The Life

Aik larka, age 10–12 saal ke darmiyan, bachpan ki kahani bilkul aisi thi jaise koi aisa shakhs jo maut ko bilkul qareeb se dekh kar aaya ho aur usay dobara yaad karke hi us ki rooh tak kaanp jaye.

Us ki kahani bhi kuch aisi hi thi. Bas bachpan ko aik bure khwab ki tarah bhoolna chahta tha aur bas zindagi guzar raha tha.

Phir aik shaam, 5 se 6 baje ke aas paas, woh relatives ke ghar tha, kyun ke us ki family ne apna ghar sell kar diya tha. Naya ghar na hone ki wajah se unhein un ke ghar rehna para.

Magar woh is baat se bekhabar tha ke us ka woh bura khwab khatam nahi hua, bas aik nayi shakal mein aur bhi bhayanak ho gaya hai.

Woh araam se baitha khana kha raha tha ke tabhi us ki phoophi-zaad behen ne us ka khana chura liya.

Dekhne mein to faqat aik mamooli si baat thi, magar woh insaan, jisay duniya ki darindagi ka koi andaza nahi tha, usay bas apne khane se matlab tha. Woh rone lag gaya.Is gharz se ke woh jin logon ko apna manta hai, woh us ka saath denge.

Magar woh is baat se bekhabar tha ke rishta tabhi apna hota hai jab aap usay kuch de sako. Magar woh itna chhota tha, kya hi de sakta tha?

Achanak us ke walid aaye.

Usay laga usay sahara mil gaya.

Woh aur rone lag gaya.

Tabhi kuch aisa hua ke us ki zindagi badal gayi.

Us ke walid ne usay thappar laga diya.

Wajah kuch bhi nahi thi, bas ye ke agar us ne kuch le liya to roya kyun?

Tab tak woh bacha tha, magar us ke baad woh apne walid se door ho gaya.

Woh thappar us ki zindagi ka pehla thappar tha jo usay usi ke apno ne mara tha.

Aahista aahista usay insaan ki fitrat samajh aane lagi aur woh bara hota gaya.

Phir us ki zindagi mein aik naya parhao aaya, jab usay parhai se door karne ke liye usi ke apno ka istemal kiya gaya.

Us ke apno mein jis par woh bohat bharosa karta tha, us ki apni behen, jis ne usay door karne ki har mumkin koshish ki.

Kyun ke us ka dil parhai mein nahi lagta tha, jab ke woh top 4 mein aata tha.

Yahi baat is ki behen ko gawara nahi thi.

Isi baat ka faida uthaya gaya aur us ke bhan ko mohra bana kar usay door kiya gaya, taake woh average ho jaye.

Sab karne ke bawajood jab woh phir bhi nahi hata to aik nayi sazish rachi gayi.

Usay hawas ke jaal mein dala gaya.

Usay is jaal mein daalne wali kaun thi? Us ki apni bari behen.

Woh aur us ki do chacha-zaad behnein, jo us ki cousins lagti thin, unhein is liye laya gaya kyun ke un mein se aik ko woh pasand karta tha.

Yahan kahani ne aik naya aur romanchak mor liya.

Unhon ne mil kar aahista aahista usay us ke qareeb kiya aur is tarah woh parhai se door chala gaya.

Phir yahin se us ke bure khwab ka aghaz hua.

Usay har baar tana diya jata:

"Tu sust ho gaya hai."

"Tujhe parwah nahi hai."

"Tu parta nahi hai."

Woh ye sab sun sun kar iska aadi ho gaya.

Umar guzarti gayi aur woh aahista aahista apne khandan walon se bhi door chala gaya.

Ab woh 9th mein tha.

Kuch khaas nahi, bas mahaul aisa tha jaise gandagi mein koi phool khila ho.

Puri class nashe ki aadi thi.

Woh akela tha aur usay nashe se nafrat thi.

Woh apni zindagi is umeed par kahra raha tha ke aik din is jail se jaan chhoot jayegi aur azaadi mil jayegi.

Class mein bachay kaafi zyada thay, magar us ka dost bas aik tha.

Aur woh bhi nasha karta tha.

is na usay kyi bar roka:

"Mat kiya kar, kya mile ga?"

Magar woh na maanne ki zid par ara hua tha.Us ke lakh samjhane ke bawajood woh nahi maana.

Phir kya hona tha?

Aik din us ke ghar walon ne usay pakar liya.

Aur usay school se utha diya.

Ab jis ka sirf aik hi dost tha, woh bhi akela ho gaya.

Bas akela.

Kisi teacher se bhi baat-cheet nahi karta tha. Bas aik teacher se baat thi, to woh unhi ke saath un ki class mein chala jata.

Woh teacher bhi us ke saath kaafi achi thin.

Phir aik din woh teacher bhi chhor gayin aur ye phir se akela ho gaya.

Kuch arsay baad woh wapas aayin to pata chala ke un ki shadi ho gayi hai aur woh theek is ke ghar ke saath wale ghar mein aa gayi hain.

Dosti to pehle bhi thi aur ab to parosi bhi ban gayi thin.

usa asa laga jasa koi bechra hova dost vapas mil gayia ho zindagi chalti rahi aur saal khatam ho gaya.

Paper bhi faqat ak nela page , kyun ke poora saal kuch parha hi nahi tha.

Bas paper se pehle kuch important questions yaad kiye aur paper dene nikal gaya.

Magar jab result aaya to...

Ye is baat se pareshan tha ke hanse ya roye, kyun ke is ki sirf 3 subjects mein supply aayi thi, jab ke usay aik bhi nahi aata tha.

Magar dukh is baat ka tha ke apne walid ko kya bolega?

Achanak is ki nazar gali mein pari to is ne dekha ke is ke Abu ghar aa rahe hain.

Is ki to goya jaan hi nikal gayi.

Aisa laga jaise maut ka farishta aa gaya ho.

Kuch dair baad is ki behen upar aayi aur boli:

"Abu bula rahe hain."na kuch zyada na, kuch kam — us ke liye faqat ya bas walid ki taraf se bheja gaya ek paighaam tha. But isay ke liye yeh ek maut ka sandesh jaisa tha.

Isay bilkul aisa mehsoos hua,goya kisi ne jism sa jaan hi nikaal li ho .

Is ki behen is baat se waqif thi ke ye kyun chhupa hua hai, to us ne isay samjhaya:

"Kuch nahi kahenge. Woh mithaiyan le kar aaye hain. Neeche aa ja."

Agar is ne un ke haath mein box na dekha hota to isay yahi lagta ke jhoot hai.

Magar is ne dekha tha, to ye chala gaya.

Is ke walid ne sab ko mithaiyan di.

Is liye ke ye baqiyon mein to pass ho gaya hai na.

Is baat par isay bohat hairani hui.

Tab is ke walid ne kaha:

"Ye teri advance mithai hai. Agli baar clear karna."

Is ne kya kehna tha?

Is ki to haalat aisi thi goya doobte ko tinkay ka sahara mil gaya ho.

Is ne phir academy mein tayari ki aur sab clear kar diye.

Is ne 10th baghair school ke karne ka faisla kar liya, kyun ke isay pata chal chuka tha ke phir agar koi asi class mil gayi to is ki phir se supply aa jayegi aur is ke walid ko dukh hoga.

Is k walid ne bhi koi zid nahi ki aur baghair school jaye doosre school se 10th clear kar li.Aur achay numbers se college mein chala gaya.