekaabu thin, par man ke kisi kone me ek ajeeb sa sukoon bhi tha—sirf Hema ka chehra sochkar.
Dusri taraf Hema apne kamre me apne bag se kapde nikal rahi thi. Use samajh nahi aa raha tha ki jab-jab Shiv ki nazar us par padti hai, uska dil itni zor se kyun dhadakne lagta hai. Dono ke beech koi naam nahi tha, koi ikraar nahi tha... par ek khamosh sa khinchav tha jo shabdon se pare tha.
"Raanjhia ve... tu ki jaane dil da haal,
Tere bin hun jeena bhi hai ek savaal..."
Ishq jab rooh se judta hai, toh dooriyan bhi beasar ho jaati hain.
