Fiancee
"Totoo ba na fiancee na ni Kyohei yung mangkukulam na Sunako na 'yun?"
"Sabi nila. Naku naman. Hindi sila bagay. At saka, siguro, napilitan lang si Kyohei mylabs dahil baka ginayuma lang ng babaeng yun!"
"Korek! Nakakaloka. Sa witch na yun lang pala mapupunta si Kyohei. I'm so sad right now."
"Teka lang, bakit parang lumalamig 'ata?"
"Oo nga. Super lamig. Para tuloy may espiritu sa paligid."
"Espiritu? Asan?" excited na ani ng boses. Pagkakita ng dalawang chismosa dito ay agad na namutla ang pagmumukha ng mga ito. Nahindik sa awra ng kaharap na animo'y tuwang-tuwa pagkarinig sa pinag-uusapan nila.
"Ay, santisima! Nanggugulat ka naman, Sunako!" may nginig sa pagkakangiti ng babae.
"Oo nga, girl! Bigla ka na lang sumusulpot."
"Alam n'yo, kung ako ang pinagchichismisan n'yo at yung nakakasilaw na lalake, inyong-inyo na yun. Kahit maghati pa kayo—" hindi na nito natapos ang sinasabi nang hapitin ito sa bewang ng binata na tinutukoy nito.
Nanlalaki lang ang mga mata ni Sunako sa ginawa ni Kyohei.
"Fiancee na nga kita, tapos gusto mo pa kong ipamigay sa kanila. Ang sama mo naman. Ang daming nag-aagawan sa kaguwapuhan ko tapos ganyan ka. Wag ganyan, love." sabay halik nito sa kanan niyang pisngi. Halos manlambot ang tuhod ni Sunako sa ginawa nito. Nanginginig ang kanyang kalamnan. At parang sasabog ang puso niya sa sobrang inis.
Iniisip na niya papaano ito gagantihan sa sunod na mga araw.
Kung ialay na lang kaya niya ito sa mga diyablo?
Dahil sa naisip ay bigla siyang napangisi.
"Kita mo na, nagustuhan mo yung kiss ko." Halos itulak niya ito sa pinagsasabi nito.
Nakatakbo na siya't lahat ay tinatawag pa rin siya nito.
Kasalanan talaga yun ng auntie niya.
At kasalanan ng lalake na yun na mukhang pera.
Di bale, lintik lang talaga ang walang ganti.
-
