Charcter introduction
🌸 Tara Sharma (25 Years Old)
"Har muskurahat ke peeche ek kahani hoti hai... aur Tara ki kahani uski aankhon mein likhi thi."
Tara Sharma ek simple, elegant aur self-respecting ladki thi. Uski badi-badi kajal lagi aankhen uske dil ke har ehsaas ko bayan kar deti thi.
25 saal ki Tara apne shehar ke ek school mein Hindi teacher thi. Bachchon ko padhana usse bahut pasand tha, lekin uska asli pyaar uski diary thi. Har raat woh apne dil ki baatein us diary ke panne par utaar deti.
Na usse mehengi cheezon ka shauk tha, na hi shehar ki chamak-dhamak ka.
Uski duniya uske parivaar, uske sapne aur uski choti si diary mein simti hui thi.
Mohabbat par yakeen toh tha...
Magar usne kabhi socha nahi tha ki ek din mohabbat uski zindagi ka sabse khoobsurat aur sabse dardnaak hissa ban jayegi.
━━━━━━━━━━━━━━
🖤 Vikram Singh (32 Years Old)
"Kuch log shor macha kar apni pehchaan banate hain... aur kuch log apni khamoshi se."
Vikram Singh.
Naam hi kaafi tha.
32 saal ka Vikram apne shehar ke sabse izzatdaar parivaar se tha. Lamba kad, gehri aankhen aur chehre par ek aisa sakoon jo har kisi ko apni taraf kheench leta tha.
Woh apne pita ka business sambhalta tha aur poore shehar mein uski imaandari aur uski izzat ki misaal di jaati thi.
Bahut si ladkiyon ne usse pasand kiya.
Bahut se rishton ne uske ghar ka darwaza khatkhataya.
Magar Vikram ne kabhi kisi ko apne dil tak pahunchne nahi diya.
Log kehte the uska dil patthar ka hai.
Lekin sach toh yeh tha...
Usne ab tak us insaan ko dekha hi nahi tha jo uske dil ko dhadakna sikha sake.
Aur phir...
Ek din uski mulaqat Tara Sharma se hui.
Aur us din ke baad na uski zindagi pehle jaisi rahi...
Na uska dil.
