Chapter : 1
“Asay nahi… mere saath aisa nahi kar sakte…”
Uski awaaz toot rahi thi.
“Khuda ke waste… usko chhor do…”
Aur phir—
Waqt kuch din peeche chala gaya.
………
Shuruwat.
“Waqt or kismat hi insan kay sabsa baray dushman han”
“Mama muja ni jana ap unko mana kar do”.
Aik aam sa din ka aghaz or sidha inkar.
‘Mana kar dun dimag sai ha uno na khud bulaya ha!” . To apko bulaya na ap chali jao.
“Han han bilkul.Chup kar ka uth or ja ka tyar ho”.Mama na kahan sunni thi kisi ki bat.
Ya sai ha har jaga ki mari ticket free ma kat dati han . Wo bhi gussa sa uth kar gai or ja ka abaya pahnna lagi .
Alaira tum abaya phanna gai ho ya dulhan banny!? Jaldi ao! Uffff… aik to mama or unki shadi sa obsession..
Wo ghar sa nikla to dupahar ka 2 baj raha tha mosam kafi acha tha thandi hawa bhi chal ri thi to usa zada masla ni hua ab wo dono Alaira ki khala ka ghar ja raha tha jahan par baki ki khala wagaira ikhati ho ri thi or phir una shopping pa jana tha.
Unki car khala ka ghar ka bahir ruki to wo donoutar kar gate ki taraf chala gay. Andar sab khala wagaira phla sa hi tha phir wo sab bhi car ma bath kar market ka lya nikal gay.
Is waqt wo sab fortress ma mojood tha or amna api ki shadi ka lya shopping kar raha tha . Amna api khala kulsum ki beti thi. Or theek 25 din bad unka nikah tha . Wo log bohot waqt sa shoppings pa ja raha tha or aj una Amna api ki bari ka lya kapra kharidna tha or bichari Alaira ko bhi ghaseet lya sath.
Wo is waqt uktai hui thi lakin khamosh thi . Uski wahan kuch khas zarorat nai thi lakin ghar pa akala chora hi ni usko ku ka akali hoti isi lya usa bhi sath la ai.
Is waqt almost sab kuch khareed hi lya tha jab Alaira ki nazar aik bacha pa pari. Wo masoom sa chota sa pyara or cute sa bacha apni moti moti ankhon sa Alaira ko daikh raha tha . Wo apni pram ma mojud tha lakin bohot dilchaspi sa Alaira ki harkaton ko daikh raha tha.
Jab Alaira ki nazar us par pari to wo aik lamha ko to ruk gya lakin phir khilkhila kar has dya.. uski muskurahat itni khubsurat or masoom thi ka Alaira ko baikhtiyar us par batahasha pyar aya.
Alaira na pahla nazar phair kar apni mama ko dakha jo khala ka sath shopping ma masruf thi or phir dubara nazar phair kar baby ko dakha jo abhi tak usa dakhna ma masruf tha . Or phir wo aik lamha zaya kya bagair us bacha ka pas chali gai .
Awww!! Ap to bohot pyara ho baby…! Kya name ha apka! ha kitna chota chota hands han apka so cute!!! ap yahan akala ho!?
Wo us bacha sa asa swal kar ri thi jasa usko waki ma sab samj aa ri thi.
“Ni ya akala ni ha”
Ya awaz Alaira ka picha sa ai thi to wo jhat sa muri. Uska samna aik nojwan khara tha jo apni ungli sa baby ki taraf ishara kar raha tha .
“Ya baby mara sath ha”
“O sorry sorry! Ma wasay hi baby sa batain kar ri thi” . Alaira thora sharminda hui, wo larka dakhna sa baby ka bara bhai maloom hota tha.
Phir Alaira na aik nazar mur kar us pyara sa baby ko dakha jo uska dakhna par aik bar phir khilkhila dya. Usna hath barha kar uska gal ko chua or phir .
“ bye bye, baby” kah kar wahan sa chali gai.
“Khala yar or kitni dair lagy gi?”
Wo is waqt wapis a gai or ab aisha khala ka pas khari unsa puch rahi thi.. “beta ji, shadi ki shopping ma time to lgta ha na”
Han to kisna kaha tha muja bhi ghaseet lao sath, ma to ghar ma hi theek thi, awi muja bhi sath lay ai mama..!!
Koi bat ni thora sabr kar ! “Asa kasay sabr karu yar muja kuch khilao phala phir ma chup karu gi !!
“ Wah wah! Sadky bhai sadky, khana ka lya zuban latki hui ha” . Han to or kya ab ma asay hi faltu ma rulti rahu ap logon ka sath!!. Alaira bhi kahan rah sakti thi apna matlab nikalway bagair…
Phir finally khala na usko McD’s ka beef burger khilaya phir kahin ja ka Alaira Shah ki rooh ko sukoon aya ab bhai wo aik burger to deserve karti hi thi akhir itni dair unka sath chalna para tha …
Udhar sa wapis a ka Alaira apna room ma agai. Room ma a ka wo dhram sa apna bed pa ghiri or chat ko takna lagi…. Kitni hi dair dakhti rahi phir achanak sa dubara wo do moti moti ankhain yad ai to wo muskura di…“aik thaki hui muskurahat”.
………
Agle din…
Subah ki roshni parde ke kinare se hoti hui kamre mein aa rahi thi, lekin Alaira abhi tak kambal mein munh diye pari thi.
“Alaira!”
Neeche se Mama ki awaz ayi.
Koi jawab nahi.
“Alaira Shah!”
Is baar awaz mein sakhti thi.
Alaira ne aankhein kholin aur be-dili se chhat ko dekha.
“Ji Mama…”
“Utho! Das baj gaye hain!”
“Bas paanch minute…”
“Tumharay ye paanch minute kabhi paanch minute nahi hotay!”
Alaira ne takiye mein munh chhupa liya.
“Allah… meri bhi kya zindagi hai.”
Phir usay achanak kal wala baby yaad aa gaya.
Wohi moti moti aankhein.
Wohi masoom si hansi.
Aur phir uske saath khara woh larka…
Alaira ki aankhein ek lamhe ke liye ruk gayin.
“Pata nahi kya naam tha uska…”
Phir usne khud hi kandhay uchka diye.
“Choro.”
..…….
Wo mun hath dho kar jab dinning area ma ai to uski ankhain chamak uthi.
“Baba!!” Wo kahta hua ja ka apna baba ka galay lagi.
Ahmad Sahib aaj subah hi apne dono beton ke saath Karachi se wapas aaye thay.Ya unka har 3 mahinay bad ka mamol tha. Wo har 3 mahinay bad apna dono baton ka sath karachi jatay tha wahan unka farm house tha jahan wo kuch zarori kam dakhtay thay.
“Kasi ho Alaira!”
Uno na uska gal chumtay hua pucha.
“Mana apko bohot yad kya, bohot zyada.”
Uski bat sun kar paas baitha shaks bola.
“Pata ha hamay jitna miss kiya hoga apna hamain, api!!”
Ya Arham shah tha ! Ahmad shah ka chota saput or Alaira ka chota bhai urf crime partner.. wasa kahna ko to Alaira 18 saal ki jwan larki thi lakin harkatain, TOBA TOBA!.
“Tum apna mu band hi rakho, acha .
Mana wakai ma apna baba ko bohot miss kya!”
“Acha theek ha, ab aa kay batho or nashta shuru karo!” ya bilqees begum thi jo kitchen sa nikalta hua ussa bol rahi thi…
Wo phir bagair kuch kahay ja kay Azan bhai ka sath baith gai jino na uskay sir par chit lagai….
“Sudhar jao larki !”
“Bhai bas bhi karain!”
Wo boli to wo muskura dya or phir sa khanay ma magan ho gya..
Ab wo sab apas ma halki phulki baton kay sath nashta kar rahay tha or Alaira, khamoshi sa kuch sochna ma masruf thi..
Baba !!
Alaira ki awaz par sab uski tarf daikhna lagay..
Bolo !
Uno na kaha;
“Baba, wo mari.. admission ki email aa gayi hai.”
“Germany wali?”
Daryaft kya..
“G.”
Yaklafzi jwab..
Woh kuch seconds chup rahe.
Phir:
“Tum jana chahti ho?”
Ussa pucha tha..
“G baba.”
Kuch pal gahri khamoshi cha gai … or ya khamoshi Alaira ko or nervous kar ri thi..
“Baba ya maray lya once in a life time chance ha, plz”.
Usna kahna chaha..
“Hmmmm.” Uno na gahri sans li..
“Theek ha tum apna saman pack karo, ma ticket ka intazam karta hun”.
“...Kya?”
Alaira na pucha..
Ahmad Shah ne saamne rakhi khali nashta ki plate dur ki.
“Main keh raha hoon, agar tumhari admission final hai to ja sakti ho.”
Kuch lamhon tak Alaira bilkul chup unhay dekhti rahi.
“Sach mein?”
“Han, sach mein.”
“Baba… aap mana nahi karenge?”
“Pehle mana kiya tha. Ab nahi kar raha.”
Alaira ke chehre par dheere dheere muskurahat phaili.
“Matlab… main Germany ja sakti hoon?”
“Han.”
“Sach?”
“Alaira!”
“Ji!”
“Ek hi baat kitni baar poochogi?”
Woh achanak uth kar khari ho gayi.
“Main Germany ja rahi hoon!”
Uski awaaz mein itni khushi thi ke Bilqees Begum ka sath sath uska dono bhai or baba bhi muskura diyay.
“Aray aray, abhi se aasman par mat
charho. Wahan ja kar parhna bhi hai.”
“Parhungi na Mama!”
“Phone bhi kam use karna hai.”
“Ji.”
“Apna khayal khud rakhna hoga.”
“Ji.”
“Har waqt ghar ki yaad aaye to rona nahi.”
Is baar Alaira ki muskurahat halki si tham gayi.
“Main nahi roungi…”
Usne kaha zaroor, magar awaaz pehle jaisi purjosh nahi thi.
Arham ne uski tarf daikhkar swal kya.
“Dar lag raha hai?”
Alaira ne kuch pal socha.
“Thora.”
“Phir?”
Usne dheere se muskurate hue kaha:
“Lekin… mujhe jana hai.”
Aur pehli baar Germany ka khayal uske liye sirf ek door ka mulk nahi raha tha.
Ab woh uski aane wali zindagi tha.
Ya sham ka manzar tha suraj pura din chanay ka bad is waqt kafi had tak dhal chuka tha..
Is waqt Alaira apni mama ka sath Germany ka lya packing kar ri thi..
Kay wo achanak sa apni mama sa puchna lagi..
“Mama kal jo..fortress may baby tha, bohot cute tha na?”
“Konsa baby?”
“Wahi, chota sa…. Apna bhai ka sath tha…”.
……
Ya airport ka manzar tha jahan par wo sab Alaira ko see off karna ay thay..
Departure ka waqt qareeb aa raha tha aur Bilqees Begum pichlay kuch minutes se lagatar Alaira ko hidayatein dene mein masroof thin.
“Beta, apna khayal rakhna… zyada akeli mat rehna. Wahan ja kar achay dost bana lena. Khana waqt par khana aur raat raat bhar jagna mat…”
Alaira ne muskura kar unki taraf dekha.
“Ji Mama! Main apna khayal rakhungi.”
“Aur mobile kam chalana!”
“Ji.”
“Khana time par khana!”
“Ji.”
“Aur—”
“Mama!” Alaira hans pari. “Main Germany parhne ja rahi hoon, jang par nahi!”
Arham foran hans pada.
“Mama, isko jaane dein warna flight iski hidayatein sun kar hi nikal jayegi.”
“Tum chup karo!” Bilqees Begum ne usay ghura.
Alaira ki hansi nikal gayi.
“Chalya begum, ab bas bhi karain…
Ahmad sahib na apni biwi sa kha..
“Arham sahi kah raha ha. flight ka time ho gya ha, ab ussa jana ha”.
Bilqees Begum chup ho gayin. Woh ek qadam peeche hatin aur aankhon mein aaye aansu chupke se ponchne lagin.
Alaira ab muskurati lakin udas nazroon sa apna baba ko daikh rahi thi, wo udas thi ussa in sab ko chor kar jana tha..
“Baba!” Usna pukara..
Ahmad sahib agay bara or usa khud sa lagaya..
“Bachay…Apna khyal rakhna, acha?”
“Ji baba”.
“Allah meri bati ko kamyab karay!”
Uno na uska sir par bosa datay hua kaha..
Uska bad wo bari bari apna bhayon sa mili..
Arham to bagairat ro bhi raha tha.. akhir itna waqt sath guzara tha ab alag ho raha tha to dhuk ho raha tha..
Uska ansu daikh kar to Alaira ko bhi rona agya.
“Maray bagair koi galat kam mat karna ma jab wapis aon gi to ikatha mil kar karain gay!”
Usna ansuon ka sath kaha to sab has para.
Phir woh Azan bhai se mili.
Sab ko aakhri baar dekha…
Aur phir dheere se palat gayi.
………
Alaira, Allama Iqbal International Airport sa ja rahi thi.
Yahan sa usna fly kya, uska stop over Istanbul Airport, Turkey tha.. or phir uskay bad sidha cologne Bonn Airport, Germany!
Wo turkish airlines ma thi jiska sirf aik stop Istanbul tha uska bad sidha Germany..
………
Germany ka ya safr uski zindagi main kya kya raaz lanay wala tha...... ya to waqt hi bata sakta tha.
