Chapter 2
وصلت مي إلى البيت وهي تكاد تركض.
أغلقت الباب خلفها بسرعة، وأسندت ظهرها إليه، وهي تحاول التقاط أنفاسها.
وضعت يدها على صدرها، وقلبها كان ما يزال يخفق بقوة.
— أنا إيه اللي حصل لي ده؟
جاءها صوت من غرفة المعيشة:
— مي؟
رفعت رأسها بسرعة.
كانت دعاء ورشا تجلسان معًا، وما إن رأتا وجه مي حتى وقفتا في نفس اللحظة.
اقتربت رشا منها بقلق.
— مالك؟ إنتِ شكلك شوفتي شبح!
نظرت مي إليها للحظات، ثم قالت بصوت منخفض:
— يمكن فعلًا شفت حاجة أسوأ من الشبح.
نظرت دعاء إلى رشا، ثم أعادت عينيها إلى مي.
— حصل إيه؟
جلست مي على أقرب كرسي، وما زالت تحاول استيعاب ما حدث.
— وأنا راجعة... حسيت إن حد ماشي ورايا.
قالت رشا بسرعة:
— حد؟
هزت مي رأسها.
— أيوه. سمعت خطواته بوضوح. وكل ما أبص ورايا... مفيش حد.
جلست دعاء بجانبها.
— يمكن حد كان بيهزر معاكي؟
— لأ.
ردت مي فورًا.
ثم سكتت قليلًا قبل أن تكمل:
— الموضوع ماكانش كده. أنا حسيت إن حد واقف ورايا... قريب مني جدًا.
ساد الصمت.
ابتسمت رشا ابتسامة صغيرة، وحاولت تخفيف الجو.
— يمكن كنتِ متوترة بس.
لكن دعاء لم تضحك.
كانت تنظر إلى مي باهتمام غريب.
— وقالك حاجة؟
رفعت مي عينيها إليها.
— لأ.
ثم أضافت:
— بس قبل ما أمشي، سمعت صوت.
تغيرت ملامح دعاء للحظة.
لحظة واحدة فقط.
لكن مي لم تلاحظها.
— صوت إيه؟
— قال...
ترددت مي.
ثم قالت:
— "أخيرًا وجدتكِ."
لم تتكلم رشا.
أما دعاء فثبتت عينيها على مي، وكأنها سمعت شيئًا لم تكن تتوقع سماعه.
وبعد ثوانٍ، سألت بهدوء:
— إنتِ متأكدة إنه قال كده؟
نظرت مي إليها باستغراب.
— أيوه... ليه؟
ابتسمت دعاء بسرعة.
— ولا حاجة. بس غريب.
في تلك اللحظة، جاء صوت طرق خافت على نافذة الغرفة.
طرقة.
ثم ثانية.
طرقة... طرقة.
التفتت الفتيات الثلاث نحو النافذة.
اقتربت مي ببطء.
وضعت يدها على الستارة...
وقبل أن تفتحها، انطفأت أنوار الغرفة بالكامل.
صرخت رشا.
— مي!
وفي الظلام، جاء صوت هادئ من مكان قريب جدًا:
— لا تفتحي النافذة.
تجمدت مي في مكانها.
لكن هذه المرة...
لم يكن الصوت في الشارع.
كان داخل البيت.


![Fated to My Ex- Best Friend [Moving to Galatea]](https://cdn-gcs.inkitt.com/vertical_storycovers/ipad_49edb1dbf9a28b50b9c4d68d8598359b.jpg?width=1920&quality=75)






