جيتك وانا من الشوق اعاني

…{ الأبطال }

سهم : العمر 20 سنه ، محب الكتب والشعر ، هادئ ، الصندوق الأسود لإخوانه ، شخصيه ابوه المصغره ، ورث بياض بشرة ابوه وسواد شعر امه الكثيف  ، رفيق دربه توامه سيف ، وصديقه المقرب ثنيان ، صديق الغربه ، ونقطه ضعفه اخته اميرة وحب طفولته نجد بنت خاله سعود او بمعنى ثاني عمه سعود ، مغترب في نيويورك في منهاتن مع توامه صامت في جامعته ولا له بصمة قويه

نجد : العمر 18 سنه ، محبه الأشعار والقصائد ، جميله و وحيدة عائلتها ، تعشق التطريز والموضه ، وتحب عالم المحيط ، من أنواع السمك او خرافات والأساطير عن البحار لدرجة ان غرفتها مزينه بالحيتان وحوريات البحر وعندها سمكه ذهبيه ، بطلها وحبيب قلبها ابوها ، وفرسان مملكتها اخوانها ، تومن بالحب بفضل قصة امها وابوها العظيمه ، وصديقتها المقربه ايلا بنت عمها حمود

—————————————————————-

{ الشخصيات القريبه من الأبطال }

سيف : العمر 20 سنه ، مجنون رسمي ، ما يعرف تعريف العقل والهدوء عكس توامه ، يعشق الحياه حتى لو تصفقه مليون صفقه ، مهووس مغامرات وسفريات حول العالم ويحب الاكتشاف ، عاشق الخيل مثل ابوه وخيال يشارك بالمسابقات ، ومغامرته وقت الملل لفه سريعه بدبابه ، بجيح صح لكن عفويته سر محبة الناس له ، صديقه المفضل ثنيان ، وولد خاله لهذام اللي بعمره ، ويتشارك نفس نقطه الضعف مع سهم والا هي اختهم اميره ، لكن بأمر الحب ، انسان ما يعترف فيه ، يفضل يبقى طول سنينه عازب وهذا اللي تركه يحطم قلوب البنات في جامعته ولا يعطيهم اصغر اهتمام

ايلا : العمر 18 سنه ، متأثره بشخصية عمتها حصه ووبناتها ومهتمه بعلم النبات ، مهووسه الفن العربي والأغاني بعيدا عن جنون اغاني الغرب ، تعشق الروايات والمسلسلات التاريخيه ، تعشق التاريخ لدرجة انها تختم الكتب التاريخية في غصون اسبوع ، تتهاوش مع اخوانها واخواتها لكن ترجع في نفس اللحظه ترضى عنهم بسبب انها مدللة البيت كونها آخر العنقود ، حلم حياتها تلتحق بجامعه Penn الامريكية لعشقها بالهندسة

ثنيان : العمر 20 سنه ، الاب الروحي للتوأم ، عليه شويه من طيش سيف وشويه من هدوء عقل سهم ، وام زكي اللي تنقل اخبار الجامعه لهم اول بأول ، حتى في اتفه الاخبار ، عبيط وسخيف لكن دودة كتب والكل يحبه واولهم دكاترة الجامعه وهاذي اهم الأسباب استغلال سيف له ، الصديق اللي كل الجامعه تركض وراه لكنه متمسك ب التوام خصوصا انهم نفس ديرته وعلى جوه

لهذام : العمر 20 سنه ، مجنون عائلته ومحبوبها ، عاقل بشكل عام في وسط الناس ، لكن عند اهله تقريبا مهرجهم الحلو وأساس طاقه المرح ، كل عيال عمانه وعماته يحبونه ، صاحب عقل تجاري ، ويحب سيف كونه على جوه من ناحيه التجول حول العالم ومعجبته شخصيه سهم الذكيه

————————————————————————————

{ آباء الشخصيات وأمهاتهم }

ابو سعود : فيصل ، العمر 52 سنه ، اول عياله سعود ومن بعده التوام واخر العنقود بنته الوحيده اميره واللي تكون قلبه ، رسام وشاعر ، اقرب الناس له خويه سعود اللي سمى ولده على اسمه ، وصندوقه الأسود زوجته امل اللي تكون بالأساس اخت سعود خويه ، الداعم الاول لأبنائه وأحلامهم ، رغم ان أصر على التوام بالدراسه في احد افضل جامعات نيويورك ، لكنه فضل البقاء في آلسعوديه خصوصا بقلب نجد قرب صديقه إلا انه يزورهم في كل شهر وبعض الاحيان يقوم ولده الكبير بالواجب

ابو فيصل : سعود القلب ، العمر 52 سنه ، اول عياله باسم خويه ورفيق دربه فيصل ، وبعدها عياله الاثنين اللي ما بينهم سن كبير ، شجاع و لهذام ، واللي يكون شجاع اكبر من لهذام بسنه ، واخيراً  بنته واخر العنقود نجد ، اللي من كثر ما يعشق ديرته سمى بنته باسمها ، والان على كثر ما يحب ويعشق ديرته على كثر ما يغلي بنته بقلبه وهي الأقرب له ، خصوصا انها ورثت من جمال عيون امها وكانها النجلاء وشديد سواد شعرها اللي ورثته منه ، وحيدته واللي تطلبه يجيها بنفس اليوم ، داعم عياله صحيح ، لكنه ضد فكره تغرب احد عنه ، وبالخصيص نجد حتى لو كان معها ، بيبقى يشتاق لنجد العذيه اللي ما تحمل بعدها اوقات عيشه بالخبر

ام سعود : امل ، العمر 45 سنه ، ام البطل وعمة البطله في نفس الوقت ، حنونه لكن شخصيتها ما تغيرت ، نفسها امل صاحبه الطاقه والبهجة والحركه ، ونصف تصرفات سيف ورثها منها ، اقرب عيالها لها سعود اللي مو بس حمل اسم اخوها إلا بالعكس حمل معه تصرفاته ، عبيط رجال ذو هيبه كاتب مشهور عبر العالم العربي كله وحتى ان وصلت كتاباته إلى الغرب ، وصديقتها المفضله ما تغيرت نفسها وهي صديقة طفولتها ومراهقتها وشبابها ودربها كله نجلاء

ام فيصل : نجلاء ، العمر 45 سنه ، اسم على مسمى ، حبيبة سعود القلب وصديقة الامل ، وام الفيصل ، نفسها ما تغيرت ، عباطتها ونرجسيتها ما تغيرت دلالها ما تغير ، ما زالت طفلة ابوها عبدالله والان تشوف الزمن يعيد نفسه لبنتها نجد

————————————————————————————

باقي الشخصيات بنتعرف عليها بالبارتات القادمه وتعرفون عنها اكثر واكثر عبر الاحداث 👍🏻

الروايه بها شخصيات اجنبيه ، في كل مرهه بيجي حوار باللغه الانجليزيه بستخدم ( ؛ ) حتى تقدرون تفرقون وبيتم التحدث باللغه العربيه الفصحى 👍🏻

اما الان بنعطيكم شويه من مقدمه البارت الاولى 👇🏻

————————————————————————————

نيويورك - الصبح

يطبخ اندومي وهو يدندن بروقان ولا كان توامه هاوشه قبل ساعتين عند ملابس اللي ما وداها للغسيل

سيف :

"  ياللي معانا يا هناه اللي يفوق من نومه قاصد ربه وناسي همومه يفرح قلبه

..

يسعد يومه فرحة طول عمره ما ينساها ولا يسلاها

.. "

كان يدندن ولا هو بحاس ب ثنيان اللي دخل الشقه يدوره وبسبب ان المطبخ مكشوف على الصاله بتصميم شقق العزوبيه ، صوت نشاز سيف املى الشقه كلها ، ضحك ثنيان من روقان سيف العجيب ونطق

ثنيان : يع وش هالنشاز

التفت سيف له وخزه بنظراته ورجع نظره للاندومي اللي يطبخه 

سيف : انت اللي يع ! المسلمين يقولون سلام عليكم يطلعون حس ، مو تدخل مثل الجن الأزرق !

ثنيان بضحك : سلام عليكم

التفت له سيف وابتسم وهو يرسل له قبله بالهواء

سيف : وعليكم السلام حبيبي

ثنيان وهو يرفع ضغط سهم اللي دخل عليهم

ثنيان : سوسو وش طبخت ؟

التفت له سيف وكتم ضحكته من نظرات سهم المتقززة وكمل يرفع ضغطه

سيف : أكلتنا الحلوه

سهم بتقرف منهم : عساه السم الهاري

ضحكو الاثنين ونطق ثنيان بعتب

ثنيان : ورع استغفر

همس سهم باستغفار، ما سمعوه لكن من حركة شفته عرفو انه استغفر ، كانو يسولفون وسيف جالس ياكل اندومي بصمت حتى قاطعهم اهتزاز جوال سيف اللي رد بسرعه وبابتسامة

سيف : حي بولد الخال مدري ولد العم !

لهذام بابتسامه : الله يبقيك يا ولد منهاتن

اشر سهم بمعنى حط سبيكر وبالفعل حط سيف السبيكر وهو ينطق

سيف بابتسامة : اي اخبار وعلوم ؟

لهذام بابتسامة : ابد ، بس احزر من بيجيكم ؟

الثلاثي بصوت واحد : من ؟

لهذام بذهول : اخو فيصل ! الحين الحمير اللي وراك يسمعون ولا يهرجون ؟

ثنيان بفضول : لاحق على النقد ياولد سعود بس قل من بيجي

لهذام بضحك : انت بالذات النقد ولا النصح ما ينفع لك يالحصني، ربي وربك الله

سيف بقلة صبر : ياولد تكلم

لهذام : تخيل عمي عناد بعد شحذه من حاتم ثلاث سنين واخيراً وافق يجي معي أنا وسعود لكم بس بشرط وتخيلو وش الشرط

سيف بضحك : خالي عناد ابو حاكم وما غيره يخلي حبيب القلب حاتم يروح من جنبه ؟! متاكد انت ؟!

ثنيان بضحك : اصبر يقول شرط

سهم بابتسامة : وشهو الشرط ؟

لهذام بضحك : يروح معه ولد عمي نواف نايض ينتبه له

انهار سيف ضحك من شرط خاله

سهم بضحك : وانا اللي انصدمت من شرط خالي عناد

سيف : هههههههههههههههههههه ، اخخخ خالي عناد تحفه

لهذام : شف فزاع ماسكها عليه اشغله ههههههههههه ، لكن مع كذا يقول اروح مع مراقب افضل من مراقبه الابل وعلفها تحت الشمس

سهم بضحك : ووش الطاري ؟ ليه بالذات مع نايض ؟

لهذام : يقول عمي بيروح يزور اخته

سهم : اي صح اذكر نايض العام كان يضبط اوراق جامعتها

سيف بصدمه : وانا ليه تو ادري

سهم : انت خلك ب دبابك الله يخلف

• • •

الرياض - نهايه العصر

كانت بغرفتها تتامل كرتها الثلجية اللي على شكل حورية بحر هديتها من بنت عمتها امل أميرة في العيد

نجد بتأفف : اوووففف وش هالطفش ؟!

رمت جسدها على السرير بملل ، اخوها فيصل بشغلة باقي ما جاء ، شجاع راح الحلال والإبل ولهذام ماتدري وينه وابوها عند عمها حمود وندمت انها ما راحت معه

نجد : نشوف ام الفيصل وينها

وقفت على رجلها تعدل شعرها اللي خرب من رميتها على السرير ، وطلعت من. غرفتها ودفترها معها

نجد : امي !!

ام فيصل من المطبخ : هنا يا امي

ركضت لها وابتسمت فور شافتها تجهز القهوه

نجد : شو عم بيساوي الحلو ؟

ام فيصل بابتسامة : عم بتجهز قهوة لأب الحلوه بنتها وخالها

نجد بحماس : اي خال ؟

ام فيصل : خالك باسل

زمت نجد شفايفها بعدم رضا كانت تتوقع خالها ياسر مدللها المعتاد ، وهذا اللي سبّب دهشه لام فيصل من زمة شفايف نجد اللي تترجم عدم الرضا

ام فيصل بذهول وهي تضرب يد نجد بخفه : نجد !

نجد بضحك وهي تبوس خد امها : نمزح يالنجلاء نمزح

ابتعدت عنها ام فيصل بزعل مزيف رغم شبح ابتسامتها فاضحتها

ام فيصل : وخري بس

نجد بضحك : الحلو ما يرضى على اخوانه ؟

ام فيصل : اجل لو اقول لهذام ماهو زين وش بيكون رايك ؟

نجد بمزح : يع ما لقيتي إلا لهذام ؟!

وعلى جملتهم الاخيره ضحكو من سمعو شهقة لهذام الدراميه

لهذام بصدمه : افا !!

وعلى دخلة ابو فيصل نطق بدراما مزيفه

لهذام : يرضيك يابو الفيصل ؟ مرتك وبنتك يذموني

نجد بضحك : اترك الدراما ما قلنا شي

ابو فيصل : رح بس بدل ريحتك اصرعتني وخالك بيجي

انهارت نجد ضحك من تعابير الصدمه اللي على وجه لهذام

لهذام : تمون يالغالي تمون

ام فيصل بفضول : اجل من وين جاي انت ؟

لهذام وهو يرفع أكتافه : والله مقرن ولد خالي باسل وهتان ولد عمي نهيان راحو ملعب عمي نهيان ونادوني معهم وجلست اكلم سيف وسهم بعدها

قاطعهم دخول شجاع الهادي وهو ينزل حليب الخلفات ببطء على الارض ويتوجه يبوس راسه امه ابوه

ابو فيصل بابتسامة : الله يرضى عليك يابوي ، وش صار اليوم

شجاع بهدوء وهو يضم نجد تحت جناحه ويبوس خدها

شجاع : ابد مثل ما تبي ومرنا عمي عناد وولده ضيدان وجلس معي وقبل لا ارجع مريت حلال جدي عناد الله يرحمه وجبت الحليب

ابو فيصل بأبتسامة وهو يومي بإيجابي : زين الله يرضى عليك

وكمل بفضول : وأخوك وينه ؟

شجاع : كلمته وجاي بطريق الحين ، راح يمر حلال جدي فارس والمحل

ابو فيصل بابتسامة : خير ما عمل الفيصل

ثم ابتسم وهو يفتح ذراعه لبنته

ابو فيصل : وطن سعود مانتي ناويه تجين ؟

ضحكت نجد باستعاب وتقدمت نحوه تقبل راسه وتبقى تحت جناحه

نجد : السموحه يالقلب بس خفنا تغار النجلاء وبعدين نبتلش

ابو فيصل بضحك : ابد يابوي ، النجلاء تعرف مكانها ، وانتي وطن سعود

ابتسمت ام فيصل بقلوب ونطقت بابتسامة وفضول

ام فيصل : جعانين يا امي ؟

لهذام وهو يضم بطنه بتذمر : اي والله يا امي ، ولد اخوك وولد خاله تعاونو علي وأهلكوني بلعبهم لو اني معاشر ابل ابوي ازين

ابو فيصل وهو يتقدم له : اخو حصه

استوعب لهذام عيده وعلى طول ركض وراء امه

لهذام : اي يابو فيصل ، عند بكرك الفيصل ومدري وش ، وشجاع الله يرضى عليك ودعاوي ونجد وطني وحركات ، لكن لهذام المروح هاه ! يرضيك يالنجلاء ؟

ام فيصل بضحك : علامك على هذومي؟ خله وهو ما قال شي تعبان ويبي طبخ امه

باس لهذام راس امه بوناسه على فزعتها لكن ما تبدلت ملامحه من شماتة نجد عليه

—————————————————————————————

بيت ابو فارس ^حمود^

نزلت من الدرج بروقان وهي تدندن وتغني وبيدها كاتب الفيزياء تذاكر له ، لكن اللي ما حسبت حسابه اخوها اللي طلع بوجهها وهو يصارخ يخوفها

عناد : بووووو

صاحت ايلا بأقوى ما عندها لدرجة ان طاحت حوستها اللي كانت معها

عناد : ههههههههههههههههههههه ياعمري يا لولو خفتي ؟

ايلا بقهر وهي تضربه : حيوااان !!

طلعت ام فارس ^نهال^ بخوف تشوف وش صار

ام فارس بخوف : وش فيكم ؟

ايلا : امي شهيب صارخ بوجهي وانا نازله !

وعلى هواشهم نزلت ايمان باستعجال

ام فارس بغضب : على وين انتي الثانيه ؟

ايمان بخرشة : يمه بسم الله ! رايحه دوام السواق برا ينتظر

تنهدت ام فارس بخفه وهي تحاول تمسك أعصابها : زين الله يوفقك

تقدمت ايمان ببطء وخوف وهي تقبل راس امها

ايمان : دعواتك

ام فارس : الله معك يا ماما

انصرفت ايمان وهي تهرب لان واضح ان امها معصبه ، وفعلا التفت ام فارس ناحيه ايلا وعناد اللي يمدون ألسنتهم على بعض

ام فارس : شهيب قدامي الان رح لأبوك لا اشوفك هنا

عناد بتذمر : بس امي هي ...

ام فارس وهي تهدد بالملعقه اللي معها : ولا اسمع لك صوت !

التفت بحده ل ايلا اللي انخرشت : وانتي !

ايلا بورطه : سمي

ام فارس : على الغرفه قدامي فوق ولا تطلعين إلا وانتي مختمه هالكتاب اللي معك !

ايلا بتذمر : بس يا ماما !

ام فارس بغضب : أنا وش اقول ؟!!

ايلا وهي تنحاش مع الدرج من نبرة صوتها : خلاص سمي

التفت جهة عناد اللي قده انحاش للمجلس ، لفت وراها ناويه تدخل المطبخ لكن لفت نظرها بنتها آلاء اللي كانت تناظرهم بضحك صامت واختفى ضحكها فورا من نظرات امها

آلاء بخوف : تأمرين على شي يالغاليه ؟

ام فارس : طلعي لي فارس من تحت الارض

الاء : ابشري !

وبالفعل وقفت على رجلها تنحاش تدور اخوها الكبير

اما فوق بالغرفه اللي رمت الكتاب على الطاولة بغضب من اخوها

ايلا : لا وابوي مسميه على اسم عمي عناد ! يخسي !

جلست على كنبها بتملل وهي تتامل السقف حتى تذكرت صديقتها وبنت عمها

ايلا : أنا حماره ! ليه ما رحت مع عمي سعود اقابل نجد ؟ الحين لو ابوس ركب امي للفجر ما توافق ! وكله بسبب من ؟ والله بسبب شهيب !

حل الصمت ثواني دليل على تفكيرها ونطقت

ايلا : صح كادي بتمشي بكره لنيويورك !

قاطع تفكيرها دخول اخوها فارس

فارس : امي طاردتك ؟

ايلا بتذمر : ايه وبسبب شهيب

فارس بضحك وهو يعطيها قهوة من اللي جابها معه في طريقه : ها روقي لك بكوب قهوة ، من امس وانتي حابسه نفسك في الغرفه ارحمي نفسك شويه

ايلا بوناسه : يا اخويا يا حبيبي يا قلبي انت ! ليت كل الاخوان فارس

ضحك فارس وهو يتقدم نحوها ويبوس راسها

فارس وهو يجلس جنبها : اي واخبار وعلوم ؟

ايلا وهي تشرب بروقان : ابد ، حدي ذا الكتاب اللي قدامي

فارس : وكذا وضعك ؟ اختبار اختبار اختبار ، كانك نسيتينا ؟

ايلا بدراما : عندي فرصه ثانيه ؟

وجلسو يسولفون حتى فتحو موضوع خالتهم مهره

فارس : خالة مهره بتجي هنا ؟

ايلا : اي سمعت امي امس تكلمها ، وقالت بتجي هي وبنتها كادي حتى تودعنا قبل تمشي

فارس بفضول : وين بتمشي خالتي ؟

ايلا : مو خالة مهره ، بنتها كادي ترجع نيويورك وهتان اخوها بيروح معاها مرافق ويرجع ، لانها خلقه هي في سكن مع بنت عمي نواف اسيل

فارس بضحك : ذكرتيني يوم قلتي نيويورك وعمي نواف

ايلا بضحك من ضحكته : وش فيه ؟

فارس : تخيلي واخيرًا بعد معاناة ثلاث سنين من حاتم وافق عمي عناد يروح لنيويورك

ايلا : متاكد ؟! عمي عناد وسفره لغربه ؟

فارس : اي ، حاتم إلا ويبي يروح مع لهذام عند سيف وسهم ويتعرف على ثنيان خويهم في الغربه وعمي رافض حتى وافق بشرط

ايلا : وشهو ؟

فارس بضحك : يروح مع نايض ولد عمي نواف عشان نايض عاقل وبينتبه له ، لهذام جاي بيفزع يقول ولد عمه موجود ، قال عمي وانا عمك لو الامر بيدي انت بذات ما اطلعك حتى بالمدن وشلون للغربه

انهارت ايلا ضحك من وضع حاتم وانهارت اكثر من جملة اخوها الاخيره

ايلا : هههههههههه ياخي عمي عناد ما يوفر

فارس بضحك : شوفي فزاع ماسكها على حاتم ويطقطق عليه

ايلا بضحك : فزاع مسوي نفسه طالع منها ! الله يرحم ايام جدي منير ^ابو منصور^ الله يرحمه والله كان مستقعد له اوقات المتوسط

فارس : لكن مو زي حاكم وجدي عناد الله يرحمه

ثم حل الصمت اللي ترجم الشوق لجدانهم حتى نطقت ايلا بتنهد وهي ترجع لسالفه كادي وهتان

ايلا : عقبال ما تجي مرافق لي لجامعه penn يابو حمود

رفع فارس يدينه للسماء بحماس وهو ينطق

فارس : امييين

فارس معروف فيه الاخ الداعم لأبسط الاحلام ، وهو اللي يعزز ويشجع اخواته دايم على الدراسه ، من طفولته هو وايمان كان يدعمها دايماً واي خطا تسويه بعينه صواب والان يعيد نفس الشي ل آلاء وايلا اللي كانهم بناته مو اخواته وعناد رغم هوشاته معه لكن ما يفرط فيه

وقف على رجله يوم لاحظ تاخر الوقت وهو مواعد العيال وباس راس ايلا وانصرف

—————————————————————————————

بيت ابو حاكم ^عناد^

كان يدندن ومروق ، مسبوط وهو يجهز شنطته رغم سخرية ولد عمه فزاع عليه ، كان يطبل على ظهر شنطته بحماس وهو ينطق

حاتم : وعاش عاش وعاش عاش ، و حتومه يتوجه لمنهاتن عاش

كان يرقص بكتافه ماهو حاس بابوه وحاكم اللي وراه يتأملونه بصدمه

حاتم : وانت يا رجيان *فزاع* خلك بطعوس الديره

ابو حاكم : الله يخلف علي

بغى يتكسر حاتم مكانه من الخرشة والتفت وراه صوب ابوه واخوه الكبير اللي ماسك الضحكه ، ومن نظرات ابوه عرف انه ناقد عليه بسبب هزه الاكتاف

حاتم بورطه : طويل العمر ؟

ابو حاكم : اي طول العمر ، ارفع علومك وألحقني للمشب ، عمك ناصر واهله جايين

ورفع يده بتحذير : وانتبه يا حتيم لا التفت لك ! والغربه لا تغرك، أسبوعين وجايني سمعت

حاتم بعفويه وهو يبوس بدايه إصبع ابوه : ابشر يالغالي وسمي الغالي

دخلت ام حاكم عليهم يوم سمعت اصوات ، بحكم ان مرسمها بجنب غرفة حاتم

ام حاكم ^ساره^ بابتسامة : وش فيكم ؟

حاكم وهو يضم امه لتحت جناحه : ولدك المنتهي ذا يتحرش برجلك

ضحكت ام حاكم بخفه ونطقت بشهقه دراما

ام حاكم بدراما : حاتم وش يقول اخوك ؟

حاتم وهو يضم ذراع ابوه الناقد والمدهوش منه : عندك حاكم و ضيدان

ابو حاكم : والله لو ما تعود وراك ...

حاتم بورطه وهو يبعد عن ابوه : ولا حتى تحتاج حلفان ، ها تفضل بعدت ، وشذا يا بنت السلطان تغارين من ولدك يعني ؟ مبسوطه الحين ؟

ام حاكم بعباطه : لا اغار عليه ، مو أنا احق ؟

حاتم بمياعه : دام كذا عادي ، الان اجيك

دف حاكم المذهول وجلس يضم امه اللي كانت سبب في إقناع ابوه انه يروح منهاتن مع العيال ، جت اديم اللي تدندن تشوف سبب تجمعهم لكن شهقت يوم شافت ابوها شوي بيخنق حاتم بنظرات وبالفعل مد يده ناويها

اديم : حاتم انحاش !!

التفت حاتم وراه وهو يشوف يد ابوه اللي مدت له وانحاش للباب

حاتم : ياليل من الشايب الغيور هذا !

ضربت ملاك ظهر اخوها على مناداته بابوها بشايب

ملاك : انت الشايب يا قليل الادب !

قاطعهم صوت ضيدان المعصب وهو ينادي بعد ما جاب الذبيحه

ضيدان بغضب : حااااتم

ابو حاكم بحدة : رح لأخوك

حاتم بتورط : ابشر !

وبالفعل انحاش وهو يرد على ضيدان

حاتم : جيتك !!

اما ام حاكم التفت لولده ترتب على كتفه

ام حاكم : وش صار بدوامك يا امي ؟

حاكم بابتسامة : مثل ما دعيتي

ام حاكم : حمدلله اجل

قاطعهم ابو حاكم اللي نطق

ابو حاكم : يابوك رح لأخوانك ، ضيدان تعبان اليوم مسك الحلال مع شجاع والحين ماسكته عنزة والخالع الثاني مطيور

حاكم : ابشر

ابو حاكم وهو يعطيه المفتاح : وخذ المفتاح رح للمكتب جيب الملف الأصفر حتى اعطيه عمك ناصر

حاكم : ابشر