Chapter 1 : Нэвтрүүлэг хөтлөх юм уу?
GFriend дормд
Хаалганы хонх дуугарах чимээнээр дормд хөгжилдөж байсан охид бүгд чухал царай гарган зогсов.
Охидоос шаргал үстэй нилээдгүй өндөр охин хаалгыг нээсэн даруйдаа мэл гайхаж орхилоо.
- Су захиралаа, Та энд...
"Хэлэх зүйл гараад ирлээ, тэгээд намайг оруулахгүй хэрэг үү? "хэмээн инээн зогсох нь тэдэнтэй нилээдгүй дотно буйг илэрхийлж байв. Охин ухаан орсон бололтой, хаалгаа дэлгэн, түүнийг буйданд урьлаа.
Бусад охидууд ч ялгаагүй буйдан дээр суун түүний юу хэлэхийг хүлээнэ. Охидоос нэг нь босон түүнд жүүс аягалж өгөөд " За тэгээд захиралаа?" хэмээн асуулт эрсэн харцаар харж байв.
- Та нарын нэг нь цөөхөн ангитай нэвтрүүлэг хөтлөх болно. Мөн нэг эрэгтэй хамтлагийн гишүүн хамтрагч чинь байх болно,та нар голоосоо нэгийгээ сонгочих. Би шууд чи хий гэж хэлж чадсангүй.
"Захиралаа энэ дэндүү тулгамдаж байна" охид дундаас нилээдгүй сахилгагүй царайтай охин хэнэгчгүй хэлж орхив.
Харин нэгэн булцгар охин: Өө захиралаа, хамтрагч нь хэн гэдэгээс шалтгаалж бид сонгоё.
Захирал: Астро хамтлагийн отгон гишүүн Юн Санха.
5охин дуу нэгтэйгээр: ОМЖИ хэмээн орилох нь дормыг дүүргэж байв. Харин Омжи гэх охин болон захирал хоёр л чихээ даран сууна.
Омжи: Ямар нэвтрүүлэг гэж?
Захирал: Өсвөр насныханд зориулсан Юугубара [요고바러] гэдэг нэвтрүүлэг. Цөөхөн хэдэн ангитай болохоор ичиж зовох зүйлгүй.
Омжи: Тэгье, би оролдоод л үзье.
Харин энэ үед Astro бэлтгэлийн зааландаа бүгд л хичээнгүйлэн бэлтгэлээ хийж байв.
Оройн 21цагт бэлтгэлийн өрөөнд зөвхөн хөгжмийн чанга чимээ хангинах бөгөөд өсвөр насны гэмээр зургаан хөвгүүн сунаж унтлаа бэлтгэлээ хийж байлаа.
Тэд эргэн ирэлтэндээ бэлдээд илүү ихээр бэлтгэлээ хийх болсон. Хэдэн цаг бэлдсэний эцэст хөгжим ч зогсон хөвгүүд нэгэн зэрэг шалаг дээр нуран уналаа. Тэд үнэхээр хичээнгүй.
Аидол хүн, уран бүтээлч хүмүүс ийм л байх хэрэгтэй. Нэгнийхээ хөлсөнд норсон үсийг шоолон хэвтэх энэ хөвгүүд дэндүү эгдүүтэй бас хүүхдээрээ биш гэж үү?
Бүгд дорм руугаа хөдлөхөөр бэлтгэлээ базааж байтал өрөөний үүдэнд хэн нэгэн ахимаг настай эрийн хоолойгоо засах чимээ гарах нь тэдний анхааралыг татахын сацуу гайхшруулж байв.
Хөвгүүд дундаас нэг нь ухасхийн ёслоход бусад нь ч ухаан орон ёслож байлаа.
-За хөвгүүдээ, та нарт дуулгах мэдээтэй. Шинээр гарах цөөхөн ангит нэвтрүүлэгийг та нарын нэг хөтлөх санал ирсэн.
Жинжин хэмээх цагаан пайз зүүсэн хөвгүүн: Ямар нэвтрүүлэг билээ захиралаа?
Захирал: Өсвөр насныханд зориулагдсан Юугубара [요고바라] гэдэг нэвтрүүлэг. Бас нэг эмэгтэй хөтлөгч байна гэсэн.
Захирал хэсэг бодол хийлснээ "Тэгэхээр Санха, үүнийг чи хийх болно" гээд хөвгүүдээс хариулт нэхсэн харцаар тэдэн лүү ширтэж байв.
Санха: Эмэгтэй хөтлөгч нь хэн юм бэ, захиралаа?
Захирал: Тэдний талаас гишүүнээ сонгоогүй байгаа, бидэнд хариу маргааш орой л ирэх болно.
Захиралыг өрөөнөөс гарсаны дараа өрөөнд хөгжмийн чимээ биш хөвгүүдийн инээлдэх чимээ хадаж байлаа.










