Chapter 1 - Do Alag Duniyaan
Udaipur...
Ek shehar, do bade business empires.
Singhania Group aur Goenka Group.
Dono corporate world ke sabse bade naam the, lekin kabhi unke raaste ek doosre se nahi takraye the.
Singhania Mansion
Subah ke 7 baje.
"Naira... uth jao."
Naksh ne kamre ka darwaza knock karte hue kaha.
Andar se neend bhari awaaz aayi.
"Five minutes, Bhai..."
Naksh hans pada.
"Yahi five minutes bolte-bolte aadha ghanta ho jaata hai."
Kuch der baad Naira neeche aayi.
"Good morning."
"Good morning, topper." Naksh ne coffee uski taraf badhate hue kaha.
"Tang mat karo."
"Main sach bol raha hoon."
Dono hans pade.
Dining table par sirf bhai-behen baithe the.
"Kya schedule hai aaj?" Naksh ne poocha.
"Morning mein board meeting. Phir Singapore clients ke saath online conference."
"Perfect."
"Tumhara?"
"Ek merger deal finalize karni hai."
Breakfast ke baad dono apni-apni cars mein office ke liye nikal gaye.
Maa-baap ke jaane ke baad Naksh hi Naira ki poori duniya tha. Usne kabhi use kisi cheez ki kami mehsoos nahi hone di. Aur Naira bhi har kadam par apne bhai ka sahara bani rahi.
---
Singhania Group Headquarters
Boardroom mein directors aur shareholders baithe the.
Naira ne presentation shuru ki.
Har point itni confidence aur clarity se explain kiya ki meeting khatam hote hi sab taaliyan bajane lage.
"Excellent work, Ms. Singhania."
Conference room se bahar aate hi Naksh uska intezaar kar raha tha.
"Congratulations."
"Thank you, Bhai."
"Proud of you."
Naira muskurayi.
"Tumhare bina main yahan tak nahi pahunch paati."
Naksh ne bas uske sir par pyaar se haath rakh diya.
---
Goenka Villa
"Dadi..."
Kartik ne Suhasini Goenka ke pair chhuye.
"Jeete raho."
Suhasini muskura di.
Manish newspaper padh rahe the.
"Kartik, investors ki meeting yaad hai na?"
"Everything is ready, Dad."
Swarna breakfast serve karte hue boli,
"Pehle nashta."
Sab ek saath breakfast karne baithe.
Goenka family ka yahi rule tha.
Kitna bhi busy schedule ho, ek meal hamesha saath.
---
Goenka Group
Boardroom mein investors Kartik ka intezaar kar rahe the.
"Good morning, everyone."
Usne meeting itni confidently handle ki ki investors turant naye project ke liye agree ho gaye.
"Congratulations, Mr. Goenka."
"Thank you."
Meeting khatam hote hi uska assistant aaya.
"Sir, Udaipur Business Excellence Summit ka invitation."
Kartik ne invitation dekha.
"We'll be there tomorrow."
---
Evening
Singhania Mansion.
Naira balcony mein coffee lekar khadi thi.
Naksh uske paas aaya.
"Kal Business Excellence Summit hai."
"I know."
"Tum represent karogi Singhania Group ko."
"Okay."
"Waise bhi sab tumhe hi dekhna chahte hain."
Naira hansi.
"Drama band karo."
---
Ussi waqt...
Goenka Villa.
"Dadi, kal summit attend karunga."
Suhasini muskurayi.
"Kabhi kabhi zindagi ki sabse badi mulaqat bina bataye ho jaati hai."
Kartik halka sa hans diya.
"Dekhte hain."
---
Next Morning
Udaipur Business Excellence Summit.
Desh ke bade businessmen aur entrepreneurs venue par pahunch rahe the.
Ek taraf se Naira apni car se utri.
Haath mein files aur chehre par confidence.
Dusri taraf se Kartik ki black luxury car entrance par ruki.
Phone par baat karte hue woh bhi andar ki taraf chal pada.
Bas kuch kadam...
Sirf kuch kadam ki doori.
Tabhi ek event coordinator Naira ke paas aaya.
"Ma'am, please VIP registration idhar hai."
Naira uske saath doosri direction mein chali gayi.
Ussi waqt security ne Kartik ko rok diya.
"Sir, executive guests ke liye alag entrance hai."
Kartik bhi doosri taraf mud gaya.
Ek hi building.
Ek hi waqt.
Sirf kuch kadam ka faasla.
Lekin unki nazrein nahi mili.
Na hi unhe pata tha...
...ki kismat ne unki pehli mulaqat ko sirf kuch palon ke liye taal diya tha.
