Chapter 1
Part 1: Subah Ki Shuruaat
Alarm bjta h...bhar thandi hawa chal rhi hoti h
Anish ki aankhen dhundhli si roshni mein khul jati h. Usne chhatt ki taraf dekha or khud se puchta h kya aaj bhi whi routine hoga..?
Aaj bhi ek nayi din ki shuruaat thi, lekin Anish ke liye har din ek jaise hi lagte the — ek jaise log, ek jaise raste, ek jaise jazbaat. Jaise zindagi mein kuch kami ho... bas woh samajh nahi pa raha tha ke kya.
Breakfast krne k bad clg jane k liye ready hota h apni diary pkdta h jispr wah shayri ya bss din ka haal likha krta .
wah apni diary kholta h or likhta h
"Zindagi ek musalsal safar hai, jisme manzilein nahi... bas raaste hain. Shayad kabhi kisi mod par manzil mil jaaye."
Usne ye alfaaz likhe aur diary band kar di.
Anish ek average ladka tha — na zyada outgoing, na zyada kisi se baat krta bss apni khyalo me khoya rhta . Uski zindagi ek middle-class family mein guzar rahi thi..
Roj college jana or college se ghar Anish ka sabse bada rishta uske khwabon se tha.
Woh engineering ka student to tha, lekin uska dil kahin aur tha. Shayari mein, kahaniyon mein, logon ke chehron ke pichhe chhupe jazbaat mein. Shayad isliye usse duniya thodi si ajeeb lagti thi — ya ho sakta hai woh khud duniya ke liye ajeeb tha.
Usne nashte mein sirf coffee li. Ammi ke kehne par bhi bina kuch khaye chal diya. Use Aaj kuch alag mehsoos ho raha tha. Jaise hawa kuch keh rahi ho, jaise zindagi koi naya panna kholne wali ho.
College ka waqt ho chuka tha. Usne apna grey backpack uthaya, jisme ek notebook, ek pen aur ek novel tha
Woh nikal pada, galiyon se guzarta hua. Paidal bus stand kior bdhne lga Lekin Anish ki zindagi mein abhi bhi sukoon ka pehlu baqi tha.
Us waqt use pata nahi tha, ke aaj ka din uski zindagi badal dega
Part 2: Pehli Nazar
Bus stand ka mahaul hamesha ki tarah bhara hua tha. Horns ki awaaz, hawkers ki cheekhte hue offers, aur logon ke beech mein apni duniya mein khoya hua Anish — ek kone mein bench par baitha, haath mein phone tha, lekin aankhen kahin aur.
Har din ki tarah aaj bhi uske chehre par wo hi udasi thi — kanon mein earphones the lekin music ki awaaz ka koi asar uske chehre par nahi tha. Shayad sirf noise ko mute karne ka ek bahana tha.
Tabhi uske saamne se ek awaaz guzri — ek halki si hansi, ek pal mein hawaon ko halki kar dene wali.
Anish ne sirf itna mehsoos kiya ke saamne se ek ladki guzri thi. Simple si shalwar suit or , dupatta halki si hawa mein ud raha tha, aankhon mein ek ajeeb si roshni , chehare pe wo noor jisne anish ka dil jit liya— Shara.
Uske chehre ki wo muskaan jo Anish ke dilo-dimagm mein ek silsile ki tarah chhup gayi. Jise wo kabhi bhula na pata Woh usi waqt samajh gaya — yeh mulakaat kuch khaas hai.
Shara ne ek baar uski taraf dekha, muskurai — jaise usne Anish ke dil ka raaz padh liya ho.
Anish kuch der tak bss use hi dekhta raha mano waqt jaise Tham gya ho Usne sirf itna socha — "Kaun thi yeh?"
Usne earphones utare, phone pocket mein daala aur bas aankhon se uski talash karne laga. Shayad woh bus ke liye rukhi thi, ya kisi ko chhodne aayi thi — lekin jo bhi tha, woh kuch hi palon mein chali gayi.
Lekin uski muskurahat, uski aankhen, uski chaal — sab kuch Anish ke dil mein ek awaaz ki tarah baith gaya:
"Shayad meri khamosh zindagi mein kisi ne dastak di hai."
Anish ne us din apne dil se ek baat kahi — “Agar phir kabhi woh dikhe, toh naam poochhunga. Agar dobara mulaqat ho gayi… toh baat aage badh jaayegi.”
Usse nahi pata tha ki ye mulaqat aakhri nahi thi... sirf ek shuruaat thi.
Part 3: Baatein Jo Dil Chhoo Jaayein
Agle kuch din Anish ne usi bus stand par guzare — wahi bench, wahi earphones, lekin ab uska dhyaan music mein nahi, us chehre ki talaash mein tha jo uske zehan mein pehli nazar mein bas gaya tha.
Woh har din subah waqt se pehle pahuch jaata — sirf is umeed mein ki shayad aaj woh phir aaye... woh ladki jis se pehli bar milte hi ek alag ahsas hua tha.. kuch to baat thi.
Aur phir — ek din, ek pal mein sab kuch badal gaya.
Subah ka waqt, dhoop halki si thi. Anish ne aankhon par haath rakha jaise kuch dhoondh raha ho. Tabhi uski nazar usi ladki par padi — Shara. Aaj usne navy blue ka suit pehna tha, dupatta kandhe pe dhala hua. Uska chehra bina muskuraye bhi muskurata hua lag raha tha.
Woh uske paas aayi, aur bench ke doosre kone par baith gayi.
Anish ka dil ek pal ke liye ruk gaya.
Kuch seconds ke liye dono ke beech sirf khamoshi thi. Lekin woh khamoshi bhi ajeeb si pyaari thi — jaise dono kuch kehna chahte ho, lekin lafzon ki zarurat mehsoos na ho.
Tabhi Shara ne pehli baar uski taraf dekha aur kaha:
"Aap roz yahaan baithte ho?"
Anish thoda ghabraya, lekin ek halki muskurahat ke saath bola:
"Haan… ya shayad tumhare liye."
Shara ne hairan hokar dekha, phir hansi rok nahi paayi.
"Achha… toh stalker ho?"
Anish ne hans kar kaha:
"Nahi... lekin jab se tum dikhi ho, waqt rok sa gaya hai."
Uske baad dono ke beech baat hone lgi College kaun sa hai, tunhara naam kya hai, tumhari hobbies kya hain. Shara ne bataya ke woh psychology padhti hai. Anish ne bataya ke woh mechanical mein hai, lekin shayari likhta hai.
Shara ne pucha..
"Tum shayar ho?"
"Nahi... bas lafzon se dard chhupata hoon." Usne kaha.
Shara kuch pal ke liye chup ho gayi. Phir usne kaha:
"Kabhi sunaana mujhe bhi. Shayad main bhi kisi dard ka hisa hoon."
Us pal mein kuch badal gaya tha. Jaise dil ke andar kuch khil gaya ho — ek ajeeb si ahsaas, ek connection, bina kisi wajah ke.
Us din dono ne ek hi bus li. Aur dono ek hi mod par utar gaye — jaise taqdeer ne likh diya ho: Ek raasta, ek manzil.
Phir din badalne lage. Subah ki chai-coffe college ke baad ka walk, ek dusre ke beech ki baatein, hansna, roothna, aur uss sab ke beech ek rishta — jo lafzon se nahi, ehsaas se ban raha tha.
Log kehte hain, mohabbat waqt leti hai. Lekin Anish aur Shara ke beech waqt ki zarurat hi nahi padi. Unki mohabbat unki muskurahat mein, aankhon ki chamak mein, aur unsuni baaton mein thi.
Mano Shara ne Anish ko zinda kar diya tha.
Aur Anish… Shara ke dil ki wo kitaab ban gaya jise woh har din padhti thi, bina kisi page ko palte.
Part 4: Do Dil, Ek Duniya… Magar Duniya Alag
Shara aur Anish ke rishte ne ab ek pehchaan le li thi. Har din ek nayi mulaqat, har mulaqat mein gehri baatein, muskurahat ke peeche chhupa ek apna sa ehsaas. Shara jab bhi hans-ti, Anish ko lagta jaise uska har gham door ho gaya ho.
Ek baar college ke baad, Anish ne usse poocha:
"Tum kabhi sochti ho, hum dono ka aage kya hoga?"
Shara ne halki muskan ke sath jawab diya:
"Sochti hoon... har din. Lekin mujhe tum par bharosa hai."
Par pyaar ka bharosa sirf dono ke dil tak simit hota hai, duniya ka rang kuch aur hota hai…
Us shaam, jab Anish ghar aaya, uska chehra roshan tha — aankhon mein us din Shara se hui baat ki chamak thi. Uske Abbu ne gusse se dekha:
"Kahan tha tu itni der?"
"Bas college mein tha... ek assignment tha," Anish ne jhoot se apne jazbaat chhupane ki koshish ki.
Lekin Abbu ne diary uthai, us par likhi lines padhi:
“Main us se juda ho ke bhi usmein hi zinda hoon,
Mere har khwab mein sirf wohi aayi hai…”
"Ye kis ke liye likhta hai tu?"
Anish chup ho gaya. Us pal mein uske Abbu ki aankhon mein ek aisi nafrat thi, jo usne kabhi mehsoos nahi ki thi.
"Mohabbat... ye sab faltu baatein hamare ghar mein nahi chalti. Apne raste par chalna seekh. Kal se tu seedha ghar aayega."
Dusri taraf Shara ke ghar mein bhi kuch alag nahi ho raha tha. Uski Ammi ne uska phone dekha — jisme Anish ka naam "Meri Dua" ke naam se save tha.
Ammi ne ghusse se phone uski taraf feka:
"Ye kya hai Shara? Kis se baatein karti rehti ho itni der tak?"
"Ammi... woh mera dost hai."
"Dost? Ladke aur ladki mein sirf dosti nahi hoti. Tumhari shaadi hum tay karenge tum nhi smjhe .
Shara ke aansu uski aankhon mein the, lekin usne kuch nahi kaha. Woh sirf ek hi baat sochti rahi: “Kya galti ki hai humne? Sirf mohabbat hi toh ki hai…”
Us din ke baad, dono— chhup chhup kar. Milne lgae Kabhi library ke ek kone mein, kabhi kisi park ke bench pe. Har mulaqat mein ek darr tha… “kahi koi dekh na le.”
Anish ne ek din kaha:
“Mohabbat dhoop jaisi hai — par jab kabhi dhoop ke beech saaya aata hai… toh ya to roshni kam padti hai, ya rasta chhup jata hai.”
Shara ne pucha iska mtlv..?
Anish ne javab diya hume is tarha milte salon ho gye hain
"Main thak gaya hoon Shara. Har pal lagta hai jaise hum galat kar rahe hain. Lekin dil kehta hai... tu meri hai."
Shara ne uska haath pakda:
"Anish Shayad ye duniya samajhne mein der lagaye, lekin main tumhara sath nahi chhodungi."
Lekin unki duniya chhoti padne lagi thi…
Anish ka mobile ek din ghar pe chhuta reh gaya — jisan ne unke chats Padh liye Shara ke ghar walon ko bhi pata lggya.
Aur dono ke ghar mein ek naya jang shuru ho gaya — sanskaar ke naam pe, izzat ke naam pe, rishtedariyon aur log kya kahenge, uske naam pe.
Lekin dono ne decide kar liya tha — av jo hoga dekha jayega Hum juda nhi honge
Part 5: aakhri raat
Shaam ka asmaan narangi rangon se bhar gaya tha. Bus stand ki wo bench, jahan Anish roz akela baithe phone scroll karta tha, aaj bhi wahi tha… lekin uski aankhon mein aaj kuch aur tha — intezaar.
Wo apne phone ki screen pe ungli ghuma raha tha… Shara ki last seen dekhte hue, uske message ka “typing…” intezaar karte hue. Har second ek saal jaisa lag raha tha. Thand ke us mausam mein bhi uske haathon mein paseena tha.
Aur tabhi… uske saamne se ek hijab mein ladki aayi, jiska chehra kisi noor se kam na tha. Shara.
Anish ki saans rukh gayi thi. Jaise waqt thahar gaya ho. Dono ki aankhen mili, aur phir sab kuch khud-ba-khud keh diya.
"Tum aayi..." Anish ne halka muskurate hue kaha.
"Aur tum intezaar kar rahe the, jaise har baar," Shara ne jawab diya.
Dono kuch der tak bas ek dusre ko dekhte rahe. Anish ne aage badh kar uska haath pakda — ye pehli baar tha jab dono ne be-dari se ek dusre ka haath thaama tha. Shara ka haath halka sa kaamp raha tha, par uski ungliyaan Anish ke haath mein ghul gayi thi — jaise kisi dua ka jawab mil gaya ho.
"Chalo kahin door chalein, jahan sirf tum aur main hoon, aur koi nahi," Anish ne kaha.
Shara ne sir hila diya — ye haan thi, duniya se ladne ke liye.
Phir dono ne
Ek purani gali ke ek chhote se madarasa mein, ek Maulana sahib ke saamne Anish aur Shara ne nikaah padha. Shara ne aankhon mein aansuon ke saath ‘Qubool hai’ kaha, aur phir Anish ne .
Wo ek naya jeevan tha — bina family ke, bina duniya ke — sirf pyaar ke saath.
Nikah ke baad, Shara apne haatho pe mehndi laga rhi hoti h. anish uski mehndi dekh kr kehta h samjh nhi aa rha tumhaari mehndi jyada khubsurat hai ya tum?
Shara uski yah baat sunkr muskurane lgti h.
Us raat Anish aur Shara ek chhoti si rented room mein rahe jha kone me ek lamp jal rha tha — Bahar baarish ho thandi hawa chal rahi thi… lekin unke liye to wo sath ek nayi zindagi ki baarish thi.
Anish ne Shara ka haath pakda, uske bad Shara anish ke sine par sir rkha or so gyi.
Part 6: sach ka samna
Dusri subha jav anish ki aankhen khuli sav kuch badla sa lag raha tha
Usne apne agal bagal nazr dodai or dekha sav kuch badal chuka tha bed alag tha ,waha ki khidki alag thi, waha rkhi lamp bhi gayab thi jaise wah kisi dusre room m aagya tha.
Anish ko kuch smjh ni aa rha tha wah hairan tha usne chilla kr Shara ko awaz lgaya
Darwaza khulta h or anish ka bada bhai jishan andr aata h uske chehre pe hairani or ek ajib se khusi hoti h uska bhai jakr ghar walon ko bulata h uske ghar wale kamren m aate h we use dekh kr shocked rhte h
Poore kamre mein khamoshi chaa jati hai
Anish ghar walon se puchta h ki Shara kahan hai ?? Sav chup rhte hain
Ghar walon ke jawab na dene pr anish Phir se tez awaz m puchta h shara kahan hain??
ghar k sabhi log ek doosre ko hairat bhari nazro se dekhne lgte h or khte h kon sara beta tum kiski baat kr rhe ho ?
Anish gusse se bolta h..Shara meri biwi Kahan hai wo ??
M janta hu tum sav hamare riste se khush nhi the isliye tumhi logon ne uske saath kuch kiya h batao kha chupaya h meri shara ko.
Jisan room se Bahar jata h or dr. Rehana ko bula kr lata h.
Kuch hi der mein doctor kamre mein aayi, haath mein file thi. Usne sabko baahar jaane ko kaha.
“Anish,” usne shant awaaz mein kaha, “Mujhe pata hai tumhare liye yeh sab samajhna mushkil hai, lekin yeh zaroori hai.”
Doctor ne file kholi, aur ek report Anish ke saamne rakhi.
“Do saal pehle tumhara ek accident hua tha. Uske baad tum Minimally Conscious State mein chale gaye the — yeh ek aisi condition hoti hai jisme tumhara brain active rehta , sochta hai ,react karta hai, lekin body bilkul inactive hoti hai.” ya ek prakar se Kahlo tum coma m the.
Anish kuch nahi bol paya.
“Tum do saal tak issi condition mein the. Hosh mein nahi, lekin dimaag chal raha tha. Or jav tum dard m the to us dardko dur krne k liye Tumhare zehan ne ek nayi duniya bana li — jisme ek ladki thi, Shara. Tumhara pyaar. Tumhari shaadi. Tumhari zindagi.”
Anish ke hont kaanpne lage. “Toh... woh sab...?”
“Sab tumhare dimaag ka hissa tha. Shara... real nahi thi.”
Kuch der tak kamra bilkul sann raha .
Doctor ne file band ki or kha “Kahi na kahi, tumhare andar kisi Shara ki yaad thi. Shayad school time ka koi pyaar. ya sayd kisi ko kho diya tha. Tumhare zehan ne us loss ko poora karne ke liye ek kahani likhi… aur jav tum coma m the to us kahani ko asal smjh kr ushi me jine lge.
Anish k ankho m bss aasun the or mn m yeh sawal jispe yakin krna muskil ho raha tha
Wah coma se to bahar aagya tha lekin us sadme se nhi.
Uski yaadein, Uska chehra, uski muskan sav uske zaheen m bss gyi thi.
Ek din anish garden mein baitha tha uske haatho m diary thi.. usne aasman ki taraf dekha muskuraya or diary m likha "Main janta hoon tum real nahi thi... par jo pyaar maine tumhare liye mehsoos kiya, wo bilkul asli tha."
Title ki tarah, Anish 'Wake Up' karta hai — sirf neend se nahi, zindagi ki sachchaiyon se bhi
3 Mahine Baad
Anish ek library ke reading hall mein tha. Tabhi ek ladki uske samne se guzri... haathon mein wahi kitab thi jo Shara ke paas thi...
Uska naam uske ID card pe likha tha:
"Shara Khan"
Anish (muskurakar):
"Kya tum sach me aayi ho...? Ya main phir se sapne dekhra hoon?
To be continued....
[
The End — Wake Up
]
Written by MdAnish
