Vanvaas

Present Time:- 2026

Ye baat hai Mumbai ki, jahan Raghav aur Janaki ki shadi huye 1 saal ho gaye. Janaki subah uthkar chai paka rahi hai. Raghav akhbar padh raha hai.

Raghav:- Janaki chai taiyyar ho gayi. Mujhe office ke liye late ho raha hai.

Janaki:- Ha, baba bas laayi.

Janaki thode samay baad chai laati hai.

Janaki:- Lijiye Raghav.

Jaise hi Janaki kitchen ki taraf ja rahi hoti hai, Raghav Janaki ka haath pakad leta hai.

Janaki:- Ye kya kar rahe hain Raghav. Koyi dekh lega toh.

Raghav:- Apni ardhagini ka haath pakadne mein kaisi sharam. Aur to aur yahan hamare alaawa koyi nahin hai.

Janaki:- (Seriously) To bula lijiye na apne mummy-papa ko yahan. Kab tak naraaz rahenge unse, aakhirkaar hai to wo aapke mummy-papa hi.

Raghav Janaki ka haath chhod deta hai. Room ka mahaul ekdum shaant ho jaata hai. 2 minute tak koyi nahi bolta lekin phir.

Raghav:- Janaki mujhe der ho rahi hai, ye chai tum pee lo, main office ke liye nikalta hoon.

Raghav wahan se chala jaata hai aur Janaki bas usko jaate huye dekhti hai. Raghav office pahuchta hai aur apne cabin ke andar jaake baith jaata hai. Bahar se peon aata hai.

Peon Das:- Sir, chai chahiye ya coffee.

Raghav:- Mujhe abhi kuch nahi chahiye, tum wapas chale jao.

Peon chala jaata hai. Raghav thodi der aankhein band karta hai aur usko yaad aata hai apne mummy-papa ke saath bitaaye huye kuch sunhare pal. Tabhi Raghav ka dost Madhav aata hai.

Madhav:- (Chutki bajate huye) Raghav, Raghav.

Raghav aankh kholta hai.

Raghav:- Kya huya Madhav, tu kaam nahi kar raha.

Madhav:- Yahi sawaal to mujhe poochna chahiye ki tu kaam kyu nahin kar raha. Kya koyi tension hai, koyi chinta hai. Aunty ji ki yaad aa rahi hai.

Raghav:- Mujhe Table par Chai nahi chhodni chahiye thi. Janaki mujhse naaraz hogi.

Madhav:- Kya, kya kehna chahta hai bhai.

Raghav:- Kuch nahi, teri samajh mein nahin aayega. Ja tu abhi kaam kar main bhi kaam karta hoon.

Madhav chala jaata hai. Raghav bhi apne kaam pe lag jaata hai. Thode ghanton baad jab Raghav kaam kar raha tha tabhi ek call aati hai uske phone pe. Phone pe likha tha MAA. Raghav phone kaat deta hai thoda rukkar. Aisa kayi baar hota hai par Raghav phone nahin uthata hai.

Raat ke samay Raghav ghar pahuchta hai. Janaki gate kholti hai.

Raghav:- Janaki aaj subah ke liye maaf karna, wo main thoda jaldi mein tha.

Janaki:- Koyi baat nahin Raghav, ismein aapki koyi galti nahin hai.

Raghav:- Chalo jaldi se khana lagado mujhe bahut bhook lagi hai, phir sona bhi hai.

Janaki:- Maa ka phone aaya tha.

Raghav:- Kaisi hain Sasu Maa.

Janaki:- Aapki maa ka phone aaya tha. Unhone bataya ki aapne unka phone nahin uthaya. Kyu naraaz hain aap unse. Ab to gussa chhod dijiye.

Raghav:- Janaki iss vishay par baat na karo to hi accha hai.

Janaki:- Kyu bhaag rahe hain aap apne Past se.

Raghav:- Main apne past se nahin bhaag raha hoon. Main bas wo kharaab pal yaad nahin karna chahta hoon. Aur waise bhi main unke liye mar chuka hoon toh ab unse baat karne ka koyi matlab nahin. Mujhe kamre mein ja raha hoon, khana le aana wahan mere liye.

Janaki Raghav ka haath pakadti hai,

Janaki:- Raghav, maa-papa ki jaan khatre mein hain, Aaradhya ne bataya ki maa-papa ko kisi ne kidnapp kar liya hai, kyu aur kisliye wo koyi nahin jaanta hai.

Raghav peeche mudta hai.

Janaki:- To kya ab Raghav apni Kaushalya maa aur Dashrath pita ko bachane nahin jaayenge. Kya wo apne mata-pita ki raksha nahin karenge. Kya Raghav uss Ravan jisne maa-papa ko kidnapp kiya hai aur uski Lanka ka sarvnaash nahin karenge.

Raghav:- Ab Samay aa gaya hai, Vanvaas ka ant Karne ka.

Fade To Black.

Vanvaas:- Episode 2:- The Search and The Past.