Playlist #1: Oh, What A Riot
www.emiliesostrange.tumblr.com/tagged/mixtapes/oh-what-a-riot
Paramore Live in Manila Mixtape
1. That’s What You Get
2. My Hero (Foo Fighters)
3. Pressure
4. The Only Exception
5. Emergency
6. Misery Business
7. For A Pessimist, I’m Pretty Optimistic
8. Brick By Boring Brick
March 9, 2010
Finally, after long years of waiting, napanood na rin niya ng live ang isa sa mga paborito niyang banda.
Paramore.
Jake couldn’t believe it. Muntikan na nga siyang maiyak sa bilihan ng ticket nung isang buwan nang malaman niyang sold out na ang concert tickets. Ni hindi pa nga siya nakakaget over sa break up nila ni Kayla tapos..
He was thisclose to breaking one of his 10 Concert Commandments. Thou shall not buy tickets from scalpers. Si Hayley Williams kasi ’to! Hindi pa ba niya isusugal?
But a miracle happened: Two days before the concert, his OJT supervisor called him with a great news. May sobrang complimentary VIP ticket sa office at itinabi raw ’yon para sa kanya. Token daw sa pagiging best intern niya last summer.
(Best intern. Almost a year later kinikillig pa rin siya.)
Wearing his customized Paramore shirt, isa siya sa libu-libong fans na nakipagsiksikan, nakitalon, halos mabali ang leeg sa kakaheadbang at walang sawang sumigaw.
He was having the time of his life. Sino nga bang hindi maiiyak sa sobrang saya na finally, napanood mo ng live ang mga taong hinahangaan mo? Hindi niya maimagine ang buhhay niya kung wala ang Paramore. Their songs became his anchor through one of the darkest moments in his life. But, the ironic thing was, si Kayla pa ang nagpakilala sa kanya sa Paramore noong Comm Arts freshmen pa sila almost four years ago. (Kabado nga siya na baka magkasalubong sila sa labas pagkatapos ng concert.)
Kaso after three fucking years, tinapos lang ni Kayla ang relasyon nila sa God, why am I still with you, anyway? I’m so done with this.
(Ilang beses din niyang pinatugtog ang discography ng Paramore noong moving on letting go period niya. Sa kakapakinig ni Jake, pakiramdam tuloy niya na siya ang inspiration ng banda sa patama songs, lalo na sa That’s What You Get. Para bang pinapagalitan siya ni Hayley, at bawat beat ng drum ay naging Tang aka, tanga ka! sa pandinig niya.)
It was one of the best nights of his life. (Vinideohan pa niya halos lahat ng performances. He’ll definitely blog about this tomorrow.)
May isa nga lang siyang problema.
Yung babaeng katabi niya sa concert.
Ayaw na niya sanang pansinin ang katabi niya pero.. nakakabother ang pagiging tahimik at frigid nito. Sa isang rock concert. Ni hindi rin ito kumanta o tumalon man lang. She just stood there in the middle of the crazy crowd, listening quietly. Weird.
(He found her a little cute when she closed her eyes during The Only Exception, though.)
Bigla tuloy siyang nanghinayang sa ticket ni Ate. Sana kapwa hardcore Paramore fan na lang ang nakakuha at hindi siya.
(God, how he hated posers. As a hardcore music fan, he found them revolting.)
Dahil sa katahimikan nito, akala niya harmless si Ate. Boy, he was wrong.
Nagulat na lang siya nang biglang tumalon ito at sinalo ang hinagis na drumsticks ng isang tech right after the concert.
Sa direksyon talaga niya binato ang drumsticks! Damn it!
Keeping his chill intact, he tried to talk to her kaso binelatan lang siya nito at sinabihan pa ng Finders Keepers sabay ngisi.
Sa ilang taon niyang pagpunta sa concerts, ngayon lang siya nainis.
He couldn’t believe a poser got those prized drumsticks.
(But damn, she was kinda cute.)
Six is definitely Emilie’s lucky number.
That number never failed her since she was a kid. Kahit anong contest na salihan niya, basta kapag siya ang number six, sure ball na panalo siya.
The minute na inannounce sa radyo na sixth caller ang mananalo ng VIP tickets sa Paramore concert, umabsent na siya sa 7 am class niya para mag-abang sa payphone sa dorm nila. It took her just one call to win the ticket.
(Speechless pa siya nung una kasi favorite DJs niya ang kausap niya. She felt like an idiot. A lucky idiot, though.)
Winning the contest meant a lot to her. Lagi siyang sumasali sa contests ng radio stations para makakuha ng libreng concert tickets, at bihira lang siyang manalo. Ayaw niyang manghingi ng pera sa parents niya dahil papagalitan lang siya ng mga ito. (She’s the eldest; dapat daw pag-aaral ang priority niya, at hindi pagfafangirl.)
(Ang hirap maging fangirl kapag walang pera. Kung anu-anong raket na ang pinasukan niya para makabili ng tickets: naging tutor, student assistant sa library at occasionally taga-edit ng thesis ng dormmates niya. Kahit anong reaket pa yan, basta lang masustain ang fangirl needs niya.)
It wasn’t her first concert pero hindi pa rin siya nagsasawa sa excitement at saya na marinig nang live ang paborito niyang banda. The thrill will never get old, she thought as the band played their first song. She even had goosebumps! Unlike ng libu-libong wild Paramore fans sa tabi niya, tahimik lang na nakatayo si Emilie sa concert. Ganun siya manood ng concerts or gigs, hindi niya nae-enjoy ang music kapag magalaw siya.
(Some of her friends say she’s a killjoy, but she didn’t give a fuck.)
Maganda naman ang pwesto niya sa VIP area kaso minalas siya sa katabi niya.
Isang Jumping Jologs.
(She hated that type of concert goers. Yung mga sobrang magwala at kung makakanta parang walang bukas. Mabuti sana kung maganda ang boses eh.. kaso lagi siyang minamalas at boses lata ang lahat ng JJ na nakakasalamuha niya.)
Pero ibang klaseng JJ ’tong katabi niya.
The guy took videos. She loathed those people.
(A shouting JJ is one, but a videotaking JJ? That’s definitely the worst. Why? Bukod sa natatakpan ang view niya minsan, medyo nababastusan siya para sa mga artist. Sana pala sa Youtube na lang sila nanood kung videos lang din naman ang habol nila. )
Kaya pa niya sanang tiisin ang JJ na katabi niya, kaso ilang beses nitong naapakan ang paa niya. (Talagang sumakto pa sa finale song na Misery Business ang pinakamasakit na pag-apak sa size 7 niyang paa. Minura na nga niya si JJ kaso masyado itong busy sa pagsigaw ng I love you Hayley!!!! As if maririnig siya ng vocalist.)
That did it for her. Para makaganti kay JJ, inunahan niya ito sa pagkuha ng drumsticks na binato ng isang tech sa kanila. She even said “Finders keepers” to add insult to the injury.
Buti nga sa kanya.
(Honestly, Emilie found him cute. But she’d rather not see him. Again.)
